الحب هو تلك اللهفه التي تصيب ارواحنا دون سابق انذار»
شذا كانت تمر علي المرضي بالمستشفى ويتتبعها ياسين بخطواته وعيونه كان الخجل رفيقها حتي لاحظت دخول رجل في عمر ابيها وطفل صغير يمسك بيده التفت ياسين: مالك!.... واسرع لوالده بلهفه: بابا انت كويس
عبدالحميد: الحمد لله بخير متقلقش... عرفت ان عز عمل عمليه وكنت لازم اطمن عليه
مالك: وانا جيت عشان وحشتني يابابا
حمله ياسين: ياقلب بابا
اقتربت شذا ليقول ياسين: اي رأيك بقا ياحبيبي في مامي شذا
مالك بسخريه: مامي ده انا اطول منها
عبدالحميد كتم ضحكته بصعوبه: عيب يامالك... فهمني بقا في اي يا ياسين
ياسين ب احراج: طيب ف البيت نتكلم
عبدالحميد ضحك: طيب طيب قولي بقا اوضه عز فين؟
شذا: معلش ياعمو هوا ممنوع الزيارة انهارده بكره ان شاءلله تقدرو تزوروه
**************************
عبدالرحمن جلس مع شروق وريهام في احدي الكافيهات ليبدأ عبدالرحمن بالكلام ليقطع الصمت بينهم: ريهام انا مش هدافع عن احمد ف حاجه وعارفه انه غلطان ويستاهل بس انا كنت عايزك تسمعيني
شروق ب اندفاع: تسمع اي خلاص الموضوع ده خلص
نظر لها عبدالرحمن نظره ناريه اخرستها ليردف بغضب: انا جيت ناحيتك ياعم شوقي دلوقتي
شروق نظرت له بحنق ولم تعلق بشئ
ريهام: قول يا عبدالرحمن ماهو انت اللي فاضل تجرح فيا
عبدالرحمن بحنو: لا طبعا اجرح فيكي ازاى يعني.... انا مش زي اختك
انفجرت شروق: زود ف غلطاتك كمان ماشي
عبدالرحمن اكمل دون ان ينظر لهم : بصي عشان هما كلمتين هقولهم نصيحه تعملي بيها او لاء براحتك....... انتي خلاص خدتي خطوه وخطوه صعبه مينفعش ترجعي ف كلامك دلوقتي وانا بسألك عن قرارك بصفتي اخوكي مش محامي..... انتي بجد هتعملي كده ولا بتوجعيه
ريهام بقوه وثبات: مبقناش ننفع لبعض........ انا كل ما هبصله هفتكر كل حاجه عملها ف حقي وانا بسامح عشان بحبه بس هوا مفكرش ان الحب ده هيخلص خلاص الحب اللي بينا خلص
عبدالرحمن ب ارتياح : بس ده اللي انا كنت عاوز اعرفه...
اسمعي بقا احمد كده هيختار محامي وانا بقولك اهو قبل ما يحصل انا واحمد طول عمرنا اخوات ومينفعش اخسره بسبب مشاكلكم
: لا لا انا هوفر عليكم كل الحوارات دي انتي طالق يا ريهام وكل حقك هيوصلك وولادك كمان انا هكلم عز لما يقوم بالسلامه واخلص معاه كل حاجه
عبدالرحمن: استني يا احمد مش كده بس براحه
احمد: خلاص خلصت
وتركهم وخرج لتقول شروق: شايف صاحبك اللي انت اشتريت خاطره
ريهام: بطلي دبش هوا ماله هوا انا مش زعلانه عشان احمد يستاهل
عبدالرحمن: يلا نرووح انا نفسي اتسدت
******************************
عبدالحميد قطع شرود ياسين علي صوت فيروز
(شايف البحر شو كبير...كبر البحر بحبك.... شايف السما شو بعيده..بعد السما بحبك....بحبك ياحبيبي..ياحبيبي بحبك) فارت القهوة ليردف عبدالحميد بسخريه: الحب فوور القهوة وياسين بيه هيغسل البوتجاز دلوقتي
ياسين فزع ليردف: حب اي يابابا ده انا اندمجت مع فيروز بس
عبدالحميد بسخريه: اه مانا عارف ماتقولي بقا اي حكايه مامي شذا قال اخر جمله بسخريه
ضحك ياسين: مفيش حكايه ولا حاجه
عبدالحميد: بتحبها؟
