𝐵𝑒𝑔𝑖𝑛 𝐴𝑔𝑎𝑖𝑛

Part 15

Unicode~

"​မောင် ​ဖြေရှင်းမယ်ဆိုတာ သူ့ကို ပိုက်ဆံ​ပေးဖို့လား။ ငါလက်မခံနိုင်ဘူး။ သူက ကတိတည်တဲ့လူမဟုတ်ဘူး။ ပြီး​​တော့ အဲ့ပိုက်ဆံ​တွေက ​လောင်းကစားလုပ်ပြီးကုန်တာ"

သာမန်လူတစ်​ယောက်ဟာ ထိုမျှ​သော ​ငွေ​တွေမလိုအပ်နိုင်တာကို JungKook သိပြီးဖြစ်သည်။ သို့​သော် သက်လှယ်​ရှေ့ထပ်မ​ပေါ်လာ​စေချင်။ တရားစွဲဖို့ကျပြန်​တော့လည်း ရုံးကနား​ရောက်တယ်ဆို​တာ ​ကောင်း​သော အရာမှမဟုတ်တာ။
သက်လှယ်​ပြောသလို သိန်း၅၀၀၀နဲ့တင် မပြီးရင်လည်း ခက်ရ​ချေဦးမည်။

"ငါ​လုပ်လိုက်မယ်။ သူ့ဖုန်းနံပါတ်​ပေး"

"မဟုတ်တာ။ ​မောင်သူနဲ့ သက်လှယ်ကို အ​တွေ့မခံဘူး"

​မောင်က အ​လျှော့​ပေးမယ့်ပုံမရှိတာ​ကြောင့် TaeHyung သက်ပြင်းသာ ချမိသည်။ ​​မောင်သာ ပိုက်ဆံ​ပေးမယ်ဆို ​သေချာ​ပေါက် ​မောင့်​ဖေ​ဖေဆီကယူရမှာပဲ။ မ​တော်ရ​သေးတဲ့ ​ယောက္ခထီးက အမြင်မကြည်မှာကို မလိုလား။
သူ့လို တစ်​ကောင်ကြွက်ကို သားအရင်းလို သ​ဘောထား​ပေး​နေတာ​တောင် ​ကျေးဇူး​တွေက များလှပြီမို့။

"ငါ ​မောင့်​ဖေ​ဖေငြိုငြင်မှာ မခံနိုင်ဘူး"

"ဘယ်သူက ငြိုငြင်မယ်​ပြောတုန်း။ ​သက်လှယ် အဲ့ကိစ္စ စိတ်ပူစရာမလိုဘူး။ သက်လှယ်မ​ပေး​စေချင်ရင် သူ့ကို တရားစွဲဖို့ပဲ လုပ်လိုက်မယ်"

​မောင်တို့က ပါရီမှာ ​ဆွေဂုဏ်မျိုးဂုဏ်ရှိသူ​တွေ။ မိမိ​ကြောင့် ရုံး​တွေကနား​တွေ​ရောက်ရမယ်ဆို​တော့ အားနာတာထက်ပိုပါသည်။ ထိုနည်းလမ်းအပြင်လည်း ​ကောင်းတာမရှိ​တော့။
ထို့လူ့ကို တိတ်တိတ်ဆိတ်ဆိတ်ပိတ်​လှောင်ပြီး ​ဆေးထိုးသတ်ရမလားလို့ပင် ​တွေးမိ​တော့သည်။
ဆရာ၀န်တစ်​ယောက်အ​နေနှင့် ထို​ဆေးကို ခုလို မ​ကောင်းတဲ့ ရည်ရွယ်ချက်ဖြင့် အသုံးမချသင့်​သော်လည်း လီဂျယ်အွန်းကို​တော့ဖြင့် ​ပျောက်ကွယ်​စေချင်ပြီ။

လီဂျယ်အွန်းနဲ့ ဘာ​ရေစက်မှန်းမသိ​ပေမယ့် စတည်းက ​ကောင်းတဲ့​ရေစက်မဟုတ်ခဲ့ပါ။
တွဲခဲ့တဲ့ကြာချိန်​တွေကို ငဲ့ကွက်ပြီး မိမိဘက်က အနစ်နာခံခဲ့​သော်လည်း ထိုလူက လိုသုံးလိုသာ သ​ဘောထားသည်။
အဆိုးဆုံးက မိမိပုံစံအတိုင်း ​နေ၍မရခဲ့ခြင်း။
မိမိငိုရင်ငိုလို့ ရယ်ရင်ရယ်လို့ အမြဲမ​ကောင်း​ပြော​နေတတ်သူ။
ဘယ်သူနဲ့ယှဥ်ယှဥ် ကျွန်​တော့်ကို မယုံသူ။
ဒီလူကို ဘယ်လိုစိတ်နဲ့ သုံးနှစ်တွဲခဲ့လဲ ​တွေး၍ပင်မရ​တော့။