"فقدان اثر" لعبه الخيال ✔️

ملخص احداث..

ازيكم يا شباب عاملين اى..
كاول عمل الكترونى ليا هحاول الخصه باذن الله هتبداء بقا..
انا مين: انا اسمى امانى محمد، كاتبه مبتدئه لسه وده يعتبر اول عمل الكترونى ليا، بحاول اطور من نفسى باذن الله وان شاءلله هحاول اعمل حاجه تعجبكم طبعا.
القصه عباره عن اى: روايتنا عباره عن فانتازيا، خيال علمى، رومانسى، وجزء بسيط دينى، وجزء بسيط ثقافى، الاحداث كتير وكمان الاشخاص فياريت وانت بتقراء تقراءها وتكون فاكر الى قبلها علشان متوهش منى.
المواعيد: انا مليش مواعيد محدده صراحه، انا وقت مبخلص كتابة الفصل بنزله بعد مبراجعه علطول، وده طبعا بمساعده شهد حببتى.
الغلاف ده عجبنى اوى من تصميم اسماء محمد "سمسم" كاتبه روايه شغف رحيم.
الملخص:
ندخل بقا علطول على المهم، الروايه بتبدى لما علاء يلاقى بنت غرقانه الى هى شيماء، بيدخلها عنبر فى الجيش فبيكشف عليها واحد اسمه يامن بحضور القائد يحيى وبعض من العساكر شخصيات مش اساسيه فى الرواية بس لو بصيت فيها هتلاقى مذكور اسمهم، بياخدها يامن مستشفى عسكريه وبيكشف عليها بمساعده دكتور كبير فى المستشفى، الدكتور بيسلم ليامن الحاله وبيسيبه يتعامل معاها، فبنكتشف ان الحاله عندها فقدان ذاكرة، فى مكان تانى بيكون منصوب شادر عزاء لبنت من احدى العائلات وبيكون المشهد كاتى.  ناس لبسين اسود ووسطهم ست بتعيط على بيتها بعدين بنكتشف ان دى ام شيماء وهما مفكرنها ماتت غرقانه، بنخرج بره البيت فبنلاقى الرجاله بتاخد العزاء، وواحد واقف على جنت بيتكلم فى التليفون وده ابن خالت شيماء، كان بيحبها بس هو خطب واحده تانيه بنت خالته هو وشيماء، بنكتشف انه بيكلم البوى فريند بتاع شيماء الى كان بيحبها قبل متموت، مننساش ان ابن خالت شيماء كان بيحبها هو كمان متنسوش اسمه"سمير".
محمود الى هو البوى فريند زعلان على فراق حببته اخر حاجه فبيجيله استعداء من الجبش فبيضطر يروح وهو ماشى بيرن عليه صحبه علاء من الجيش ويطلب منه يبعتله صور لحببته المعروفه باسم خطيبته.
نكمل محمود بيندهش بس بيبعت فى الاخر صور، خطيبه سمير بقى بتظهر فى الصوره وهى بتتخانق معاه معلومه هى اسمها هبه..
علاء بيكون شاكك ان البنت الى فى المستشفى خطيبه محمود، بس بيكون شاكك بردو انها مش خطيبته هو مرتبط بيها بس مش رسمى، بيروح يتفق مع يامن بقا انه ميقولش حاجه لمحمود علشان خايفين عليها فبيضطر يامن يوافق لمصلحه شيماء.
شيماء بتكون لسه مغمى عليها ولكنها عايشه فى عالم تانى من الخيال، بتدخل عالم اسمه مملكه الخيال السته.
الكل هناك بيعاملها باحترام، هتقابل خدامتها الى. انا اصلا نسيت اسمها، وكمان وحده بردو وهتقابل صقر هو محارب هناك وملك فى غيابها.
هتكتشف انها ملكه المملكه ازاى متعرفوش بس هى هتدخل ف احداث غريبه، بعدين هتصحى من الغيبوبه وتسال الدكتور شويه اساله غبيه اوى زى انا مين انا فين وكده يعني.
هتتضطر تقعد مع بنات تمريض اسمائهم اى ركزوا معايا.. يسرا.. بسمله.. شهد دول الاساسين.
هتتعرف عليهم وحده وحده وهتحلل شخصيتهم كمان.
محمود هيوصل الجيش وهيعرف بحكايه البنت الغرقانه، وكمان علاء مش هيقوله حاجه وهيرفض يتكلم، علاء هياخد رقم شيماء السابق من على تليفون محمود.
فيما بعد محمود هيعرف ان علاء مخبى عليه حاجه وهيكون شاكك ان البنت الى جت غرقانه فى المستشفى حببته وده طبعا بعد ميخوض محادثه مع معتز وايهاب ناس معاه فى العنبر.
هيروح ليامن ويطلب منه يسلمه حببته فيامن هيكدبه فيضطر محمود يتخانق معاه ويهدده ويامن هيرقض يعترفله بحاجه.
شيماء هتتعرف اكتر على المملكه الغريبه الى بتروحها وقت النوم فوهى بتتمشى مع صقر فى المملكه فى ناس بتخطفها وتوديها عند حد اسمه موراس.
موراس ده هيكون شاب طيب بيحاول يساعدها علشان تحل لغز المملكه الغريبه دى، وبيلقى على الكتب الى فى المكتبه تعويذه فتتحرك الكتب حوالين شيماء وبينزل كتابين قدامه، موراس بيفتح اول كتاب وبيبداء يقراء فيه.
فبيظهر اسم شخص "ماهر احمد حسن"
بيقولها ان الشخص ده زار المكان ده قبل كده، فبيجى فى بالها رسام الوحه الى شافتها فى مكتب الدكتور يامن وانها لاحظت فيها احدى الكائنات الى شافتها هنا، وساعتها طلبت من شهد انها تنزلها الارشيف علشان تعرف مين الرسام ده..
بيبداء عقلها ينور وتحكى للوحه لموراس "موراس بلبسه الى انا وصفته الفصل ال فات زى لبس القراصنه كده، او زى لبسه الامير فى كرتون اريل"
نكمل بيبداء انه يجيب ورقه ويسجل وراء شيماء الى بتقوله.
بتخلص شيماء مقابلتها معاه وبتضطر انها تمشى، فبيودعها ويقولها انه هيستناها وان المكتبه والكتب بتسجل كل حاجه بتحصل معاها.
فبتوعده انها هترجع تانى بس لازم توصل للقصر قبل متصحى من الحلم.

وصلنا لحد هنا، يارب يكون التلخيص عجبكوا وكمان افادكوا، كل الدعم ليا وليكوا لو فيه اى مشكله واجهتكوا فى الروايه قولولى ونا هظبطها معاكوا..

ـ شيماء
ـ محمود
ـ يامن
ـ علاء
ـ صقر
ـ موراس
ـ سمير
ـ هبه: خطيبه سمير، وابنه خالت شيماء وسمير
ـ هناء: ام شيماء
ـ محمد: والد شيماء
ـ مورا: الفتاه ذو الشعر الاحمر للتى استقلبت شيماء وزينتها للاحتفال.
ـ سيتى: خادمه شيماء التى استقبلتها اول مرة.
ـ يسرا
ـ بسمله
ـ شهد
ـ ايهاب
ـ معتز

ــــــــــــــــــــــــــــــــــــــــــــــ
دمتم بخير♥