أنا والماضى

الحلقة الثانية عشر

تانى يوم الصبح فى بيت ياسين وهاجر :
(. هاجر صحيت متأخرة جداً ، ولما صحيت ملقيتش حسام جنبها ولقيت كل انوار الشقة مطفية .)
هاجر لـ نفسها : الظاهر ياسين خرج ونسي ينور الشقة
(. وخرجت هاجر الـ Reception -غرفة الاستقبال- ونورته ، وكانت زعلانه جداً ان ياسين خرج فى يوم زى ده ،. بس هاجر لقيت حاجه فى الـ Reception .)
هاجر مصدومة : ايه ده !! ياسين نايم على الكنبة ليه ؟ ياسين ياسين اصحى يا حبيبي
ياسين : بــخ
هاجر : حد يصحى من النوم يقول بخ
ياسين : ومين قالك انى كنت نايم
هاجر : انت صحيت من بدرى
ياسين : لا من شوية بس انتِ نومك وحش اوى كنتِ هتوقعينى من على السرير :p
هاجر : ههههههه بُص بقى اتعود على كده انا طول عمرى وحيدة يعنى اى حاجه بعملها ماليش فيها شريك
ياسين : بس انتِ معاكى شريك دلوقتى على فكرة ؛)
هاجر : ربنا يخليك ليا ، هروح الحمام
( ومشيت هاجر كام خطوة )
ياسين : هاجورتى
( التفت هاجر لقيت ياسين واقف وماسك فى ايده بوكيه ورد احمر حلو اوووى )
ياسين : مبروك يا احلى عروسة واجمل انسانة فى الدنيا كلها
( جريت هاجر على ياسين وحضنته )
هاجر : حلو اوى الورد ده يا ياسين
ياسين : عجبك
هاجر : اووووى
ياسين : طيب يالا بقى جهزى نفسك
هاجر : اشمعنى
ياسين : هنسافر
هاجر : نسافر !! فين
ياسين : انا حاجز اسبوعين فى شرم الشيخ بس مرضتش اقولك عشان تبقى مفاجأة
هاجر : بجد يعنى هنسافر دلوقتى
ياسين : مش دلوقتى ، طيارتنا الساعة ١٢ بالليل ويوسف هيجي يوصلنا المطار
هاجر : الله حلو اوى اروح بقى اجهز المايوة (ومشيت بس ياسين شدها من شعرها)
ياسين : تجهزى ايه يا عنيا ؟
هاجر : اى اى شعرى يا ياسين سيب شعرى
ياسين : عايز اعرف اللى سمعته ده بجد ولا انا سمعت غلط
هاجر : بجد طبعاً مش شرم يعنى بحر وبحر يلزمه مايوه
ياسين : شرم يعنى شهر عسل وشهر عسل يعنى نتفسح ونتبسط بس من غير ما نغضب ربنا ماشى وازاى اصلاً مراتى تعوم بمايوه والناس كلها تبص عليها انتِ اجننتى ؟ انتِ ليا لوحدى فاهمه
هاجر : طيب سيب شعرى اقولك على حاجه
ياسين : ارغى
هاجر (التفت لياسين) : انا عمرى ما لبست مايوه ولا كنت هلبسه حتى لو سافرنا اوروبا مش شرم بس انا قولت كده عشان كنت حابه اشوف رد فعلك وانت غيران عليا انا بحبك اوى
ياسين : امشى يا بت من هنا
هاجر : هههههههه ماشى همشى
ياسين لـ نفسه : يخربيت جمالك بعشقك ، ده انا بعشق اهلك عشان خلفوكى ، ربنا يحفظك ليا ويديم علينا فرحتنا وسعادتنا
*_____________________________________________**___________________________*
فى شركة حسام :
(. حسام نايم على كنبة فى المكتب .)
اتصلت علا بـ حسام :
علا : ايه يا حبيبي انت فين
حسام : فى الشركة
علا : لسه عندك شغل
حسام : اه عندى شوية حاجات بخلصهم
علا : اوكى يا حبيبي ربنا معاك
حسام :: ممكن اتأخر شوية متستنينيش
علا : وانا من امتى مش بستناك يعنى
حسام : ربنا مايحرمنى منك (وقفلوا المكالمة)
حسام لـ نفسه : يااااه يا حسام وصل بيك الحال انك تروح تقعد فى الامكان اللى كانت هاجر بتقعد فيها بس عشان تتخيلها ، ما تقول لنفسك انك فعلاً حبيت هاجر وهتموت وتوصلها ، طيب افرض وصلت لها هتعمل ايه يعنى ؟ مانت عارف ان هاجر استحاله تعملك اللى انت عاوزه ، بس انا مبقتش عايز هاجر لكده وبس انا نفسي اشوفها اسمع صوتها اشوف ضحكتها ، برضه لو لقيتها هتعملها ايه ، دى استحالة تبص فى وشك بعد الللى انت عملته معاها ، انا بس اوصلها وافهمها انى بحبها بجد و ... ، ايه بتحبها بجد !! انت حبيت هاجر ولا ايه ؟ ايوة حبيتها ايه المشكلة ، طيب وعلا وولادك ؟ علا مراتى وحبيبتى وولادى دول حياتى بس انا اتعلقت بـ هاجر وده مالوش تفسير غير انى بحبها . وهتعمل ايه ؟ هعمل الصح هقابلها وافهمها واطلبها للجواز وعشان اثبت لها حُسن نيتى هروح اطلبها من مامتها . طيب وعلا ؟ مش هعرفها حاجه بس برضه هعمل لـ هاجر اللى نفسها فيه هعملها فرح وليلة حلوة اوى وهتجوزها بجد بس انا اوصلها بس
(. وجرب حسام يتصل بيها تانى .)
