شقيق الروح (مكتمله )

البارت الخامس والثلاثين

احمد وعاصم كل منهم ارتبك بعد رؤيتهم ل حاله شروق
عاصم: متقلقش ف حالتها دي مش هتزعق حتي هتجري عليه علطول
فدخلو لمكان البنات
بيري: اي يا عاصم طمني عملتو اي؟
احمد: شروق اطلعي اغسلي وشك وغيري هدومك عشان عايزك ف مشوار
شروق: مشوار اي؟ عبدالرحمن جراله حاجه...... انطق حصل اي؟ طب هوا عايش.... ردو عليا
عاصم: ممكن تهدي شويه... عبدالرحمن بخير
شروق بلهفه: طيب هوا فين مجاش معاكم ليه؟ وذهبت ل ناحيه احمد: احمد بالله عليك قولي عبدالرحمن مجاش معاكم ليه؟ هوا مش عايز يكلمني تاني عشان زعلته؟.... طب وديني له اصالحه.... قولي يا احمد عبدالرحمن فين ومجاش ليه
وذهبت ل عز: عز والنبي ابوس ايديك طمني عليه انا عارفه اني غلطانه بس عشان خاطري خلوني اروحله
ربط عز علي يديها: طيب ممكن تهدي شويه وتطلعي تغيري هدومك
شروق جسدها كان بيرتعش
عز صرخ: حياه... اميره .... وساعدوها علي الصمود قليلا وذهبت معهم
عز تنهد: قوليلي بقي في ايه؟
احمد: محمد كلمني وروحنا عبدالرحمن بقاله يومين هناك كان فاقد للوعي نهائي وعمل عمليه ف دراعه وقريب هيفوق ان شاءلله
عز: ربنا يجيب العوقب سليمه
عاصم: محمد خايف ان دراعه يكون في مشكله تانيه ربنا يستر
عز: مش عارف والله اي لازمتها انه يدخل كليه الشرطه ماكنا سوا ومفيش مشاكل
احمد: هيستقيل يعني؟
عاصم: لاء يفضل من مأموريه ل مداهمه عشان ياخد طلقه تجيب اجله ونخسره
عز: متتعبش نفسك شروق هتخليه يستقيل
عاصم: طيب احنا لما نرجع ان شاءلله مش عايزين ننسي ان بكره في حفله بتاعت سليم
عز: طيب هراجع الورق لما اجي ونمضيه الشراكه دي مش هتستمر هما صفقتين بالكتير يعني سنه واحده وبعد كدا هيخرجو من الشركه
عاصم: تمام بس في سؤال سريع كده قبل ما اى حد يجي منهم هي هايدي دي اي النظام؟ 😉😉
احمد : هايدي والله يبني انت بتفهم البت صارووخ
عز: جتكم نيله ف هبلكم.... دي مش بتبص غير لحد معاه ومعاه اكتر بكتير من سليم عشان تبصله غير كده انسو
احمد: يعني كده هي عينيها منك زي ما الكل خد باله
عز: يراجل مخدتش بالي والله
عاصم بمكر: ياعز ياعز ده البت دلعها عليك وقع قلوبنا والله 😂
عز: طب بس عشان نزلو
انطلق الكل للمستشفي وعز كان شارد ل اول مره عن حياه
شروق اندفعت علي موظفه الاستقبال: لوسمحتي غرفه الملازم عبدالرحمن عاطف فين؟
الموظفه: غرفه ٥١١الدور التالت الاسانسير هناك اهوو
شروق اسرعت وتركتهم جميعا خلفها
عاصم كان اسرعهم ولكنه لم يلحق الاسانسير: طالعه الدور التالت خلينا احنا عالسلم

شروق دخلت الغرفه بهدوء وبطئ رغم كل القلق والهوف اللي جواها عبدالرحمن لمحها علي الباب ف حب يتأكد من غلاوته عندها ف اغمض عيونه
شروق مسكت كفه وقبلته: انت مغمض عينك ليه مش عايز تشوفني عارفه اني زعلتك كتير وغلطانه بس اوعدك مش هزعلك تاني انا طلعت مش بس بحبك لا انت طلعت جوايا وانا دلوقتي مش عارفه اعمل ايه وانا شيفاك قدامي كده فتح عينيك دقيقه واحده بس هقولك اد اي انا بحبك واعمل اللي انت عايزة تاني
فتح عبدالرحمن عين واحده بمكر: اد اي بتحبيني؟
قفزت لحضنه وتشبثت به
ربط عبدالرحمن علي ضهرها: مهما كنتي بتحبيني مش هتوصلي لنفس الدرجه اللي بحبك بيها عشان انا نفسي مش عارف انتي ملكتي فيا اي غير اني كلي علي بعضي بقيت مليان بيكي يا اهلي وعزوتي وناسي
ضحكت شروق بخجل: قلقتني عليك طمني الاول انت بخير؟ واي اللي حصل؟ وبقالك اد اي هنا؟
عبدالرحمن: براحه طيب
سمعو طرق علي الباب
شروق لوت ثغرها اهم وصلو كلهم
وفتحت الباب
اميره: الحمدلله انك بخير
ريهام: سلامتك ياعبدالرحمن كده تخضنا شروق كان هيجرالها حاجه
ضحك عبدالرحمن: مانا شوفت ياختي دي حالتها كانت صعب اوي
عاصم: سلامتك ياباشا مصر
عبدالرحمن اشار له بيديه
حياه: طب اي اللي حصل ولا الدكتور قالك اي؟
اميره: محمد هيجي دلوقتي وهيطمنا
عبدالرحمن: ياشباب كبرتو الموضوع دي رصاصه يعني
شروق نظرت له ب غضب: رصاصه يعني! انت مستهون بالموضوع كأنه عادي طيب عقبال الرصاصه الجايه ف قلبك ولا ف دماغك عشان تستهون كده وتركتهم واغلقت الباب خلفها
اميره: يابني احنا مصدقنا نهديها ينفع كده
عبدالرحمن: اصل الموضوع الحمدلله عدي علي خير
عاصم: يابني انت لو كنت فضلت معانا عمرها ماكانت حصلت انت شغلك دلوقتي خطر وعندك طفل ومتجوز واحده هبله يعني مش هينفع
عز: بعدين نتناقش ف الموضوع ده سيبوه يرتاح
عبدالرحمن: اه والله تعبان... بيري الله يباركلك يارب تطلعي تصالحي المجنونه دي

