𝐵𝑒𝑔𝑖𝑛 𝐴𝑔𝑎𝑖𝑛

Part 17 (Final)🚨

Unicode~

လွန်ခဲ့တဲ့ ၃နှစ်ကလိုပဲ Nice မြို့က မ​ပြောင်းမလဲရှိ​နေဆဲထင်ပါရဲ့။ အီတလီအ​ငွေ့အသက်တချို့နဲ့ Niceမြို့ကို ကျွန်​တော်တို့နှစ်​ယောက် ပြန်​ရောက်လာ​တော့မည်။
အရင်ကလိုပဲ ​မောင်က ကား​မောင်းပြီး ကျွန်​တော်က ​​မောင့်​ဘေးနားမှာ။

၉နာရီ​လောက်​မောင်းနှင်ရ​သော ဤခရီးမှာ လမ်းခုလတ်ရပ်ပြီး ​နေ့လည်စာဆင်းစားရတာကအစ လွန်ခဲ့တဲ့ ၃နှစ်​တုန်းကလို မ​​ပြောင်းမလဲ။

ဖြစ်ပြီးတဲ့အ​ကြောင်းအရာများ တဖန်ပြန်ဖြစ်သလို ခံစားချက်ရ​နေရင် "Déjà vu" လို့ ​ခေါ်တယ်တဲ့။
အင်္ဂလိပ်လိုဆို "Already seen" လို့ အဓိပ္ပါယ်ရ​ပေမယ့် အင်္ဂလိပ်​တွေက "Deja vu" လို့သာ ​ပြင်သစ်စကားကိုမွေးစားပြီး ​ခေါ်​ဝေါ်ကြသည်။

"အရင်က သွားတဲ့​နေရာ​တွေပဲ သွားမှာလား ​မောင်"

"အင်း... အနီးအစပ်ကမြို့​လေး​တွေသွားလို့ရပါတယ်။ သက်လှယ်ကို ​မောင်​ပြောသားပဲ တခြားနိုင်ငံသွားချင်ရင်ပို့​ပေးပါမယ်လို့"

"ဟင့်အင်း မသွားချင်ဘူး။ ဒီပြန်လာချင်လို့"

"Déjà vu ​​ပေါ့"

​မောင် ပြင်သစ်စကားလုံး​တွေ​ပြောရင် သိပ်နား​ထောင်​ကောင်းတာ။ ပြင်သစ်စကားလုံး​တွေက ကမ္ဘာ့ရိုမန်တစ် အဆန်ဆုံး စကားလုံး​တွေလို့ သတ်မှတ်ပြီးသားဆို​ပေမယ့် ​မောင်​နှုတ်ဖျားကထွက်လာတဲ့ ပြင်သစ်စကားလုံး​တွေကမှ ကျွန်​တော့်ကို ရင်ခုန်​စေတာ။

"အင်း.. ဒီတစ်ခါ​တော့ လူနာကြည့်ဖို့​ရော..စာတမ်းပြုစုဖို့​ရောမလို​တော့ဘူး​လေ"

အရင်တစ်ခါလာတုန်းက ​နေ့လယ်မှာလည်ပတ်ပြီးတာနဲ့ ညဆို ​တော်​တော်နဲ့မအိပ်ရ စာတမ်းအတွက်​ခေါင်း​ခြောက်​အောင် စဥ်းစားရတာ​တွေ မှတ်မိ​သေးသည်။ ​အဲ့တုန်းကဆို ​မောင်က ဟိုတယ်မှာပဲ ​ချက်ပြုတ်ပြင်ဆင်ပြီး ကျွန်​တော့်အတွက်အသင့်ပြင်​ပေးထားရတာ။
ခုထိလည်း အချက်အပြုတ်ကိစ္စ​တွေကို ​မောင်ကိုယ်တိုင်လုပ်​နေဆဲပါ။ ​ကျွန်​တော်က​တော့ အခုဆို ထမင်းအိုးတစ်လုံးစာ ​ဖြောင့်​အောင်တည်တတ်​နေပြီဖြစ်သည်။