Unicode
''အဆင်ရောပြေပါ့မလားမသိဘူးကိုရေ...ကလေးကမေ့ကို နားလည်လောက်မှာပါနော်''
စိုးရိမ်ရိပ်စွက်နေသော ဒေါ်မေခတ္တာရဲ့လက်တစ်ဖက်အား ဦးရဲသွေးကခပ်ဖွဖွဆုပ်ကိုင်လိုက်သည်။
''ပြေမှာပါမေရယ်။ကိုယ်စုံစမ်းထားရသလောက်တော့ ဆောင်းမင်းညကအရမ်းလိမ္မာတဲ့ကလေး...။ပြီးတော့ အခုသူ့ကိုစောင့်ရှောက်ထားတဲ့အိမ်ကလင်မယားနှစ်ယောက်ကလည်း အေးအေးချမ်းချမ်းနဲ့ရိုးရိုးသားသားလုပ်ကိုင်စားသောက်နေတဲ့သူတွေပဲ။သူတို့ရဲ့သားနေဝန်းနီဆိုတဲ့ကောင်လေးကလည်း မေ့တူလေးကိုအရမ်းဂရုစိုက်တယ်တဲ့''
သူမရဲ့တူလေး လူကောင်းတွေနဲ့တွေ့နေလို့တော်သေးသည်။မဟုတ်ရင် အမေကလည်းမရှိတော့၊အဖေကလည်းပစ်သွားသည့်အခြေအနေတွင် အားကိုးရာများရှိပါ့မလား။
''သား...မင်းလည်းဆောင်းမင်းညနဲ့တွေ့ရင်အဆင်ပြေအောင်နေနော်''
ဦးရဲသွေးက နောက်ခန်းမှမော်ကွန်းကိုလှည့်ပြောတော့ မော်ကွန်းကလည်းပြုံးကာ...
''နေမှာပေါ့ဒယ်ဒီကလည်း။ဘာလဲ သားကမြန်မာကားတွေထဲကလိုမျိုး ငါနဲ့တန်းတူလူတစ်ယောက်ရောက်လာပြီဆိုပြီးဒေါသထွက်ရမှာလား''
မော်ကွန်းစကားကြောင့် ကားမောင်းနေသော ဦးရဲသွေးအပြင် ဘေးကဒေါ်မေခတ္တာကပါ ရယ်လာခဲ့သည်။ငယ်ငယ်ထဲကအခုလိုစကားတတ်လွန်းသည့်မော်ကွန်းလေးအား ချစ်ခဲ့ကြသည်မဟုတ်လား။
''သြော်...ဒါနဲ့ကိုယ်ပြောရဦးမယ်။စိုင်းကလည်း ဟိုမှာအဆင်ပြေနေတယ်တဲ့။သူ့သူငယ်ချင်းမြူလင်းမောင်နဲ့လည်းတော်တော်အတွဲညီတယ်ပြောရမယ်...နှစ်ယောက်တွေ့မှလုပ်ငန်းတွေပိုသွက်လာတယ်''
စိုင်းအကြောင်းကြားမိတာနဲ့ မော်ကွန်းမျက်နှာကရုတ်တရက်တော့ဖြူလျော့သွားပေမယ့် ပြန်လည်ပြုံးမိသည်။ဒေါ်မေခတ္တာလည်းသတိထားမိတာကြောင့် အကြောင်းမသိသောခင်ပွန်းဖြစ်သူအား...
''အကိုကလည်း ဘာကိုအတွဲညီတာလဲ။စိုင်းတို့ကရိုးရိုးသားသားခင်တာ''
''အယ်...မေကလည်း။မြူလင်းမောင်ကဖွင့်ပြောထားတဲ့သူပဲကို။ဘယ်လိုလုပ်ရိုးရိုးသားသား''
BINABASA MO ANG
YOU,My Sun,My Love
Romanceထပ်ခါထပ်ခါရွေးချယ်ခိုင်းလည်း မင်းတစ်ယောက်ထဲကိုပဲ ရွေးချယ်မိမှာ။ ထပ္ခါထပ္ခါေ႐ြးခ်ယ္ခိုင္းလည္း မင္းတစ္ေယာက္ထဲကိုပဲ ေ႐ြးခ်ယ္မိမွာ။