ياسين: مش عارف بس.... انا مش انا قدامها.... اول مره اغير علي حد دخل حياتي ولا اميره ولا نورا كنت بغير عليهم
عبدالحميد: يراجل ده انا قولت واشار لقلب ياسين ليكمل... افتكرت ان هنا فاضي
ياسين: وانا كمان والله افتكرت كده لحد ماشوفتها وعلفكره عز لما يقوم بالسلامه هنروح لوالدتها ان شاءلله
عبدالحميد: ان شاءلله يلا كمل فطارك عشان نروح ل عز
****************************
حياه اخذت اطفالها في بدايه شروق الشمس واتجهت للمستشفي
شذا اوقفتها: استني يبنتي عز رجع اوضته خلاص والوضع استقر من بليل
حياه: طيب خلي كيراز ويوسف معاكي شويه بقا
ابتسمت شذا لتضم حياه بحب : ربنا يطمنك عليه يقلبي
حياه: اطمن عليه بس ولينا كلام تاني
شذا بتهرب: طيب يلا
دخلت حياه ب ابتسامتها المشرقه: روح قلبي
عز ابتسم وحاول ان يعتدل في جلسته ليردف بحب: اي ياحياتي فين الولاد
حياه بعتاب: الولاد!.... بقولك وحشتني اي مبتشوفش طب قدر حالتي وقلقي عليك
عز ضحك: تعالي يالمضه انا كنت بنكشك وفتح ذراعيه لتدخل لحضنه ويكمل عز بمشاكسه: انا مبشوفش
حياه بلماضه: مانت بتقولي الولاد
نظر لها بحب: ماشي يالمضه ليكي اسبوع مش يوم ولا اتنين
حياه: حبيبي يازوزي
عز: زوزي اه بس بردو لما نروح ليكي اسبوع زي ماقولت
حياه: يووه بقا
عز: يلا روحي بقا هاتي الولاد عشان انا هخرج انهارده
حياه: تخرج فين وانت تعبان لا مفيش الكلام ده طبعا مش هينفع
عز امسك بكفها وشدها نحوه ليقول: انا كنت هأجلها شويه بس انتي بقا مش هتجبيبها لبر انا عارف
حياه مصطنعه البراءه: انا معملتش حاجه
شذا طرق الباب ودخلت تحمل يوسف وكيراز
حياه حملت يوسف منها لتردف: عز عايز يخرج انهارده ياشذا
شذا: زهقت مننا يابشمهندس
عز: لا والله بس في شغل متعطل وحاجات كتير لازم تخلص
شذا: والله انا ممكن اوافق بس يبقي الشغل ده ف البيت وتساعدك فيه حياة
حياه تمتمت: اشوف فيكي يوم يابعيده ده نفسه يطولني
عز: ماشي يستي انا موافق
شذا: الحمدلله عشان تيجي بليل بقا خطوبتي انا وياسين
************************
عز اردف جملته فور دخوله للبيت: ياااه البيت كان واحشني جدا
وفاء: ربنا مايحرمك منه ياحبيبي
حياه بهمس لعز: تحب تطلع ترتاح فوق؟
عز : خلينا هنا شويه
عبدالرحمن: الحمدلله كل المشاكل خلصت يارب نعيش اسبوع واحد في هدوء
عز ابتسم: طمووحك عالي اوووي بس مش مشكله انهارده نروح خطوبه ياسين وقبل الفرح ب اسبوع نسافر كلنا كام يوم
محمد بفرح: والله انا قولت عنك اجدع حد في الدنيا محدش صدق
اميره تكلمت وهي تنظر لبطنها التي كالكره لتردف: محمد! انت عايزني اسافر ببطني دي
عاصم بمشاكسه: خليكي هنا لحد ماتولدي واهو حد يقعد بالعيال كلهم
ريهام: والله صح الراجل ده بيتكلم صح عشان كده انا هسافر واسبقكم
رفع عز حاجبه مستنكرا ليردف بغضب: نعقل بقا عشان مزعلش
شروق بسخريه: لا متزعلش ماخلاص بنتنا اطلقت وبقت سنجل مامي
حياه: نعم!.... طب ثانيه بقا معلش هنستأذن احنا عشان مشاكلكم كترت
عز: هوا انا قولتلك اني عايز اقعد معاهم صح
حياه: باين كده
عز ضحك: لا يلا بينا علي فوق ارتاح شويه قبل خطوبه الواد ياسين