حسام : يووووه برضه مقفول يارب يا هاجر اوصلك
*_____________________________________________**___________________________*
فـى شرم الشيخ :
هاجر : انت اشمعنى جايبنا بالليل كده :(
ياسين : فُكى بوزك ده ، انا حجزت فى الوقت ده عشان نجى ننام ونستريح وبكرة بقى نبدأ اليوم من اوله
هاجر : بس اسبوعين كتير اوى ماما زمنها هتجنن عليا ولما كلمتها حسيت صوتها مخنوق اوى
ياسين : طيب مانا قولتلها تجى تعيش معانا ومرضيتش
هاجر : ماما استحالة تجى تضيق علينا وهتحس انها تقيلة
ياسين : طيب مانا قولتلها ناخد لها شقة فى نفس العمارة عشان تكون قريبة منك وبرضه رفضت
هاجر : لانها عمرها ما هتسيب بيتها
ياسين : طيب متقطعيش بقى
هاجر : يعنى ايه
ياسين : يعنى زوريها كل يوم
هاجر : ربنا يسهل ان شاء الله
ياسين : يالا بقى ننام انا تعبان اوى
هاجر: بس انا جعانه
ياسين : الله لحقتى احنا مش اكلنا فى الطيارة
هاجر : هو ده اكل ياسين يالا بجد ننزل ناكل اى حاجه تحت
ياسين : امرى لله يا عروسة
(. وبعد ما نزلوا المطعم .)
ياسين : ايه يا هاجر مبتاكليش ليه
هاجر : مانا باكل اهو
ياسين : بس ده مش اكل واحدة كانت هتموت من الجوع
هاجر : بصراحة انا مكنتش جعانه
ياسين : نعم !!
هاجر : ايوة انا كنت عايزة نفضل صاحيين سوا وملقتش حجه غير اقوللك انى جعانه
ياسين : كده طيب
هاجر : هههههه
ياسين : بتضحكى !! طب مفيش نوم الليلة خالص ولو عيطتى عشان تنامى برضه مفيش يوم يالا
هاجر : يالا ايه
ياسين : يالا نبدأ السهرة ، هتلفى شرم كلها النهاردة
(. ودفعوا الحساب وخرجوا يتفسحوا .)
*_____________________________________________**___________________________*
تانى يوم فى بيت حسام :
علا : حسام يا حبيبي
حسام : ايوة يا علا
علا : انا حاسة انك الايام دى متعصب دايماً ايه رأيك تاخد اجازة اسبوع او حتى تلت ايام ونروح اى حتة تروق اعصاب
حسام : ما احنا يدوب لسه راجعين
علا : يدوب ايه بس يا حبيبي وبعدين احنا كنا رايحيين عشان انا اعصابى كانت تعبانه دلوقتى انت اللى مش رايق
حسام : عايزة تروحى فين
علا : اى حتة يا حبيبي
حسام : بس مش هينفع بره مصر
علا : اوكى مش مشكلة
حسام : شرم ولا الغردقة
علا : لا شرم الولاد بيحبوها
حسام : طيب هرتب فى امورى فى الشغل واحجز لنا ان شاء الله
علا : ماشى يا حبيبي ، ربنا يريح بالك يارب ، هروح اشوف الولاد
حسام لـنفسه : فكرة حلوة فكرة السفر دى يمكن انشغل مع علا والولاد عن التفكير فى هاجر
(. بعد ساعة .)
حسام : يا علا يا علا
علا : ايوة يا حبيبي
حسام : جهزى نفسك السفر بكرة الصبح انا كلمت وائل وظبطت نفسي
علا : ماشى يا حبيبي هروح اجهز الشنط
*_____________________________________________**___________________________*
تانى يوم فى شرم :
هاجر : اصحى بقى يا ياسين
ياسين : عايز انام شوية
هاجر : يا حبيبي اصحى بقى انا لابسة من بدرى ومستنياك قوم بقى كل ده نوم
ياسين (وشدها من ايدها) : طب ما تجى انتِ كمان تنامى شوية
هاجر : لا انا جاية هنا اتفسح ، انا هنزل تحت فى الاستقبال اشرب عصير وهاستناك متتأخرش
ياسين : تمام يا افندم
(. فى نفس الفندق .)
