راهنت من قبل انه لا يمكنني العيش بدونك وها انا الأن اثبت لك وللجميع ان العيش بدونك سهل واستطيع الاستمرار فيه
خطت ريهام بخطوات ثابته داخل المحكمه وقدمت طلب برفع دعوه قضائيه بالخلع مع احد المحامين من اصدقاء عبدالرحمن
خرجت ريهام لتذهب ل عز وحياه بالمستشفى وهو ترتدي رداء القوه والتماسك ودلفت الي الغرفه ب وجه مشرق! حمدالله على سلامتك ياعز
عز ب ابتسامه: الله يسلمك تعالي اقعدي كلهم هنا اهو
دلف احمد بغضب بعدما علم من عبدالرحمن مافعلته تلك الحمقاء ليقول: انتي ازاى ترفعي عليا قضيه خلع انتي اتجننتي..... انتي تروحي بكره الصبح تصحبي الدعوه دي سامعه
ريهام وقفت وقالت بهدوء لتزيد من غضب احمد: والله قولتلك قبل كده طلقني وانت مش راضي يبقي المحكمه تطلقني منك
احمد: مش هيحصل يا ريهام علي جثتي اطلقك دي
حياه بغضب: انتو معندكوش دم سايبين الدنيا كلها وجايين تتخانقو هنا
عز قاطعها: احمد طلقها وابعد انتو محتاجين تعيدو حسابتكم من تاني
احمد بعناد: قولت مش هطلق ولو علي البعد ماشي انا هسافر فتره لحد الامور ماتهدي ونرجع نتكلم
ريهام بتحدي: مش هتخرج غير لمل تطلقني بردو انا مصممه علي الطلاق سيبني اشوف حياتي زيك ولا اشمعني انت يعني
احمد: بقا عايزة تطلقي وتعيشي حياتك لاء ياريهام مش هخليكي تعملي كده عشان انتي مش هتبقي مرات حد غيري وتركهم وخرج
**********************
شذا كانت بغرفه المعمل مع صديقتها يحتسيان مشروب ساخن يدخل الدفئ عليهم قليلا ليقول احد الاطباء
الطبيب: اه والله يبنتي دخل امبارح عايز يعمل تحاليل وجاي لوحده انا فرحت ان في ناس قدرت تتخلص من الجهل والفكر بتاع الرجاله مش ممكن يبقي العيب منها
وما ان انهي جملته وهو ينظر من الشباك علي الخارج ليردف: اهو اللي جاي هناك ده
شذا بقلق: النتيجه بتاعت التحاليل دي اللي انا كنت بشوفها دلوقتي
الطبيب: اه ليه
شذا: قوله انها مخلصتش ولسه محتاج وقت
الطبيب ب استغراب: ليه
شذا بغضب: محمود اسمع الكلام بس وهفهمك بعدين
دلف ياسين ب ابتسامه بعدما رأي شذا الذي بادلته البسمه: صباح الخير يادكتوره
شذا: صباح النور
محمود: انا اسف جدا يابشمهندس ياسين التحاليل لسه قدامنا فيها وقت
ياسين بفرح علي عكس ما توقع منه: ولا يهمك هاجي للدكتوره مره تانيه استلمهم
محمود ابتسم: حضرتك تعرف دكتور شذا
ياسين: اتمني تديلي فرصه اتعرف والله
محمود متصنع الغضب: انا ابن خالتها علفكره لو عايز تتعرف يبقي عليا انا
قبله ياسين بلهفه: ده انا عنيا ليك ياراجل
محمود لم يستطع السيطره علي ضحكاته المكتومه ف انفجر ضاحكا
ياسين: طيب معلش تسمحلي بكلمتين
محمود وهو يتحرك معه للخارج: عنيا
خرج ياسين ليقول بعيون مملؤه بالحب: بص بقا انا مش ه لف ولا ادور انا جاي اقولك اهو حددي ميعاد اكلم الحج والحاجه عشان اتجوز شذا
