[ ZHANYI ] ဗိုလ်ချုပ်ကြီးကသူ့ယောကျာ်းကိုအလိုလိုက်လွန်းတယ် !

Side Story - 6

[ အကို သားကိုသေချာစောင့်ရှောက်ပေး ]

အာမားကအခုရက်ပိုင်း အိပေါ်ပေါ်နဲ့ပဲနေပေးတယ်။  အိပေါ်ပေါ်ကြိုက်တာတွေလည်း လုပ်ကျွေးတယ်။ အိပေါ်ပေါ်အကြိုက်ဆုံးကအာမားက ပဝါထိုးပြနေတာပဲ။

အာမားရဲ့လက်လှလှလေးတွေနဲ့  ချည်လုံးကိုင်ထားတဲ့ပုံကအရမ်း အရမ်းကိုလှတယ်။

"မိန်းမ ခဲအိုရောက်လာပြီ "

"အကိုရောက်လာပြီလား "

"အင်း "

အာမားလိုမျက်နှာမျိုးကိုမှ လေးထောင့်ပုံစံရှိတဲ့လူကြီးက အိပေါ်ပေါ်ရဲ့ဦးလေးတဲ့။ အရပ်ကအာပါးထက်တောင်ရှည်သေးတယ်။

"ဒါကငါ့တူ ?"

"အိပေါ်ပေါ် အာပါးနဲ့ခဏလိုက်သွားမလား "

"မသွားဘူး "

"အာပါးကအပြင်ကိုကားစီးသွားရမှာ အိပေါ်ပေါ် ကားစီးချင်တယ်ဆို အာပါးနဲ့လိုက်ခဲ့လေ"

"တကယ်လား "

"တကယ် လာ အာပါးနဲ့သွားကြမယ်"

ထွက်ခွာသွားတဲ့ယောကျာ်းနဲ့သားဖြစ်သူကို သူမငေးကြည့်နေခဲ့သည်။

" နျန်ရင်းအာ ဘာတွေလုပ်ဖို့ကြိုးစားနေတာလဲ "

"လူသတ်မလို့ "

မြင်ကွင်းထဲကပျောက်ကွယ်မသွားသေးတဲ့ ရယ်မောနေတဲ့သားဖြစ်သူကိုစိုက်ကြည့်ရင်းဖြေသည်။

"မင်းစိတ်ထင်တိုင်းသတ်လို့ရအောင် မင်းက"

"အကို ကျွန်မမှာဘာအာဏာမှမရှိမှန်းသိတယ်။ ဒါပေမဲ့ ဒီတိုင်းငြိမ်မနေနိုင်ဘူး ကလေးမလေးကသေသွားပြီ ပြီးတော့သူဖျက်ဆီးခဲ့တာတစ်ယောက်မကမှန်း အကိုသိပါတယ်။ ငွေရှိရင်ထင်တိုင်းကြဲနိုင်တဲ့လောကက ရင်းအာနဲ့မဆိုင်ဘူး။ ဒါပေမဲ့သားကိုထိပါးလာတဲ့သူမှန်သမျှ ရင်းအာရဲ့ရန်သူပဲ အဲ့မသတီစရာလက်တွေက သားကိုထိကိုင်ခဲ့ပြီးပြီ "

"ဒီအကိုကဘာလုပ်ပေးရမလဲ"

"သားလေးကိုတပ်ထဲခေါ်သွား ဘယ်သူမှမော်မကြည့်ရဲအောင် သန်မာလာအောင်လေ့ကျင့်ပေး သူဖြစ်ချင်တာလည်းလုပ်ခွင့်ပေးလိုက် "