أنا والماضى

الحلقة الخامسة عشر

فى بيت ام هاجر :
هدى : يا بنتى بتدورى على ايه
هاجر : حاجه مهمة يا ماما اكيد هلاقيها
هدى : يا حبيبتى كل حاجتك راحت معاكى
هاجر : اللى انا بدور عليه سيبته هنا
هدى : طب عرفينى وانا ادور معاكى بدل الكركبة دى
هاجر : هروقلك اللى عملته بس سبينى ادور براحتى
بعد شوية .....
هاجر : ياااااااه اخيراً لقيته
هدى : ايه ده بقى
هاجر : معلش يا ماما لازم امشى دلوقتى هفهمك بعدين
هدى : انتِ هتستعبطى ايه ده بجد
هاجر : هجيلك تانى معلش يا ماما عن اذنك
هدى : طيب والكركبة اللى عملتيها دى
هاجر : خلى كل حاجة زى ما هى وهبقى اجيلك ارتبها (ومشيت هاجر)
*_____________________________________________**___________________________*
فى بيت حسام :
علا اتصلت بـ شادى :
علا : الو اذيك يا شادى
شادى : تمام الحمد لله
علا : ومى عاملة ايه
شادى : بخير الحمد لله
علا : انت فى الشغل صح
شادى : اه هخرج دلوقتى اعدى على مى
علا : هى مى فى الفرع التانى
شادى : اه
علا : وحسام فين
شادى : حسام فضل اليوم كله فى الفرع التانى وجه هنا من شوية ومشى تانى
علا : مشى امتى
شادى : مش فاكر بالظبط بس هو زمانه على وصول
علا : اصل انا بحاول اكلمه موبايله غير متاح
شادى : تلاقيه فصل شحن ولا حاجه عموماً هو شوية وهيكون عندك
علا : طب انت متأكد ان مفيش meeting بره او حاجه
شادى : اه متأكد لان انا بروح معاه اى meeting
علا : اوكى يا شادى متشكرة اوى سلملى على مى
شادى : الله يسلمك مع السلامة
علا لـ نفسها : اكيد دلوقتى لو كلمت حسام هيقولى انا فى الشركة ومتستنينش ، لما اتصل بيه
اتصلت علا بـ حسام :
علا : ايوة يا حييبي اذيك
حسام : تمام الحمد لله
علا : انت فين كده
حسام : فى الشغل
علا : اه تمام ربنا معاك استناك على الغدا
حسام : ولا حتى العشا انا هتأخر النهاردة
علا : اوكى يا حبيبي ربنا معاك (وقفلوا المكالمه)
علا لـ نفسها : كده مفيش غير الحل اللى بُثينة قالتلى عليه
اتصلت علا بـ بُثينة :
علا : ايوة يا بُثينة انتِ فين
بُثينة : فى النادى
علا : طب هجيلك دلوقتى اوعى تمشى
بُثينة : خير فى حاجه
علا : تقدرى تكلمى الرجل اللى قولتيلى عليه وتخليه يقابلنا النهاردة
بُثينة : انتِ هتعملى اللى قولتلك عليه
علا : مفيش حل غير كده
بُثينة : خلاص انا هكلمه دلوقتى وعلى ما توصلى النادى يكون هو كمان وصل
علا : اوكى هلبس واجيلك على طول باى
*_____________________________________________**___________________________*
فى بيت هاجر وياسين :
هاجر لـ نفسها : طب ادينى لقيت المفتاح هعمل بيه ايه بس !! لا انا ممكن اعمل كتير اكيد حسام سايب الفلاشة اللى عليها الصور فى المكتب ، بس هو قال انها على اللاب والموبايل ، لا بقى استحالة يحط حاجة زى كده على موبايله او اللاب كده ممكن اى حد يشوفها وكمان استحالة برضه ياخد الفلاشة دى معاه فى اى حته اكيد هى فى المكتب ، انا يوم التلات ياسين هيكون نبطشى وعلى بالليل كده هروح المكتب وادور فيه انا فعلاً لو لقيت الفلاشة دى بتهيألى حسام مش هيقدر يأذينى لان اكيد ممعوش صور غير على الفلاشة وان شاء الله ربنا يستر ، كويس اوى انى لسه مُحتفظة بالمفتاح ده معايا بس يارب يكون الكالون متغيرش
هنا جه ياسين .....
