𝐵𝑒𝑔𝑖𝑛 𝐴𝑔𝑎𝑖𝑛

Part 1

Unicode~

Mercredi (ဗုဒ္ဓဟူး​နေ့)

ဒီ​နေ့က ဗုဒ္ဓဟူး​နေ့တစ်​နေ့။

၈လနီးပါး​သော အချိန်​တွေကို ဖြုန်းတီးပြီးတဲ့​နောက်မှာ ဒီ​နေရာကို ​ရောက်လာနိုင်ခဲ့ပြီ။

Sorbonne Université (Université de Paris)

ပြင်သစ်နိုင်ငံရဲ့ အ​ကောင်းဆုံးတက္ကသိုလ်ဟုဆိုရမည့်
ပါရီတက္ကသိုလ်။

​ရှေ့​ဟောင်းအ​ဆောက်အအုံကြီးလို ထုထည်ကြီးမားပြီး လက်ရာ​မြောက်သည်။
မိမိမှာ လူ​ကြောက်တတ်သူ ပတ်၀န်းကျင်ကို ရှိန်တတ်သူမဟုတ်​သော်ငြား ပြင်သစ်နိုင်ငံရဲ့ ထိပ်တန်းတက္ကသိုလ်မှာ ​ရောက်​နေတယ်ဆို​သော အသိ​ကြောင့် ကြက်သီး​မွေးညှင်း​လေးများ ထလာသည်။

တက္ကသိုလ်နယ်​မြေထဲသို့ စက်ဘီး​လေး စီး၍၀င်လာသည်။ တက္ကသိုလ်နယ်​မြေက မြို့ငယ်​လေးတစ်ခုစာမျှပင် ကျယ်၀န်းသည်။ တက္ကသိုလ်​ကျောင်း၀န်း​ရှေ့ စက်ဘီးရပ်နားရာ​နေရာ​လေးမှာ စက်ဘီးကို ရပ်လိုက်သည်။

အသိအကျွမ်းမရှိတဲ့နယ်​မြေစိမ်းမှာ ကျွန်​တော်တစ်​ယောက်တည်း​ကျောင်းလာတက်ရတယ်ဆို​သော စိတ်က သိမ်ငယ်စိတ်​တော့ဖြစ်မလာနိုင်ပါ။ ရင်းနှီးခဲ့ဖူး​သော ကိုယ်​ရေးကိုယ်တာသိမ်ငယ်စိတ်​တွေကို လွှင့်ပစ်ခဲ့တာ အတန်ငယ်ကြာခဲ့ပြီ​လေ။

​ကြီးမားလွန်း​သော အ​ဆောက်အအုံ​တွေကြား လမ်း​ပျောက်​နေ​တဲ့ ကျွန်​တော်။ တစ်​ယောက်တည်း အရဲစွန့်ပြီး ​ကျောင်းတက်ဖို့ ဒီ​နေရာကိုမှ​ရွေးမိသတဲ့။

"Bonjour Monsieur!"
'မင်္ဂလာပါ မစ္စတာ'

အသံချိုချို​​အေး​အေးနဲ့ နှုတ်ဆက်သံ​လေးက ရင်ထဲစိမ့်၀င်လာသည်။ ဟုတ်တယ်.. ကြားရရုံမကဘဲ ရင်ထဲ တငြိမ့်ငြိမ့်စီး၀င်လာတဲ့ အသံ​လေး။