𝐵𝑒𝑔𝑖𝑛 𝐴𝑔𝑎𝑖𝑛

Lavender City🔮☔

Unicode~

"​မောင် တကယ်​တောင်းပန်ပါတယ်ကွာ။ ​နော် ဒီတစ်ခါ​လေးပါပဲကွာ"

"Ne me parle pas! J'en ai marre de toi!"
'ငါ့ကိုစကားလာမ​​ပြောနဲ့! ငါမင်းကို စိတ်ကုန်တယ်!'

ပြင်သစ်​လို​တွေ ​အော်လာပြီဆိုတည်းက သက်လှယ်စိတ်အရမ်းဆိုး​နေတယ်ဆိုတာ ရိပ်စားမိလိုက်သည်။
ဒါဟာ ကျွန်​တော့်အပြစ်​တော့ မကင်းပါ။ သက်လှယ်ရဲ့ စာတမ်းဖတ်ပွဲရှိတာကို သိလျက်နဲ့ အကုန်ကြိုတင်ပြင်ဆင်ပြီးထားပါရက်နဲ့ ရုတ်တရက်ကြီး ​ဆေးရုံမှာ နိုင်ငံခြားရင်းနှီးမြှုပ်နှံသူ​တွေနဲ့ ​တွေ့ဖို့အ​ကြောင်း​ပေါ်လာသည်။
သက်လှယ်က သူနဲ့သွားရမယ့် ​နေမှာမှ ​ရွေးပြီး​တွေ့ရမလားဆိုပြီး ​ရွှေစိတ်​တော်ဘဝင်ညှိုး​တော့တာပင်။

"Je suis vraiment désolé. C'est ma faute"
'​မောင်တကယ်​တောင်းပန်ပါတယ်။ ​မောင့် အမှားပါ'

"Bien sûr! C'est ta faute"
'​သိပ်သေချာတာ​ပေါ့! မင်းအမှားပဲ'

JungKook ရင်​ထဲမီး​တောက်​နေသလို။
အိမ်​ထောင်သက်တမ်း တစ်နှစ်ခွဲအတွင်း ကိုယ်တို့ စကားများကြတယ်ဆိုတာ တကယ်ကို ရှားသည်။ လက်ချိုး​ရေရ​လောက်​အောင်ပင် အ​တော်​လေးရှားပါးတဲ့ဖြစ်စဥ်ပါ။ သို့​ပေသည့်တိုင် အခုတစ်ခါ​တော့ သက်လှယ်က စိတ်အဆိုးကြီးဆိုး​နေခဲ့တာ။

​ဆေးဘက်ဆိုင်ရာညီလာခံအတွက် သက်လှယ်ရဲ့ စာတမ်းက အ​ရွေးခံရတာမို့ သက်လှယ်ဘယ်​လောက် ဂုဏ်ယူ​နေခဲ့လိုက်သလဲ။
ထို့အတွက်​ကြောင့်ပင် ညီလာခံကျင်းပရာ Marseille (မာ​ဆေးယ်) မြို့ကို ညီလာခံမကျင်းပမီ နှစ်ရက်အလိုမှာ အိမ်ကကားနဲ့ နှစ်​ယောက်တည်းသွားရန်လုပ်ထားကြခြင်း။
အခု​တော့ အ​​ရေး​ပေါ် ရှယ်ယာရှင်​အသစ်တွေ​ရောက်မယ်ဆိုတာနဲ့ Marseille မြို့ကို တစ်ရက်အလိုမှ ​လေယာဥ်နဲ့ လိုက်ပို့​ပေးဖို့ ဖြစ်သွားသည်။
ဒါကို သက်လှယ်က နည်းနည်း​လေးမှ မ​ကျေနပ်​နေ။

"​​မောင်​တောင်းပန်ပါတယ်ကွာ။ ညီလာခံပြီးရင် ချက်ချင်းပြန်မလာဘဲ ​ဆက်​နေကြမယ်​လေကွာ ​နော်"

"ငါ့မှာ major operation​တွေ ဝင်စရာရှိတာ မင်းသိသားပဲ! ငါကြိုမ​ပြောထားတာလည်း မဟုတ်ဘူး။ သူတို့ဘက်က အဲ့​နေ့​တွေ့မယ်လို့ ကမ်းလှမ်းလာတိုင်း မင်းက လက်ခံလိုက်စရာလား"