(Unicode)
Yu Baizhou အိမ်ကိုပြန်ရောက်အခါ ဆယ်နာရီပင်ထိုးနေပြီ။ Fu Xia က ထိုကလေးနှစ်ယောက်လုံး He Yan အိမ်တွင်ပင် တစ်နေကုန်ရှိနေခဲ့ခြင်းဟု ထင်မိသောကြောင့် မေးခွန်းသိပ်မထုတ်မိပေ။ Yu Baizhou ကို မြန်မြန်အိပ်ယာဝင်ရန် ပြောလိုက်သည်။
Yu Baizhou က "ဟုတ်"ဟုသာ ပြန်ဖြေပြီး သူ့အိပ်ခန်းထဲဝင်ကာ တံခါးပိတ်လိုက်သည်။ ဖုန်းက သတိပေးသံထွက်လာသည်။ အသံမက်ဆေ့ချ်တစ်ခုဖြစ်သည်။
He Yan: "အခုအိမ်ပြန်ရောက်ပြီလား"
He Yan က သူပြန်ရောက်သည့်အချိန်ကို သေချာတွက်ထားပုံရသည်။
Yu Baizhou က အသံကိုတိုးလိုက်ပြီး အသံမက်ဆေ့ချ်ကို ထပ်ဖွင့်လိုက်သည်။ ထို့နောက် အိပ်ရာပေါ်လှဲချကာ သူ့ခေါင်းကိုသူ ခေါင်းအုံးထဲနှစ်လိုက်သည်။
ယခင်က Yu Baizhou က သူ့ဖခင်နှစ်ဦးထံက လွှမ်းမိုးခံရသည်ဟု ထင်ခဲ့သည်။ ယခုမှသာ သူ့ကိုယ်သူ ကောင်လေးများကို စိတ်ဝင်စားကြောင်း ခံယူလိုက်ပြီး…008 ပြောသည့်အတိုင်း သူ He Yan အပေါ် ခံစားချက်ရှိသည်ထင်သည်။
He Yan ကို သူဘယ်လောက်ကြိုက်မှန်းမသိသော်လည်း သေချာသည့်တစ်ခုကတော့ သူ He Yan ၏ အထိအတွေ့ကို မငြင်းဆန်နိုင်ပေ။
Ruan Ya က သူ့လက်မောင်းကို လာကိုင်စဉ်က မသက်မသာခံစားရသော်လည်း ထိုသူက He Yan သာဖြစ်ပါက ထိုလူ၏ လက်မောင်းအားက်ိုသာ ခံစားရမည်ဖြစ်ကာ သူ့နှလုံးခုန်နှုန်းကလည်း ပိုမြန်လာလိမ့်မည်။
008 က သူ့ကို အချိန်ကိုက်သတိပေးလာသည်။
"အရင်ဆုံး တစ်ယောက်ယောက်က်ို မက်ဆေ့ချ်ပြန်မပို့ဘူးလား"
Yu Baizhou ချက်ချင်းတုံ့ပြန်လာပြီး He Yan ကို အိမ်ပြန်ရောက်ပြီဖြစ်ကြောင်း ပြန်ဖြေလိုက်သည်။
သို့သော်လည်း သူစာအရှည်ကြီး ရိုက်ပြီးသွားသည့်အခါ ပို့မည့်ခလုတ်ကို မနှိပ်လိုက်ခင် ရပ်လိုက်ပြီး 008 ကိုမေးလိုက်သည်။
"Xiao Ling သူက စကားလေးလုံးဘဲ ပြောတာကို ငါက စာအရှည်ကြီးပြန်ဖြေရင် ငါ့ပုံက တော်တော်ဖြစ်နေတဲ့ပုံပေါက်နေမလား"
008: "……"
008: "ကိုယ့်ကိုကိုယ်ထိန်းချုပ်ထားရင်ရော ဘာဖြစ်လဲ။ စားလို့ရလို့လား"
YOU ARE READING
Transmigrated into a School Idol and Forced to Do Business
RomanceMyanmar translation (ျမန္မာဘာသာျပန္) Genre- comedy, drama, romance, school life, yaoi author- Yu Wu Xiao Tian Bing 雨雾小甜饼 Type- web novel Chapters- 61 + extra retranslated from CWAS translations
