Unicode
" ဘာကိစ္စရှိလို့လဲ ယမင်း...''
ဒီမနက်ကျောင်းလာတော့ ယမင်းမေက ဆောင်းမင်းည အတန်းရှေ့လာသည်။ဆောင်းမင်းည အတတ်နိုင်ဆုံးသူမနဲ့မပက်သက်ချင်တော့ပေမယ့် သူမနဲ့ရှင်းစရာကိစ္စကလည်းရှိနေသေးပြန်သည်။စိတ်လည်းအရမ်းညစ်ဖို့ကောင်းသည်။ယမင်းမေကြောင့် နေဝန်းနီစိတ်ဆင်းရဲခဲ့ရတာကိုတွေးမိလျှင် ဆောင်းမင်းညထူပူလာပြီး မျက်စိရှေ့မှ မိန်းကလေးကိုပစ်ပစ်ခါခါပြောလိုက်မိချင်သည်။သို့ပေမယ့်လည်း ဒီကိစ္စကြောင့်သာ သူနဲ့နေဝန်းနီရဲ့ကြားမှာ ပြောင်းလဲမှုတွေဖြစ်လာရတာ...။
နေဝန်းနီကအတန်းပိုင်ဆရာမခေါ်သဖြင့် ခဏသွားသောကြောင့် ဆောင်းမင်းညတစ်ယောက်သာ အတန်းမှာကျန်နေခဲ့သည်။ကျန်တဲ့ကျောင်းသားတွေကလည်းကိုယ့်အာရုံနှင့်ကိုယ်မို့ သူတို့ကိုဂရုမစိုက်မိကြပါ။
" ငါနင့်ဆီက စာအုပ်လာငှားတာ...''
အချိုသာဆုံးအပြုံးဖြင့်ယမင်းမေက သူ့ကိုပြုံးပြနေသည်။ချောလှသည့်သူမရဲ့ရုပ်ရည်ကဆောင်းမင်းညမျက်လုံးထဲတွင်တော့ ဘယ်လိုမှမတိုးပေါက်နိုင်။
ဆောင်းမင်းည သူမကိုတစ်ချက်ပြုံးပြလိုက်တော့ ဝမ်းသာသွားဟန်ရှိသည့်သူမ...။
" ရတာပေါ့...''
တောက်ပသွားသော သူမမျက်နှာကို သေချာစိုက်ကြည့်လိုက်ပြီး...
"သဘောရိုးနဲ့ စိတ်သန့်သန့်ဆိုရင်လေ...''
" ဘာ...ဘာကိုပြောချင်တာလဲ...ဆောင်းမင်းည''
သူသက်ပြင်းတစ်ချက်ချလိုက်ကာ...
" မိန်းကလေးတစ်ယောက်ကို ငါဒီလိုမပြောသင့်ဘူးထင်တယ်။ ဒါပေမယ့် အခုတော့ငါပြောပါရစေ...။ ဟိုတစ်နေ့က နင်ငါ့စာအုပ်ထဲကိုစာရေးလိုက်တာ...အဲ့လိုမျိုးနောက်မလုပ်ပါနဲ့...။ ငါအနူးအညွတ်တောင်းဆိုတာပါ။''
"ဆောင်းမင်းညရယ်။ အဲ့ဒါငါပေါ့ပျက်ပျက်သဘောနဲ့ ရေးလိုက်တာ မဟုတ်ပါဘူးဟာ...။ ငါ...ငါနင့်ကိုတကယ်ချစ်တာပါ။''
ယမင်းမေက ပြောရင်းဆိုရင်း သူ့လက်ကိုလာကိုင်ကာ ငိုတော့မလိုဖြစ်တော့ ဆောင်းမင်းညက ရုန်းလိုက်ရင်း....
YOU ARE READING
YOU,My Sun,My Love
Romanceထပ်ခါထပ်ခါရွေးချယ်ခိုင်းလည်း မင်းတစ်ယောက်ထဲကိုပဲ ရွေးချယ်မိမှာ။ ထပ္ခါထပ္ခါေ႐ြးခ်ယ္ခိုင္းလည္း မင္းတစ္ေယာက္ထဲကိုပဲ ေ႐ြးခ်ယ္မိမွာ။