فالخارج
محمد: اي يا شروق اطمنتي عليه
شروق: سيبني ف حالي
محمد: اي يابنتي بس حصل اي؟
شروق: البيه بيقولي رصاصه ومستهون بالموضوع
محمد: طب اهدي معلش هوا ميقصدش كده بس انتي مش عارفه هوا بيشوف الاكتر من كده هناك ف بقا الموضوع عادي لكن هوا ميقصدش يزعلك ابدا
شروق: بجد طيب الاول طمني هوا حالته اي
محمد: بصي هوا الحمدلله عمل عمليه ركب شرايح ومسامير بس وان شاء الله خير
شروق: يارب
محمد: طب اي تعالي يلا ادخلي معايا
شروق: شويه طيب
بيري خرجت من الغرفه
بيري: خلاص بقا ياشروق تلاقيه من تأثير البنج مش عارف بيقول اي اصلا تعالي ادخلي معايا ربنا يهديكي
شروق: طيب يلا
دخلت شروق وهي تعقد ذراعيها امام صدرها
عبدالرحمن ابتسم: بقا عايز الرصاصه الجايه ف قلبي.... مش خايفه علي نفسك طيب وانتي قلبي اصلا هتموتي معايا
شروق حاولت كتم ابتسامتها
عز: الحمدلله على سلامتك يابطل ..... نسيبكم شويه سوا عشان كده كده من بكره هتكون معانا وفي حاجات كتير هنحتاجك فيها
عبدالرحمن: اتقي الله انت مش شايف دراعي عامل ازاى اي الافتري ده
محمد: اذن الخروج بتاعه طلع اصلا ويقدر يروح دلوقتي
عبدالرحمن تمتم: حسبي الله ونعم الوكيل والله سيبوني مع البت شويه... حسوا بيا يا ناس
عاصم: خلاص طالعين اهو وهنستنا تحت يلا ياشباب
احمد: طيب استنوهم انتو انا ورايا مشوار كده
نظر له عز بغرابه ولم يعلق ف اكيد سيخبرهم فيما بعد

عالجانب الاخر
سليم: بقولك اي ياهايدي من غير لف ودوران كتير انا عارف وانتي كمان عارفة ان عز بقا اقوي من الاول و بقا حلو ف عينيكي غنا ونفوذ وقوه وحياه تبقي مشكلتك مش كده؟
هايدي بغيظ: اه نفسي اخلص منها
سليم: وليه بصراحه بقا هي عجباني وتلزمني وعز يلزمك يبقا نستغل الفرصه ونخلي عز يجيلك وكام صوره لمراته وانتو سوا هتصدق ولو فيديو يبقا تمام اوي وقتها يبقا هي بتاعتي
هايدي: واللي اسمه احمد ده انت طلبته يجي ليه
سليم : هتفهمي دلوقتي
احمد طرق الباب واذن له بالدخول
سليم: كنت متأكد انك مش هتضيع الفرصه دي وانك اذكى بكتير من الواضح عليك
احمد: عشان نبقا متفقين بس انا مش هعملك حاجه ببلاش وليا طلبات
سليم: كل طلباتك مجابه فيلا تتكتب ب اسمك وحالا وعربيه اخر موديل وحساب في البنك
احمد: والمقابل!
سليم: سهل وبسيط عايزين رسومات اخر مشروع اللي عز هيدخل بيه المزاد
هايدي: ومش بس كده انت كمان هتكون عين لينا هناك عشان لو اي حاجه حصلت من ضهرنا
احمد: تمام اتفقنا
سليم: ودول مفاتيح الفيلا وعربيتك تحت مستنياك ورقم الحساب هيجيلك بيه رساله
احمد: تعيش يا باشا

...................................................