«فراشه ألتصقت ب أكبر بستان هكذا يصفنا الجميع ولم أجد وصف يكفي ما أجده في قربك »
أحببت الحياه كثيراً بعد ان جمعني القدر بك أمنت ان كل شر حدث لي كان مقدر حتي تكوني أنت العوض عن كل ما مررت به......
جلس عز و حياه في مكتبه بالشركه وحوله الموظفين تجوب من كل اتجاه ليتحمحم قائلا وهو يرخي ربطه عنقه قليلا: احم... بقولك اي
حياه بتركيز: لا لا عز ارجع مكانك واعقل
عز: ما قولنا الازاز متفيم كله محدش شايف حاجه
حياه: بس الباب مفتوح وانت عارف ريهام وشروق بيدخلو علطول
عز نهض بضيق: ادي اخره الي يشغل صحابه معاه المفروض يظبطولنا الجو مش يعكننو علينا
حياه ضحكت بخفه: مانت الي مش راحم نفسك
عز اقترب منها مره اخري ليبعد بكرسيها عن المكتب وهو يشد كفها لتكون بحضنه: ماترحميني انتي طيب
حياه: عز بقا الله
عز: الله عليكي وعلي حلاوتك
حياه: نسيت بكره لازم نبقي مع كيراز ف المدرسه عشان عندها مسرحيه وهتبقي البطله لازم نشجعها
عز: عارفه احلي حاجه ف كيراز اي
حياه: انها بنتي اكيد
عز: يواد ياواثق لا ماهي بنتي وواخده من طباعي بس احسن حاجه خدتها منك طلتها المبهجه الي تفرح القلب دي البصه ف وشها تنسيك همومك
حياه: يعني البصه ف وشي تنسيك همومك
عز: طبعا بس انتي بتجبيلي هموم من حيث لا ادري وتنكدي عليا بعد ماجبتي يوسف بالذات
حياه: اومال لما تعرف بقا
عز: اعرف اي شكلك مخبيه حاجه كبيره
استمعو لدقات علي الباب لينهض كلاهما كان أحمد ليردف: الوفد الالماني بعت لينا بيقولو انهم وصلو انهارده
عز: واي المشكله ما الورق جاهز وكله تمام
أحمد: عشان طالبين يبقي المقابله بعد ساعتين
عز: أحمد... انت عايز اي
احمد: في موظفين ف اجازه وأميره الي كانت بتولد وهي مسؤله هنا مين هيسد مكانها
عز: أميره ليها سكرتيره هتحضر مكانها والموضوع يتلم اهدي وخليك بروفيشينل شويه
خرج أحمد لتردف حياه بضحك: هادم اللذات
عز: روحي من قدامي
حياه: اخر كلام
عز: خدي تعالي
امسك بكفها يقبل باطنه: بعد الاجتماع هنتغدي لوحدنا
♕♕♕♕♕♕♕♕♕♕♕♕♕♕♕♕♕♕♕♕
شروق كانت تطهو في مطبخ بيتها وهي تغني وتنظر ل سيف ذي ال4سنوات وهو يتمتم ببضع كلمات بسيطه
شروق: انت حبيب قلب مامي عايز مم... مم ياروحي خلاص اهو
كان عبدالرحمن يتابع كلامها مع صغيرهم ليتحرك بخطوات سحلفيه وهو يطبع قبله خفيفه علي عنقها
ويضع كفه علي خصرها
شروق: صباح الخير ياحبيبي
عبدالرحمن طبع قبله علي وجنتها: صباح العسل
شروق: بكره في اجتماع مهم ف الشركه ف اخدت انهارده اجازه
عبدالرحمن: هو بعد صباح الخير بنتكلم ف الشغل مفيش فطار فنجان قهوه طب تحليه وبعدين نشوف الشغل
شروق وضعت ذراعها ف خصرها وقالت بدلال :
ما نشوف الشغل الاول ولا اي رأيك
عبدالرحمن: مش كنا نودي الواد ده حضانه
وضعت شروق اخر طبق تحضره من الفطار وهي تردف بعد ان التقطت هاتفها: شكلي كده هسيبك انت وسيف سوا واجري عشان الاجتماع طلع انهارده بعد ساعه مش هلحق اجهز
عبدالرحمن: يادي الاندبندنت والزفت الي مش مهنيني علي فطار ده
شروق: عيب عليك هنودي سيف عند فوفا ونقضي الليله لوحدنا