**************************
جلس عاصم وبيري بحديقه المنزل ليردف عاصم قائلا: لحد امتي هنفضل ساكتين وسايبين الزعل جوا عيوننا كده
بيري: لحد اما اطمن انا عيشت فتره صعبه اووي بسبب اللي حصل بينا ومحتاجه وقت عشان ارجع تاني
احتضنها عاصم: مش هسيبك تعديه لوحدك..... تعرفي حتي موضوع الحمل تاني انا موافق بس كفايه بعااد كفايه زعل واحنا لسه عايشين
بيري اشتدت ف احتضانه لتهمس: بحبك اوى
عاصم قبل رأسها: وحشتني بنوتي الصغيره اللي حضنها بينسيني تعب الدنيا اوعديني وعد
بيري: ب اي؟
عاصم: انك مهما حصل متحرمنيش من حضنك وانا مش هزعلك بس بلاش تقفي قدام عصبيتي ممكن
بيري: ماشي ه وعدك بس تحكيلي اللي مزعلك ونحله سوا بدل ما تزعل لوحدك اتفقنا
عاصم: اتفقنا واكمل بفرح...... ياااااه عارفه بقالي كام شهر بحااايل فيكي دوختيني معاكي
بيري: انا كمان والله مكنتش متحمله بس شروق وريهام بقا ربنا يسامحهم
عاصم نظر لها بنصف عين: يعني كل ده من تخطيط الاختين ريا وسكينه
ضحكت بيري لتهرب من بين يديه
عاصم بغيظ: لا تعالي هنا متزوديش جناني
اسرعت بيري بخطواتها: انا هنا اهو
عاصم بمكر : اه احنا هنلعب بقا ماشي سرحت بيري بنظرته الماكره حتي وجدته امامها لتردف بغضب: انت غشاش خليتني اركز معاك بدل ما اجرى
عاصم احتضنها بحب: هتجرى مني تروحي فين.... طيب حتي لو جريتي جربي هتلاقي قلبك جايبك لوحدك
بيري نظرت له نظره طويله ثم اسرعت تجرى وهي تضحك علي مكرها ل اول مره ويجري عاصم خلفها بسعاده
**********************************
جلست هدي والده شذا مع محمود لتردف: انت رأيك اي ف جنان بنت خالتك
محمود: والله ياخالتي انتي عارفه بنتك ودماغها الناشفه
هدي: الناس زمانهم علي وصول يابني وانا لحد دلوقتي مش عارفه افهم دماغها فيها اي
محمود: مش مهم بس لو شوفتي اللي اسمه ياسين ده بيعاملها ازاى هتتأكدي انه بيحبها
هدي: يارب
محمود بمشاكسه: بس اي الحلاوة دي انتي هتاخدي مكان العروسه ولا اي ياهدهود ياقمر
****************************
عز استند علي عصا بكف والكف الاخر احاط به خصر حياه وهو ينزل من السياره امام منزل شذا
ياسين كان يتأكد من ربطه للكارفت جيدا ليردف عاصم بسخريه: اول مره تبقي عريس ولا اي يا ياسو
ياسين تطلع له بعيون لامعه: باين كده انا فرحان اووي
عبدالحميد: يلا كفايه تأخير علي الناس اكتر من كده
وفاء بتأيد: عندك حق والله هنتكلم ف الشارع ساعه
عز بغمز لوالدته: عيب يافوفا راعي وجودي
لكزته وفاء بخفه لتردف بخجل: وانا عملت اي بس
اقترب منها عز ليهمس: يافوفا.... يافوفا انا ساكت عن مكالمات نص الليل وساكت عن الالوان اللي فيها اتفاق بينكم لكن نظرات وموافقه رأي ف وجودي عيب والله.... ده انا ولي امرك ف الجوازة دي
وفاء: والله انا ماعرفت اربي
عز: طيب لما نشوف بقا الجوازة دي هتمشي ازاى
*************************************
دخل ياسين في حليته الزرقاء التي اضافت جاذبيه علي جاذبيته ووسامته استقبلتهم هدي والده شذا وعاملها عبدالحميد بلطف فائق ليقول عز بهمس ل وفاء: انا شايف عمي عبدالحميد مش محترم وجودك ونازل كلام حلو مع ام العروسه
