مش بنعرف قيمه الناس اللي حوالينا الا بعد غيابهم
بيري وعاصم في الصباح انطلقو للمستشفي للاطمئنان علي صحتها وصحه جنينها فحصها الطبيب وقال
الدكتور: الحمدلله.... الجنين بخير وانتي كمان بخير بس مش هوصيكي بقا الدوا ف مواعيده واكلك يكون مليان فيتامينات
عاصم: يعني الحمل هيستمر يا دكتور
الدكتور: والله كل حاجه ب ايدين ربنا واحنا هنعمل اللي علينا وهكتبلها ادويه تقوي جدار الرحم بس مش عايزين حركه كتير ولا مجهود الفتره دي واشوفك قريب ان شاءلله
عاصم وهو يصافح الدكتور: ان شاءلله يادكتور متشكرين جدا
اميره ضعفت واستسلمت لضعفها بالكامل اغلقت باب احدي الغرف في بيت عز علي نفسها
مر شهر وهي تنعزل عن الجميع
ولم يظهر ياسين ايضا
يجمتع الكل بدون اميره وياسين في حديقه منزل عز
احمد ل عز: عز.... احنا لازم نحل مشكله اميره وياسين
حياه: شباااب انا مش عايزة نفتح الموضوع ده ممكن
عز: حياه... انتي عاجبك حالها بقالها شهر مشافتش نور الشمس ... ولا عايزة تقابل حد ولا تشوف حد
ريهام: هي فعلا اتجننت كل ده علشان خاطره لا لا انا طالعلها بينا يابنات
احمد: طيب ممكن لو سمحتو اروح ل ياسين اتكلم معاه
عبدالرحمن: روح ماهو كده كده هي مش هترجعله اصلا
البنات اندفعو علي الغرفه وحاولو فتح الباب اكثر من مره دون فائده
حياه: اميره افتحي مينفعش كده
شروق: انتي لسه هتحايلي اوعي كده وحاولت كسر الباب لكن لم تنجح ف دقت عليه بقووه: قسما بالله لو مافتحتي لهتشوفي لما اطولك هعمل فيكي اي
ونزلت شروق للحديقه الخلفيه للمنزل وحاولت الصعود ف استعانت بسلم في الحديقه وصعدت منه ودخلت من الشباك انصدمت اولا ل نوم اميره بعمق فتحت الباب من المفتاح ليدخل البنات
شروق: الهانم نايمه اصلا ومش دريانه بالدنيا
البنات حاولو ايفاقتها كثيرااا والحمدلله بعد محاولات كثيره صحيت اخيرا
اميره وهي تفرك عيونها: خير عايزين اي
ريهام: وحشتينا جايين نقعد معاكي فيها حاجه دي
اميره وهي تسحب غطائها: ماشي نصايه بقا وابقو كلموني لما اصحي
حياه ازاحت غطائها
وشروق ازاحت الستائر وفتحت الشباك بقوه
ريهام: يلا قومي بلاش كسل خدي شازر واحنا هنحضرلك هدوم نروح المول ونعمل شوبنج
اميره: انا خلاص مبقتش انفع انا معنديش فلوس ولا بيت ولا عندي عيله ... طب هوا ليه عمل فيا كده
شروق امسكت ذراعيها: فوقي اللي راح راح خلاص مش هنقعد نلطم عليه العمر كله انتي تعبتي عشانه كتير وف الاخر اي واطي هوا اصلا طول عمره واطي
قولتلك كتير اللي يرميكي سنه يبقي ملهوش امان بس انتي صدقتيه
بيري: مش هما وقتها انفصلو عشان موضوع الخلفه والاطفال طيب هوا ليه عمل كده؟
اميره: خلاص مش عايزة اعرف انا هريحكم وهقوم البس عشان نخرج نعمل شوبنج تمام بس انا بقولكم اهو محدش يسألني انتي ساكته ليه ولا حد يقولي انتي مبقتيش معانا ليه تمام.... ويلا اتفضلو خلوني اغير هدومي
خرج البنات ول اول مره تبكي اميره من اعماق قلبها كانت شروق تتصنت من الباب ف استمعت لصوت بكاء مكتوم
شروق تراجعت: بنات ادوها وقتها هي محتاجه وفت تطلع اللي جواها لحد ما احنا ننزل تحت شوية كده
اميره كانت تفرغ كل حزنها من ياسين ف العياط
اميره: انا عملت عشانك كتير ونسيت نفسي بس انا مش هعيط عليك تاني انا هستقوي وهعيش وهكمل وهندمك وهرجع اشتغل حتي لو كان في وجودك وجودك من عدمه مش فارق معايا
وارتدت ملابس مفعمه بالحيويه
أنت تقرأ
شقيق الروح (مكتمله )
De Todoاحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