هاجر : حمد الله على السلامة يا حبيبي
ياسين : الله يسلمك يا حبيبتى
هاجر : طبعاً جعان
ياسين : جداً
هاجر : الاكل جاهز هغرف بس ، بس تعالى الاول عشان اساعدك وانت بتغير وانت تساعدنى فى الغرف
ياسين : ما شاء الله مزاجك رايق النهاردة
هاجر : متزعلش منى لو مزاجى بيقلب احياناً ، انا فى اوقات كده بتخنق فيها من غير سبب
ياسين : انا مقدرش ازعل منك خالص وهستحملك فى كل الاحوال
هاجر : ربنا يخليك ليا انا بحبك اوووووى
ياسين : وانا بعشقك بجد بجد بمووووووووت فيكي
هاجر : ربنا ما يحرمنى منك
على سفرة الغدا ....
هاجر : انت نبطشى التلات صح
ياسين : اه ان شاء الله
هاجر : تمام
ياسين : هو ايه اللى تمام
هاجر : لا كنت بتأكد يعنى
ياسين : انتِ ليه قولتيلى معديش عليكي النهاردة فى الشغل
هاجر : اولاً عشان خرجت بدرى عن معيادى وثانياً عشان روحت لماما
ياسين : هى عاملة ايه
هاجر : كويسة الحمد لله
ياسين : يارب دايماً
*_____________________________________________**___________________________*
فى النادى :
علا : فين الرجل ده
بثينة : قالى ادام النادى
علا : هيدخل ولا هنقابله بره
بثينة : لا هو هيجي
علا : هو اسمه ايه
بثينة : اسمه جلال بس انا مسمياه اللهو الخفى هههههههه اهو جه اهو
جلال : السلام عليكم اذيك يا مدام بُثينة
بُثينة : الحمد لله ، دى مدام علا صاحبتى وعيزاك فى مصلحة
جلال : اهلاً وسهلاً ، ايه هى المصلحة
بُثينة : نفس المصلحة بتاعتى
جلال : اه اراقب جوزها
علا : بالظبط بس من غير ما ياخد باله
جلال : عيب يا مدام دى شغلتى حتى اسألى بُثينة هانم
علا : تمام ايه المطلوب
جلال : نوع عربيته ولونها ورقمها ولو ليه كذا عربيه تعرفينى برضه عنوان شغله وعنوان البيت
علا : تمام والمبلغ اللى حضرتك هتاخده
جلال : دى حاجه ترجع لتقدير حضرتك يعنى انا براقبه ٢٤ ساعة اى مكان بيروحه بستناه لحد ما يخرج منه ده غير انى بتأجر كذا عربية عشان مياخدش باله ان نفس العربية بتراقبه
علا : بُص ايجار العربيات كلها على حسابى والبنزين كمان واول ما المهمة تخلص هديلك اللى انت عاوزه اى مبلغ مش هتفرق اهم حاجه عينك متغفلش عنه ولو دخل عمارة معينه تسأل الحارس او البواب هو طالع لمين
جلال : لا لا الحورات دى سيبهالى انا بعرف اظبطها
علا : طلب اخير ، لو فى يوم كنت متأكد انه عند واحدة ياريت تكلمنى وتدينى العنوان ماشى وعلى فكرة كل ما كشفته اسرع كل ما فلوسك هتكتر متخافش يعنى
جلال : تمام ياريت بقى بجانب المعلومات اللى اديتها لحضرتك تدينى رقمك
علا : اوكى (وكتبت علا لـ جلال كل البيانات المطلوبة واديتهاله )
جلال : هو الباشا فين دلوقتى
علا : للاسف معرفش
جلال : خلاص انا هستناه عند بيت حضرتك عن اذنكوا (ومشى)
علا : تفتكرى هيعمل الموضوع ده كويس
بثينة : يا بنتى ايوة امال انا كشفت جوزى ازاى
علا : يارب يطلع كل ده تهيئات
بثينة : يارب
*_____________________________________________**___________________________*
فى احدى الكافيهات :
حسام : حمد الله على السلامة
وائل : الله يسلمك ، ايه كنت فين كده
حسام : هكون فين يعنى
وائل : البنت بتاعة النادى
حسام : اه
وائل : انت مالك مركز معاها ليه كده
حسام : انا الايام دى يُعتبر مبروحش لحد غيرها
وائل : اشمعنى يعنى
حسام : مش عارف يمكن عشان لسه مزهقتش منها
وائل : هى حلوة اوى كده
حسام : جداً جداً
وائل : اممممم طيب
حسام : عرفت ان مى اشتغلت معايا
وائل : اه عرفت خد بالك منها بقى
حسام : هو احنا فى حرب ماهى مرمية اهى
وائل : لو انت مش عامل اعتبار لاخوك يا سيدى احترمها عشان خاطرى او حتى قدامى متتكلمش عليها وحش
حسام : حاضر ان شاء الله
وائل : هى الساعة كام معاك
حسام : ٨
وائل : طب انا هقوم اروح بقى عشان هعدى على اختى
حسام : انا كمان مروح
وائل : هتخرج بالليل كالعاده
حسام : اه
وائل : هتروحلها برضه
حسام : ان شاء الله
وائل : هههههههه بتقدم المشيئة فى المعصية يا فُجرك
حسام : قوم يا عم الشيخ وائل روح
وائل : ماشى سلام
*_____________________________________________**___________________________*
١٢ بالليل فى بيت حسام:
(. كالعادة خرج حسام وعلا نايمة ، بس المرة دى علا مطمنة لان جلال هيكون وراه .)
