شقيق الروح (مكتمله )

البارت الثامن والعشرين

الهروب هوا اول حاجه بنفكر فيها لما الخوف بيدخل جوانا بنهرب سواء من نفسنا او من اللي حوالينا
متى نتعلم المواجهه؟
اميره دخلت المطعم وجدت محمد يجلس منتظرا لها وعندما اقتربت قام محمد وسحب لها الكرسي
محمد ب اعجاب : بسم الله ماشاء الله
اميره: احم... اديني جيت اتفضل قول اللي عايز تقوله
محمد تنحنح بحرج: طيب الاول نشرب حاجه
اميره ببرود: قهوة ساده
محمد: معلش نخليها عصير فريش
اميره بضيق: ماشي
نادى محمد للنادل وطلب العصير وبعدها نظر طويلا ل اميره ب اعجاب وهو متأملا اياها في صمت
اميره: اي... في حاجه
محمد: لا ولا حاجه
اميره: طيب اتفضل قول انا سمعاك اهو
محمد: الاول حابب اسألك سؤال ليه اديتيني الوردة وانا ف الشارع
اميره: تاني! عشان المحل ده لما بدأنا فيه عملنا يوم توزع الورد عالناس ف الشارع ونفرحهم وعارفه ان ده مش يوم الخميس بس انا كنت عايزه اعمل كده وعملت كده
محمد: طيب ليه سألتيني عن حالي؟ مانتي وزعتي الورد علي كل الناس وبس اشمعنا انا اللي سألتيني
اميره: اعتبره فضول مني ومش هيتكرر
انزل النادل العصير
محمد: طيب ممكن افهم كل العصبيه دي ليه؟
أميره: انت موترني من ساعه ماقعدنا
محمد: والله انا متكلمتش... يمكن التوتر ده عشان لسه منعرفش بعض... بس مفيش مشكله نتعرف ونتصاحب وانا هكلم بشمهندس عاصم عشان اتعرف بيه اكتر وبيكم كلكم
أميره: نتصاحب ونتعرف وتدخل ف دايره صحابنا... اممم انت عايز اي بالظبط
محمد نظر لها بهيام: مش عارف
اميره قامت: لما تعرف ابقي اتكلم
محمد امسك بكفها: استني بس انا فعلا مش عارف حصلي اي من يوم ماشوفتك وصدفه اننا نتقابل ف المستشفي مش عارف حاسك مختلفه وان في حاجه جوايا ليكي
اميره ازاحت يده: خلي الي جواك جواك بقا وياريت منتقابلش تاني وفرت هاربه من امامه وهذه المره لم تذهب للبيت بل للاسكندريه هربا من كلام الجميع فهي تحتاج الكثير من الوقت لتستجمع نفسها من جديد
عز علم بوصولها الاسكندرية من الحرس الذين يتتبعونها
ومر اسبوع كامل لم تتصل فيه اميره علي احد منهم
عز: حياه... انا هسافر اسكندريه اجيب المجنونه أميره من هناك وارجع مش هتأخر هكون هنا عالعشا
حياه: تروح وترجع بالسلامة طيب والشركه
عز: احمد وعاصم هيظبطو كل حاجه متقلقيش
حياه: ماشي ياحبيبي خد بالك من نفسك
قبل عز رأسها وقبل كيراز وخرج