وفاء بثقه: انت عايزة يعني يضربها قلمين لازم يعمل كده عشان الجوازه تكمل
حياه شدت ذراع عز: ماتسيبهم ف حالهم ياحبيبي
حمحم ياسين لينتبه له الجميع: مدام هدي انا جاي انهارده اطلب ايد بنتك شذا وموافق علي كل طلباتكم
هدى: اهم حاجه يكون في فتره خطوبه كبيره عشان تعرفو بعض كويس
محمود اردف: مش لما نسمع رأي العروسه
احمر وجه شذا خجلا ليردف ياسين بفرح: اهوو السكوت علامه الرضا
محمود: اللي اوله شرط اخره اي ياهندسه
ياسين بمزاح: اخره نقتحم السفره الي ريحه الاكل فيها جوعتني
هدي: ياحبيبي معلش..... يلا ياجماعه اتفضلو
انضم الجميع للسفره بينما ياسين امسك بكف شذا برقه وادخل خاتم الخطوبه في اصبعها تحت انظار الجميع ليردف محمود بسخريه: يعني الكل رايح ياكل والجعان واقف يحب ده كلام
محمد اكمل بسخريه هوا الاخر: ياعم سيبه ده لو جه ياكل هيمسح السفره لوحده
عز وهو يمسك باحدي قطع الدجاج بيده: الاكل حلو اووي تسلم ايديكي واكمل بمزاح ياسين متقربلش للسفره عشان هتفضحنا والله ده لمصلحتك
كانت شذا عاجزه عن كتم ضحكاتها ليردف ياسين: والله مانا واكل
عاصم: جدع جدا
ياسين: اخرس ياحيوان..... محمود انا هاخد شذا ناكل برا بقت خطيبتي خلاص وامسك بكف شذا وخرج دون الاستماع لهم
************************"""
شذا وياسين جلسو في احد المطاعم ليقبل ياسين كفها ويقول: بحبك ❤
شذا لا رد
ياسين بعتاب: دبلتي بقت ف ايديكي ولسه مش عايزة تقوليها
شذا بتردد: بحبك
زفر ياسين ب ارتياح
لتقول شذا بتردد: عايزة اقولك حاجه عشان منبدأش حياتنا سوا علي كدب عايزين دايما نبقي بنحكي بصراحه ممكن
امسك ياسين بكفيها وقبلهم بحب: ممكن طبعا كل اللي انتي عايزاه ممكن بس اي الخوف ده كله
شذا: عايزاك تعرف اني ف ضهرك ومش هسيبك
ياسين: وانا مقدرش اعيش من غيرك قوليلي بقا في اي؟
شذا: التحاليل بتاعتك....... بص يا ياسين مفيش حاجه بعيد علي ربنا والنسبه عندك مش كبيره اووي بس بالعلاج كله هيتحسن وانا معاك ومش هسيبك ابدا
ياسين سحب كفه من كفها بهدوء ليردف: انتي هتضحي بحياتك واحساسك بالامومه ليه؟ لا طبعا انا مش هعمل فيكي كده انتي من حقك تتجوزي حد سليم عشان تبقي ام
شذا امسكت بكفه وتشبثت به: بس انا عايزاك انت
ياسين بخيبه امل: للاسف مينفعش
شذا: طب فرصه لمده سنه تمشي علي العلاج ونجرب ماشي
نظر لها ياسين بصمت لتردف: واثق فيا مش كده
اومأ ياسين: طبعا واثق فيكي
شذا: يبقي خلاص الموضوع ده بينا وبس ويلا بقا اطلبلي اكل انا جوعت
ابتسم ياسين وطلب الطعام
******************************
اجتمع عز ب احمد في حديقه منزله بعد خطوبه ياسين ل يردف احمد: انا هطلق شهد
عز بسخريه: تصدق ان دي المشكله فعلا.... المشكله فيك انت
احمد: تفتكر لو قولت ل ريهام ندمان وان الدنيا من غيرها وهي امي حتي مش دنيا
عز: انت اللي عملت كده وللاسف ريهام صعب ترجعلك ريهام سافرت ومش ناويه ترجع عشان ميجمعهاش مكان بيك
احمد: خليها ترجع يا عز خليها ترجع وتبقي معاكم وانا اللي هسافر ومش هرجع لحد ماتسامحني
أنت تقرأ
شقيق الروح (مكتمله )
Ngẫu nhiênاحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
