[ ZHANYI ] ဗိုလ်ချုပ်ကြီးကသူ့ယောကျာ်းကိုအလိုလိုက်လွန်းတယ် !

EPISODE - 3

[ တပ်ကြပ်ဝမ်နဲ့ငါးအကြေးခွံပြဿနာ ]

ပျော်စရာတစ်ခုခုကြုံခဲ့ရသည့်မျက်နှာနဲ့ရှိနေတဲ့ ဗိုလ်ချုပ်ရှောင်း။ တပ်ကြပ်ဝမ်ကတော့ပြန်ရောက်ကတည်းက မမြင်မိပေ။

"ဗိုလ်ကြီး မြေမြှုပ်မိုင်းတွေက တပ်ရင်းနဲ့ ပေ** အကွာမှာရှိနေပါတယ်။
ကျွန်​တော်တို့အဲ့နေရာကိုပြည်သူတွေမလာဖို့ ကန့်သတ်ထားပေမဲ့ မသိနားမလည်တဲ့သူတွေက အဲ့လမ်းကနေကားတွေနဲ့ဖြတ်မောင်းဖို့ကြိုးစားနေတယ်"

"ငါကိုယ်တိုင်သွားကြည့်မယ်။ သံကြိုးနဲ့အလံနီတွေယူခဲ့ စိုက်ဖို့တုတ်တွေရောပဲ "

မမြင်တွေ့ရသေးတဲ့တပ်ကြပ်ဝမ်က ဗိုလ်ကြီးရဲ့နာမည်အား အဖျားစွတ်ကာခေါ်ရင်း စခန်းထဲဝင်လာခဲ့သည်။

"ရှောင်း ကျွန်တော်"

ရိပေါ်တစ်ယောက်တည်းရှိတယ်ထင်ကာ ခေါ်လေ့ရှိသည့်နာမည်အားခေါ်လို့ အထဲကိုဝင်လာတော့ တပ်သားတွေပါရှိသည်ကိုမြင်သွားလေသည်။

ရှက်သွားသည်ထက် လျှို့ဝှက်ချက်ပေါ်သွားသည်ဟု ခံစားရကာပြန်ထွက်ရခက် အထဲဝင်ရခက်ဖြစ်နေလေသည်။

"သွားဖို့အတွက်ပြင်ဆင်ထားလိုက် ငါခဏနေရင်လာခဲ့မယ်"

"ဟုတ်ကဲ့"

အလေးပြုကာထွက်သွားသောတပ်သားတစ်ချို့မှာ ရိပေါ်ကိုပါနှုတ်ဆက်သွားလေသည်။

ခပ်ဆတ်ဆတ်ခေါင်းညိမ့်လို့ စခန်းထဲဝင်လာခဲ့သည်။

"ကိုယ့်ကိုဘာပြောစရာရှိလို့လဲ"

"အထွေအထူးမဟုတ်ဘူး။ တပ်သားတွေအတွက်ညစာကို အသားနဲ့ငါးလုပ်ကျွေးမလားလို့ လာပြောတာ"

"ချက်လေ။ ပိုက်ဆံမလောက်လို့လား"

အကြည့်လွှဲထားပြီးစကားဆက်မပြော။

'ငွေကြေးနဲ့ပတ်သတ်ပြီးလက်ဖြန့်​တောင်းရသည်ကို အခုထိကျင့်သားမရသေးပေ။ ဘာကိစ္စများငွေမကိုင်ဖို့ငြင်းခဲ့မိတာပါလိမ့် ။'

"ဝမ်လေး တစ်ယောက်တည်းသွားမှာတော့မဟုတ်ဘူးမလား"

"တစ်ယောက်တည်းသွားတော့ ဘာဖြစ်လို့လဲ "