طبعا عبدالرحمن وحشنا كتير كتير وعز وكل ابطالنا بس انهارده هننشغل بحد عمرو ماهيوحشنا اصلا ياسين
لم نخلق ل اصلاح الكون كل من حولنا ونحن ايضا بداخلنا ندوب كثيره لا وجود ل اشخاص سليمه بيننا لهذا قررت نورا بوقف تلك المهزله قبل الزفاف ب ايام قليله واختفت عن انظار ياسين ولم يتوقع ان تكون مختبئه عند عز ابدا
ياسين اخذ يدور ويبحث عن نورا ل يام وسأل كل معارفه وعز واميره ولكنهم انكرو
أميرة: ممكن تروح تنام انا هخلص شغلك بس انت كده بتموت روح نام ساعتين وان شاءلله هتلاقيها
ياسين: هوا انا ليه بفوق متأخر كل مره؟
عز: ياسين كفايه كلام مش هيجيب نتيجه المهم دلوقتي انك تروح ترتاح ابوك قلقان عليك بقالك خمس ايام بعيد عن ابنك وبيتك
ياسين كان مرهق وينظر لهم بصعوبه وتدور الدنيا من حوله حتي وقع بينهم
اميره خلع قلبها واسرعت له وعز حاول حمله وتجمع الكثير عندهم واخذه عز علي البيت ليرتاح
حياه نظرت ل اميره التي تبكي واحتضنتها بتفهم
اميره اخذت تبكي وتبكي كثيرا
حياه: خلاص حصل ايه لكل ده
اميره: انا خبيت نورا ف البيت عندي وسيبته يتعذب كده
انا لسه بحبه
حياه ابتعدت عنها لتنظر لها: نعم
اميره: انتو مفكرين اني حجر انا بموت وهو ف حالته دي انا بحبه لسه
حياه: انتي معندكيش دم ولا بتحسي وفوق ده كله انتي طلعتي انانيه اوي..... بتحبيه واتجوزتي غيره وهتدمري حياتكم انتو التلاته... انتي بجد طماعه وبشعه انا مش عايزة اعرفك تاني ولا اكون ف مكان يجمعني بيكي
نورا خرجت من بيت اميره وياسين لتسافر دون رجعه ولكن حدثت محمد زوج اميره قبل هذا
محمد: اي يانورا في حاجه ولا اي
نورا: انا بعد ساعه هكون سيبت البيت هنا وعايزة اعرف اسيب المفتاح فين
محمد: انا عندي فكره احسن بعد نص ساعه نتقابل في ******* تمام
نورا: تمام
محمد اتصل بعاصم ليذهب معه واجتمعو ثلاثتهم
عاصم: بصي يا نورا قرارك وانتي حره فيه بس ياسين بيحبك بجد انتي مشوفتيش شكله بقاله 5ايام بيلف ف الشارع زي المجانين لدرجه انهارده من كتر الارهاق وقع قدامنا لو في فرصه اخيره اديهاله
نورا: انا عارفه انه حد كويس والله بس ياسين في عيوب كتير حاولت اصلحها معرفتش وانا مش هكمل حياتي بصلح عيوبه
محمد: لو بتحبيه بجد هتقدري اميره مكنش حد فيهم متخيل انها تثق فيا ولا تحبني وانتي شوفتي ان احنا عايشين حياتنا مبسوطين وبنحب بعض جدا
نورا: من وجهه نظرك بس
محمد: تقصدي اي؟
نورا: مقصدش
عاصم: المهم انتي قررتي تعملي اي دلوقتي مع ياسين
محمد: استني بس لما تقولي الاول هوا اي اللي من وجهه نظري انا بس
نورا: ركز مع مراتك وتصرفاتها وانت تفهم.... وانت يا عاصم لما تروح ل ياسين اديله دبلته ومتخليهوش يدور عليا تاني اللي زي ياسين عمره مايتغير اصلا سلام
تركت محمد وعاصم احدهم يفكر في شك والاخر في دهشه مما حدث
عاصم: هوا عملها اي عشان تقسي اوي كده!
محمد: ده هنعرفه بس اللي هيجنني تقصد اي لو اللي ف دماغي
عاصم: اي اللي ف دماغك
محمد تنفس بعمق ولم يرد: انا هروح هتيجي معايا؟
عاصم: ماشي يلا
ريهام دخلت لمحل الورد للاطمئنان علي بيري
ريهام: اي يبنتي مالك زعلانه ليه انتي كمان؟
بيري: سيبيني ف حالي... انتي جيتي ليه؟
ريهام: جيت اي المشكله؟!