بعد مرور ٤ ساعات اتصل جلال بـ علا :
علا: ايوة يا جلال ايه الاخبار
جلال : هو خرج من البيت الساعة ١٢ الا ربع راح الدقى واستنى تحت عمارة ونزلت واحدة ركبت معاه وراحو ديسكو قعدوا هناك حوالى ساعة ورجعوا على نفس المكان فى الدقى وطلعوا الشقة سوا وهو منزلش لسه
علا : انت متأكد انه معاها فوق
جلال : ايوة العمارة فيها اسانسيرين وطلعوا الدور السادس وانا طلعت انا كمان السادس وراهم واتأكدت انهم دخلوا الشقة سوا
علا : تمام فى حاجه تانية
جلال : اه انا وقفت على الباب الشقة عشان اسمع بيقولوا ايه بس هما واضح انهم كانوا سكرانين جداً والباقى بقى حضرتك فهماه
علا : مفهوم
جلال : حضرتك هتجى دلوقتى
علا : لا لا خليك انت بس وراه
(. قفلت علا مع جلال وانهارت من العياط والصدمة مكنتش قادرة تصدق نفسها ولا تصدق جلال وبعد اكتر من ساعتين عياط قررت انها لازم تفكر بالعقل ومتستعجلش وتشوف هل هى علاقة واحدة ولا اكتر .)
اتصلت علا بـ حسام اكتر من مرة مردش وفى الاخر رد :
علا : ايوة يا حبيبي انت فين
حسام : انا فى الشركة هبات هنا النهارردة
علا : تمام ربنا معاك انا هنام بقى لانى صحيت وقلقت
حسام : ماشى يا حبيبتى تصبحى على خير
علا : سلام
*_____________________________________________**___________________________*
تانى يوم الصبح فى الشهر العقارى :
علا : لو سمحت انا معايا توكيل عام من الاستاذ حسام عبد الرحمن محمد الوكيل
الموظف : تمام
علا : انا زوجته علا محمد فريد الطوبجي وادى التوكيل وبطاقتى اهى عشان حضرتك تتأكد
الموظف : تمام مظبوطين ايه المطلوب
علا : هبيع كل ممتلكات الاستاذ حسام ليا
الموظف : نعم !!
علا : اللى حضرتك سمعته ، اتأكد ان التوكيل مش مزور وياريت تخلصلى اجراءات البيع بسرعة
الموظف : حضرتك هتمضى على ان التوكيل مش مزور وانه لو طلع مزور فالمصلحة ملهاش علاقة وان حضرتك اللى زورتيه
علا : اوكى اوكى همضى على اى حاجه
الموظف : ماشى يا افندم لحظة واحدة
(. خلصت علا اجراءات بيع كل ممتلكات حسام ليها ومشيت .)