************************
كان محمد يقضي يومه بين المرضي ومتابعه الكشف مع الامهات حتي تذكر ورده ايامه ليمسك هاتفه ويرسل فويس: وحشتيني... نفسي اليوم يخلص وارجع عشان انام ف حضنك بعيد عن جيش الهكسوس الي في البيت
ضحكت اميره وهي تدخل للمستشفي لتدخل للممر الداخلي للمستشفي وسرعان ما احست بوجع يجتاح جسدها احست بشئ يتسرب وفقدت وعيها ليلتف حولها الممرضين والاطباء انتبه محمد لوجود حركه سريعه ليدخل لقسم الطوارئ انصدم وهو يراها بين ايديهم
محمد: في اي يا عبدالله
عبدالله: المدام كانت ف الممر واغمي عليها بنحاول نسعفها هي والجنين
محمد: جنين!..... دي مراتي اوعي كده
عبدالله افسح له المجال وبعد مرور ساعه كان يجلس محمد بجوارها حتي فاقت وهي تنظر له بوجع بسيط
اخذ يقبل رأسها ويدها: حمدلله علي سلامتك ياحبيبي
اميره: انا حصلي اي
محمد: مش سمعتي الفويس بتاعي جيتي علطول زي الشاطره عشان انام ف حضنك
اميره ابتسمت بخفه: والمحلول ده اي
محمد: مبقتش بعرف اثبتك يعني
اميره: انام شويه وبعدين ثبتني ان شاءلله العمر كله
♡♡♡♡♡♡♡♡♡♡♡♡♡♡♡♡♡♡♡♡♡♡
«إلي الأن لا أعرف ما اصابني حتي يصعب التنفس دون حضورك عشت وحيدا واختلطت بالكثير ولم أتعلق بأحد مثلك قط »
ياسين كان يركز علي عمله بالقلم فقط واذنه وعقله مع زوجته علي الهاتف
شذي: يا ياسين ياحبيبي انا كويسه سيب الفون وانتبه لشغلك شويه وانا لو تعبت تاني هتصل بيك والله وعد
ياسين: اه زي الشهر الي فات كده وكلمتي طنط سعاد وانا اخر من يعلم
شذي: يوووه انا مش هفضل ف حصار شهرين كمان
ياسين: هانت وتجي قلب ابوها شوشو الصغننه
شذي: قديم اوي الجو ده مش هنسمي شذي
ياسين: شاديه علي اسم امي
شذي: ده علي جثتي... مع احترامي ل مامتك بس طفله ليه نسميها شاديه
ياسين: يستي لما تولدي نبقي نقرر
شذي بغضب: ياسين بلاش تاخدني علي قد عقلي وتعمل الي ف دماغك المره دي انا الي هعمل
اغلقت الهاتف ف وجهه واغلقته بالكامل حتي لا يستطيع العثور عليها
ياسين: وحيات امك ل هجيلك وحالا
قطع وصله تهديده اليوميه دخول ريهام: يلا يا ياسين الوفد وصل برا الاجتماع هيبدأ.
******************
اما بيري جلست اليوم مع وفاء في القصر تساعدها وترخي اعصابها قليلا من ضغط العمل مع اصدقائها ومسؤلياتها كأم
وفاء: اي يبت يابدريه
بيري: بدريه بردو يا ماما
وفاء: اومال اقولك زي المجانين صحابك يابيري ده اي بيري ده
بيري: احسن من بدريه المهم انا خلاص سلق الفراخ وسقيت المحشي والرقاق ف الفرن ناقص اي
وفاء: لا كده فل انا هعمل الملوخيه واميره جايبه حلويات عملتها من بدري قومي كلميها كده نشوف الاجتماع بتاعهم خلص علي اي
اتصلت بيري كثيرا حتي اردف محمد بهدوء: ايوة يابيري متقلقيش
بيري: محمد
محمد: ايوة عادي انا واميره ف المستشفى بطمن عليها وهنيجي عليكم
بيري: طيب وهي مردتش عليا ليه
محمد: ساعه وهنيجي يلا سلام
وفاء نظرت ل بيري المصدومه بصمت: اي تنحتي ليه
بيري: محمد الي رد وقالي بيطمنو عليها ف المستشفي ومقلقش بس انا كده قلقت اكتر
وفاء: اي الي يقلقك الراجل بيطمن علي مراته الي لسه والده مكملتش اسبوع
بيري: ربنا يطمني عليها
أنت تقرأ
شقيق الروح (مكتمله )
عشوائياحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