الاسكندريه
اميره تجلس علي الشاطئ وهي تنظر للموج في سكون تام
جلس ياسين بجانبها ولم تلاحظ ذلك
ياسين: سرحانه ف اي ياميرو
اميره انتفضت: انت بتعمل ايه هنا؟
ياسين: وحشني البحر قولت اجي اتكلم معاه شويه
قامت اميره من مكانها ف نهض ياسين وامسك بذراعيها: رايحة فين؟
اميرة: هسيبك تقعد مع البحر براحتك عشان هوا وحشك
ياسين: بس انتي وحشتيني اكتر
اميره: بجد!
ياسين: ايوة طبعا والله وحشتيني ومالك كمان بيسأل عليكي كتير
ادركت اميره انه مخادع يستعطفها للرجوع ل انانيته فقط
اميره بقوه: بس انت موحشتنيش علفكره
ياسين اتصدم
اميره: مستغرب ليه؟ بعد كل اللي حصل منك مستني مني اسامح وانسي زي زمان... بس زمان انت كنت ابني وحبيبي اللي عمري ماهانت عليه دموعي حتي انا كلي كده هونت عليك بعد نص الليل ترميني ف الشارع ودي عمري ماهنساها انا اللي مكنتش تطيق حد يجرحني بكلمه ولا يمسني اصلا عيشتني كل يوم في تجريح منك ومديت ايديك عليا
عايزنا نرجع يا ياسين طيب لو رجعنا اضمن منين انك متعملش كده تاني فيا انا مكنش عندي حد في الدنيا غيرك كنت كل حاجه ليا وف ثانيه رميتني ولما ظهر صالح ف حياتي غرورك وانانيتك مقبلوش اني ابقي لحد غيرك وبوظت علاقتي بيه واهو اديني بقيت حامل منه ف تؤام هتقولي اي بلاش اللي ف بطنك ونرجع تاني ولا هتخليهم جمب مالك عشان يتربو سوا لا يا ياسين لاء ياحته من قلبي عمري ماهرجعلك يا ابني ياللي كنت سندي ومكنتش اتخيلت اقول كنت... انساني وابدأ حياتك مع حد تاني بس وانت انسان سوى مش اناني ولا وحش اوي كده ارجع ياسين اللي عرفته ايام الكليه عشان خاطر مالك
ياسين: ده اخر كلام عندك
اميره: اه اخر كلام عندي احنا صحاب وبس يا ياسين... وانت ملكش دعوه بيا ولا ب حياتي اتجوز اخلف ملكش دعوه بيا خالص اتفقنا
ياسين اومأ برأسه وتركها وهو يجر ذيول الخيبه وراه
عز وصل بعد اختفاء ياسين من الشاطئ كله
عز: مش كفايه كده بقا ولا اي
أميرة نظرت له بدموع
عز: مالك! في اي
حكت له اميره كل شئ
عز: بصراحه تصرفك كان صح جدا والله بس انتي هنا بقالك اسبوع عشان خاطر ياسين وبس؟ ولا في حاجه تانيه
اميره: عز... انت اكتر حد بيفهمني انا بجد متلخبطه مش عارفه ليه بعمل كده معاه وبعامله وحش مايمكن يكون انسان كويس ويعوضني
عز: ده دكتور محمد
اميره: هوا انت عرفته؟
عز: طبعا ده بقاله اسبوع مقيم عندنا مفكرك مستخبيه منه وبصراحه عنده حق
اميره: طيب ده مش ظلم انه يتجوز واحده هيجيلها طفلين هوا مش ابوهم
عز: يستي محدش قالك اتجوزيه بكره الصبح اعملي خطوبه الشهرين دول لحد العده ماتخلص وبعدين نشوف بقا هتكملي معاه ولا بلاش بس موضوع ياسين اتقفل خلاص مفيش رجوع فيه
اميره: لا لا خلاص مفيش ياسين تاني احنا صحاب بس
عز: هصدقك بس لو طلعت زي المره اللي فاتت وتكلميه من ورانا تاني هقطع رقبتك
اميره: صدقني اتقفلت منه بجد بني ادم زباله و اناني
عز: خلاص خلاص كفايه عرفت انك مش طيقاه يلا بينا عشان اقول لدكتور محمد انك وافقتي عالخطوبه
اميره رفعت سبابتها في وجه عز: خطوبه بس
عز بضحك: حاضر خطوبه بس تحبي اعملك عقد
اميره بتفكير: لاء العقد ده هتشوفوه كلكم ف الخطوبه بس عندي طلب اخير
عز نفخ: خير
اميره: تقولنا بعد خطوبتي ليه بتقول انت وحياه علي بعض شقيق الروح!
عز ضحك: حاضر بعد الخطوبه نتجمع واقولكم حاجه تانيه
اميره وهي تتصنع التفكير: امممم.. خلاص مفيش يلا بينا
عز: يلا ياختي يلا

شروق وعبدالرحمن
عبدالرحمن كان يغط في نوم عميق الا ان قفزت شروق علي السرير افزعته
عبدالرحمن: اي ده في اي
شروق بفرح: بودى انا حامل
عبدالرحمن اعتدل: بتتكلمي بجد والله
اومأت برأسها ف احتضنها: مبروك يروح قلبي ❤
شروق: الله يبارك فيك
عبدالرحمن: بس عايزين نتأكد بردو هنروح المستشفي نطمن اوك
شروق: تمام ماشي
عبدالرحمن بغمز 😉😉😉: ده من الليله العنابي مش كده
لكزته شروق علي كتفه
عبدالرحمن: لا والنبي مكسوفه يابيضه انتي بتتكسفي ياتي
شروق تغيرت نبره صوتها : ماخلاص بقا الله
عبدالرحمن جحظت عينه: خلاص ياعم شوقي قلبك ابيض
القت شروق عليه الوساده: شوقي... بقا انا شوقي
عبدالرحمن: الله هوا انا اللي تخنت ف صوتي وبقيت زي الرجاله ولا مين؟
شروق بضحك: لا عمك شوقي هوا اللي تخن صوته
عبدالرحمن: خلاص بقا اهو مشي خلينا احنا فالقمر اللي عالصبح ده ونشوف ليلتنا هتودينا لفين تاني؟
شروق: لا لا توديك انت انا مش فاضيه ورايا شغل كتير وانت كمان وراك شغل قوم يلا بلاش دلع نشوف اللي ورانا وبعد الشغل نروح نطمن عالبيبي عشان نزيع الخبر للكل
عبدالرحمن تمتم: عنيفه اوي مفيش رومانسيه صبرني يارب
شروق: بتقول حاجه يابودي
عبدالرحمن: لا ياروحي سلامتك ياقمر
شروق: طيب يلا ياحبيبي يلا بلاش كسل
عبدالرحمن وهو يتجه للخزانه تمتم: حسبي الله ونعم الوكيل في اللي بلاني البلوة دي
شروق من ضهره: انا بلوه وقعتك سوده
عبدالرحمن: بلوة اي بس ده انتي سمعتي غلط نظرت له شروق بعدم تصديق
عبدالرحمن: انا بقول اللي بلاني بالحلوة سمعتيها بلوة
منين
شروق: بجد !
عبدالرحمن: اه والله ياظالماني
شروق 😒😒😒😒
عبدالرحمن قبل خدها: خمس دقايق وننزل يروحي مش هتأخر

...................................................