بيري: عرفتي اللي حصل ياسين وقع ف الشركه وعز وصله للبيت عندنا واميره وحياه اتخانقو
ريهام: اتخانقو ليه؟
بيري: عشان اميره بتحب ياسين ياريهام
دخل محمد وعاصم لمحل الورد ف سكتت بيري
عاصم: اي يابنات اخباركو اي
ريهام: مفيش كنا لسه بنتكلم علي ياسين وحالته... محمد هي نورا لسه ف البيت ولا خرجت
محمد: نورا سافرت وسابت دي ل ياسين
بيري: هي اتجننت ده بيموت وهي تسيبه
محمد: كفايه عليه الست هانم
بيري: محمد انت فهمت غلط اسمعني بس
محمد: لا مفيش غلط ولا حاجه كل حاجه كانت واضحه قدامي انا كنت عامل نفسي مش شايف ونورا قالت وانتي اكدتي كل الشكوك اللي جوايا
عاصم: يبني هي لو بتحب حد غيرك عمرها ماهتتجوزك ولا هتبقي بتتعامل معاك كده
محمد اومأ برأسه: خلاص يشباب
ريهام: طب اي هنقعد ف حته ولا هنروح
عاصم: والله انا شايف اننا نروح نقعد ف حته مش انتي خلصتي هنا خلاص
بيري: اه خلاص يلا بينا
عز اوصل ياسين ل بيته وطمأن ابيه ومالك
عز: اي ياحبيبي بابا بخير هوا منمش بقاله شويه بس عشان كده هوا هينام دلوقتي وبكره الصبح هيكلمك ويلعب معاك وقبل رأسه
عبدالحميد: نورا مظهرتش
عز: لسه والله ياعمي بس هوا اكيد غلط عشان تختفي كده
عبدالحميد: قولتله 100مره لو مش بيحبها يبعد عنها مفيش فايده فيه مش هيتغير المهم انك تبعده عن اميره وعن حياتها بكل الطرق ياعز
عز: اميره اتجوزت وبتحب جوزها
عبدالحميد: لا اللي بتحب جوزها متعملش حاجه من وراه ولا تقضي كل يوم مع راجل لوحدهم والاسم بيشتغلو
عز: حضرتك متأكد من اللي بتقوله
عبدالحميد: اكيد ياريت تكلمها تعقلها تحافظ علي بتها وولادها وكفايه لحد كده ولو علي ياسين انا بحاول اهو وربنا يعيني عليه
عز خرج من بيت ياسين وامسك ب هاتفه
عز: اميره انتي فين؟
اميره: ف شقتي انا وياسين في حاجه
عز: انتي بتعملي اي عندك... ركب سيارته متجهها لهناك
أميره: عز انا مخنوقه ومش طايقه نفسي وحياه اتخانقت معايا ف انا مش هاجي عالغدا عشان منتقابلش بس بالله عليك سيبني ف حالي
عز: اقفلي يا اميره
وصل عندها
اميره: جيت بردو تعالي اتفضل
اغلق الباب خلفه
جلست اميره ف صفعها عز و لف شعرها حول يده: انا قولتلك لو فكرتي ترجعي ل ياسين هقطع رقبتك فاكره
اميره ب الم: اوعي ايديك انت ملكش حكم عليا
عز: افلت يده: مليش حكم عليكي فعلا ومن النهارده تنسي ان ليكي اخ هيقف ف ضهرك ولا هيساعدك وادار ظهره لها ليخرج امسكت به
اميره : استني يا عز متمشيش.... هتروح فين
عز: انا جيت اشوف اختي الهانم المحترمه اللي اول مره متوفيش بوعدها ليا ورجعت تاني تكلم اللي كسرها ورماها ولا عمره حبها وعايزة تكسر قلب واحد حبها بجد واخترها رغم كل عيوبها.... انتي ازاى بتعملي فيه كده ده راضي بيكي وانتي متجوزه اتنين قبله وعندك عيال كمان وراضي بيكي وبيحبك بهدلتيه بشروط وقواعد واستحملك ازاى وليه عشان بيحبك علي اي معرفش ... انا جيت اعرفك ان محمد ميستاهلش منك كده والكسر اللي هتكسريه لقلبه ده هيبقي اضعاف لقلبك انتي فوقي لنفسك مره واحده بقا من غير مصايب انتي علطول بتقعي ف مصايب ومبتتعلميش
اميره كانت تبكي ولم تستطع الرد
عز احتضنها اميره: انا اسفه
عز قبل رأسها: ششش متتكلميش دلوقتي اهدي وفكري بالراحة وحضني دايما مفتوحلك وهتيجي عالغدا تلاقي حياه مستنياكي يامجنونه
ابتسمت اميره
احاط وجهها بكفيه: ربنا رازقني بالمجانين كلها ف حياتي يلا همشي انا بقا
وعز يتجهه للباب استمع لعده طرقات
عز: انتي مستنيه حد؟
اميره: محدش يعرف اني هنا اصلا
عز فتح كان محمد
محمد: كنت متأكد ان انت هنا واميره كمان
عز: محمد تعالي معايا نتكلم شويه وبعد الغدا ابقي عاتبها براحتك
محمد: لا لا اعاتب مين انتي طالق
وخرج
اميره اجهشت ب البكاء
عز خرج خلف محمد
عز: اميره اطلعي علي البيت دلوقتي متقعديش هنا احمد هيجي ياخدك دلوقتي
وخرج عز خلف محمد وارسل ل احمد ان يوصل اميره بالبنات
محمد: عز معلش سيبني دلوقتي
عز: انت طلقتها بعد كل الحب ده تتخلي عنها بسهوله كده انت فيك اي انت واعي للي عملته
محمد: انا
عز: مفيش انا احنا نروح نسأل دلوقتي كفاره اللي انت عملته ده اي واول واخر مره تنطق الكلمه دي بسهوله كده يلاقدامي وف الطريق تحكيلي اي اللي حصل
********************************
أنت تقرأ
شقيق الروح (مكتمله )
De Todoاحاط به الظلام من كل اتجاه حتي اضاءت حياه بنور قلبها حياته اعادت له الحياه وملاءت قلبه واناست روحه فعشقها واصبحت روحها ل روحه شقيق 👑