محمود: طيب مش قبل ماتقعد معاهم
قاطعه ياسين بنفاذ صبر: عارف وبردو كنت هستأذن منك قبل ما اخدها و نخرج
محمود انفجر ضاحكا: انت حالتك صعبه اوووي ياعيني
ياسين: اوي اوي ها هتعمل اي
محمود: حاضر هكلم خالتي وهنستناك الليله ده لو مكنش بكره
ياسين: لا انهارده ان شاءلله
محمود: حاضر يا اخويا مستعجل اوي دي هتوريك النجوم ف عز الضهر
ياسين: وانا راضي والله بس ادخل بقا وقولها عشان لو مش موافقه ولا حاجه
دخل محمود ب دهشه وهو يقول: اكيد الجدع ده مجنون
شذا بضحك:ليه بس
محمود: عايز يتجوزك
شذا: طيب سيبهولي انا هطلعله
محمود بتحذير: خليكي هاديه مش عايزينه جثه وانا وخالتي مستنينكم بليل
شذا احتضنته بحب: ربنا يخليك ليا يارب
محمود: كبرتيني وخلتيني اعيش دور الاب يلا بقا اطلعي قبل ما تلاقيه هنا
*****************************
داليا دخلت المستشفى بخطوات متكبره يملأها الغرور فتحت مساعدتها الباب لتظهر امام عز وهي تقول بسخريه: سلامتك واشارت لمساعدتها ان تضع باقه الورورد
نظرت لها وفاء بنظرات ناريه: جايه ليه
داليا بمكر: اخويا وجايه اطمن عليه
حياه اندفعت لكن اوقفها عز وهو يقف علي قدمه ويقول بغضب: قولتلك قبل كده لو شوفتك صدفه هقتلك وانتي جايه برجلك
حياه شدت علي كف عز لتهدأه: حبيبي اهدي شويه
داليا ببرود جلست لتثير غضب عز ليهب واقفا لم ينتبه لذلك المحلول المعلق بذراعه بدأت الغرفه تدور من حوله ولكنه عاند كل احساسه ليشير ل داليا بغضب: امشي من هنا وديني اقتلك..... جايه ليه عشان تقوليلي انك السبب ف كل خراب دخل حياتي وسقط مغشيا عليه من تضاعف الألم علي قلبه
فزعت وفاء نحوه وحياه ايضا: عز حبيبي رد عليا
عبدالرحمن وقف امسك بكف داليا يجرها خلفه بغضب ودفشها بالجدار: اسمعي.... عز لو سايبك عايشه لحد دلوقتي مش معناه انك هتفضلي تأذيه محدش هيسمحلك تقربي منه ولا من اي طريق لو لمحت اسمك ف حياتنا صدقيني هقتلك ومش هاخد فيكي يوم
خرجت داليا من براثينه ب اعجوبه وهربت لبيتها تحتمي به
اما عز ف كانت حياة تصرخ حتي تجمع الممرضين حولها
حملوه لغرفه اخري بعد مده خرج الطبيب ليقول: ممنوع اي زياره للمريض ولا اي انفعال اي انفعال خطر عليه جدا الجرح اتفتح من عصبيته الزياده ودلوقتي سيبيه يرتاح لو سمحتي
حياه برجاء: معلش بس ممكن ادخله دقيقه واحده بس
الدكتور بتحذير: بس متخليهوش يتكلم كتير
دخلت حياه لتقف بجانب رأسه وهي تحاول جاهده منع دموعها من الانهمار لتقول: كده يا عز ليه كل العصبيه دي اهو مش عارف هقدر ابقي معاك دلوقتي عشان الدكتور قال غلط عليك العصبيه او اي انفعال
عز: انا بخير
حياه: عشان خاطر ترتاح ومتفكرش ف حاجه وانا جنبك اهو
عز ابتسم و اومأ برأسه ليغمض عيونه بتعب ليرتاح قليلا
أنت تقرأ
شقيق الروح (مكتمله )
אקראיاحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