حسام : روحى انتِ والولاد استنوا فى الريسبشن لحد ما اخلص الاجراءات
علا : ماشى يا حبيبي
_-_-_-_-_-_
فى الاستقبال (recption) :
هاجر بتكلم ياسين فى الموبايل : كل ده يا ياسين اخص عليك بجد . بحبك يالا بقى انزل . باى يا حبيبي
علا لـ هاجر : شكلك لسه عروسة جديدة
هاجر : اه متجوزة من اربع ايام بس
علا : الف مبروك
هاجر : الله يبارك فى حضرتك ، دول ولادك
علا : ايوة عبد الرحمن وعبد الله
هاجر : وفين باباهم
علا : بيخلص شوية حاجات
هاجر : انتوا بقى جايين تجددوا شهر العسل
علا : هههههه ايوة حاجه زى كده
هاجر : ربنا يسعدكوا ، انتوا من القاهرة
علا : اه
هاجر : وانا كمان
علا : منين من القاهرة
هاجر : مدينة نصر
علا : احنا ساكنين فى مدينتى
هاجر : وقبل كده
علا : كنا فى التجمع الخامس
(. وفضلو يتكلموا شوية .)
عبد الرحمن : بابا جاى اهو يا ماما
(. التفت هاجر وبصت لقيته حسام .)
هاجر : ده جوز حضرتك
علا : ايوة ده حسام جوزى
هاجر : طب عن اذنك انا هاطلع اشوف جوزى
علا : طب استنى بس اعرف اسمك او ......
(. هاجر ماستنتش وعلا ملحقتش تكمل الجملة من سرعة هاجر فى المشى .)
(. هاجر طلعت لـ ياسين ، وبدأت تلم هدومها وهدوم ياسين فى الشنط ، خرج ياسين من الحمام .)
ياسين : فى ايه يا هاجر
هاجر : مفيش
ياسين : امال بتلمى الشنط ليه
هاجر : عايزة امشى من شرم دلوقتى حالاً
ياسين : ليه يعنى حصل ايه
هاجر : عايزة امشى وخلاص اتخنقت
ياسين : هو ده عشان اتأخرت عليكي ولا ايه
هاجر : اكيد لا بس انا لازم امشى من هنا
ياسين : فى ايه يا بنتى هى هبت معاكى ولا ايه
هاجر (بعصبية) : هتمشينى من هنا ولا امشى لوحدى
ياسين (بصوت اعلى) : وطى صوتك
هاجر : لو سمحت يا ياسين مشينى من هنا
ياسين : مش قبل ما افهم فى ايه انا مش طرطور
هاجر : اتخنقت
ياسين : هو احنا لحقنا احنا مكملناش نص المدة حتى
هاجر : يووووه خلاص يا ياسين خلينا متنيلين قاعدين هنا بس انا مش هنزل من الـ suite (جناح فى الفندق)
ياسين : انا اول مرة اعرف انك بحالات (وقرب منها وحضنها) اهدى بس يا حبيبتى وفهمينى فى ايه
هاجر : شوفت ناس لا بحبهم ولا بيحبونى وقالوا لى كلام ضايقنى
ياسين : طب وانتوا مبتحبوش بعض ليه
هاجر : معرفش
ياسين : حتى لو االلى انتِ بتقوليه حقيقي فده مش معناه اننا نسيب المكان ونمشى
هاجر :انا مش هرتاح طول ما انا وهما فى مكان واحد
ياسين : بُصى عشان ده اول طلب تطلبيه منى اللى هو نرجع القاهرة فانا هرضيكى بس مش هنرجع القاهرة
هاجر : امال ايه ؟
ياسين : هنغير الـ hotel (الفندق)
هاجر : طب مانا ممكن اقابلهم فى اماكن هنا فى شرم
ياسين : مانا عشان مش مُقتنع بكلامك ده فمعنديش حل غير كده
هاجر : طيب
ياسين : يالا جهزى الشنط لحد ما انزل اعمل check out (يدفع الحساب)
هاجر : حاضر
هاجر لنفسها : يارب استرها
(. دفع ياسين الحساب وراحوا فندق تانى .)
*_____________________________________________**___________________________*
تانى يوم فى السفارى :
ياسين : تاكلى حاجة يا حبيبتى
هاجر : ماشى
ياسين : ماشى هجيبلك معايا
(. بعد شوية سمعت هاجر صوت .)
الصوت : ينفع اللى عملتيه ده
التفت هاجر : ..................

#يتبع