علا لـ نفسها : علاقة او واحدة او اكتر مش هتفرق هو كده كده خانى واستغفلتى كتير ، باللى انا عملته ده حسام كده بقى على الحديدة لا ده انا حتى الحديدة خدتها كده صح بدل ما يضيع فلوس ولادى بدل ما يضيع تعب السنين اللى تعبتها معاه على القذارة اللى بيعملها دى وحتى لو نزوة واحدة اهى تبقى قرصة ودن ليه ولو اكتر من علاقة يورينى هيتصرف ازاى بعد ما خدت كل حاجه حتى عربياته ولو متجوز عليا يبقى هو والمدام بتاعته او اى اطفال منها ميطولوش حاجه ، ماشى يا حسام ده انا هعمل فيك عمايل اصبر عليا بس عشان تبقى تستغفلنى كويس
*_____________________________________________**___________________________*
فى شغل هاجر :
ياسمين : ايه مفيش حاجه جاية فى السكة
هاجر : لسه والله يا ياسمين
ياسمين : ربنا يكرمكوا يارب
هاجر : يارب امال انتوا هتتجوزوا امتى
ياسمين : لسه شوية
هاجر : ليه التأخير ده
ياسمين : لسه الشقة مخلصتش
هاجر : اه ربنا يكملكوا على خير يارب
ياسمين : يارب ، انا كلمت امنية امبارح
هاجر : وانا كلمتها اول امبارح
ياسمين : اه ما هى قالتلى
هنا اتصل ياسين بـ هاجر :
ياسين : وحشتينى اوى يا روح قلبى
هاجر : وانت كمان يا حبيبي وحشتنى اوى
ياسين : بقولك ايه احنا معزومين على الغدا النهاردة
هاجر : فين
ياسين : عند ماما
هاجر : طب كويس اصلى مكسلة اطبخ
ياسين : ههههههه حبيبتى كسلانه اوى المهم هعدى عليكي انتِ وياسمين لو اتأخرت عليكوا استنونى فى اى كافيه
هاجر : بُص احنا هنخلص شغل وهنروح نستناك فى كوستا اللى ورا شغلنا
ياسين : اول مكان قعدنا فيه سوا
هاجر : بالظبط
ياسين : بحبك
هاجر : بموت فيك
ياسين : خدى بالك على نفسك يا حبيبتى سلام
هاجر : سلام
هاجر : احنا معزومين عندكوا النهاردة وياسين هيعدى علينا ياخدنا ماشى
ياسمين : ماشى ، على فكرة يوسف كمان معزوم بتهيألى هيجي هو وياسين
هاجر : اوكى هنستناهم فى كوستا ماشى
ياسمين : ماشى
*_____________________________________________**___________________________*
فى بيت شادى :
مى : شادى حبيبي
شادى : ايوة يا روح قلبى
مى : انا حامل
شادى : ايه بجد
مى : اه والله حامل فى شهرين
شادى : بجد يا مى حامل
مى : والله العظيم حامل
شادى : انا بجد مبسوط اوى ومش مصدق نفسى ياااااه انا كنت مستنى الخير ده من يوم ما اتجوزنا
مى : ربنا يفرحنا كمان وكمان
شادى : ربنا يخليكي ليا يا احلى زوجه فى الدنيا كلها انا نفسى قول لكل الناس ان مراتى حامل
مى : بحبك اوى يا شادى
شادى : انا بحبك اكتر ، المهم انتِ لازم تستريحي مفيش شغل
مى : لا والنبى يا شادى سبنى اروح الشغل
شادى : يا حبيبتى هتتعبى
مى : اوعدك انى لو حسيت باى تعب مش هروح الشغل
شادى : ماشى يا حبيبتى مش هزعلك
*_____________________________________________**___________________________*
فى كوستا كوفى :
(. قعدت ياسمين وهاجر يستنوا يوسف وياسين .)
ياسمين : ياسين عامل ايه معاكى
هاجر : مفيش اطيب ولا احن من ياسين بجد طيب وحنين اوى ومكنتش اتوقع انى ممكن اعشقه كده
ياسمين : هو كمان بيحبك اوى ده لما بيكون عندنا مبيبطلش كلام عنك وعن حبكوا وعن السعادة اللى عايشها معاكى
هاجر : انا اللى سعيدة ان فى واحد زى ياسين بيحبنى كده
ياسمين : ربنا يديم عليكوا سعادتكوا يارب
هاجر : يارب يا ياسمين ، والنبى ادعيلى الدعوة دى كتير
(. فى ظل اندماج هاجر وياسمين فى الكلام فى حد جه قطع كلامهم ووجه كلامه لـ ياسمين .)
الصوت : لو سمحتى يا انسة
ياسمين : اتفضل
الصوت : ............... ...........

#يتبع