Kill Love (5)
ဒီဇင်ဘာညနေခင်းလေး တစ်ခုဟာ
ဆောင်းအငွေ့အသက်အေးအေးလေးနဲ့
ချမ်းစိမ့်လှပါသည်။
အနီရောင်နှစ်ထပ်တိုက်ကြီးရှိတဲ့
ခြံကျယ်ကြီးထဲမှာ Dinner table လေး
တစ်လုံးရယ် လူ၃ယောက်ရယ်နဲ့
အစားအစာစုံလင်စွာဖြင့် တည်ခင်းထား၏။
အနားနားတွင် ကွန်ကရစ်ဖြင့်လုပ်ထားသည့်
မီးပုံမီးဖိုလေးတစ်ခုရှိလေ၏။
တိတ်ဆိတ်နေတဲ့ထိုထမင်းဝိုင်းထဲမှာ
ဟူတီအဖြူရောင်နဲ့ အတ္တကို
စိုက်ကြည့်နေတဲ့ အရာရယ် ၊
အတ္တ တစ်လှည့် ၊ အရာတစ်အလှည့်ကြည့်ပြီး အခြေအနေကိုအကဲခတ်နေတဲ့ မေ ရယ်။
အေးစက်နေတဲ့ ဒီဇင်ဘာမှာ
အေးစက်နေတဲ့လေထုကြောင့်
မေ အနေခက်လှ၏။
ထိုတိတ်ဆိတ်နေသည့် Dinner ဝိုင်းကို
မေ စတင်ပြီးဖြိုခွဲလိုက်သည်။
" အဟမ်း... အရာ ငါတို့စားရအောင်လေ
အေးတယ် ပြီးရင်အထဲဝင်ရအောင်လေ "
အတ္တက မေကို တစ်ချက်လှည့်ကြည့်တယ် ၊
ပြီးနောက် မေဝတ်ထားသည့် စကတ်တိုကို
တစ်ချက်ကြည့်တယ် ၊ ပြီးနောက်မှာ
" မေ အေးမှာပေါ့ ဒီမှာဆောင်းက
အရမ်းအေးတာလေ နောက်ဆို
အတိုတွေမဝတ်ပါနဲ့ "
စကားဆုံးတော့ ပန်ကန်ပြားထဲက
အသားကိုလှီးကာအတ္တ အေးစက်စွာပင်
တစ်လုတ်ထည့်စားလိုက်သည်။
နောက်ထပ်အသားတုံးတစ်တုံးလှီးဖို့
ကြံလိုက်အချိန်မှာပင်
ဓားကိုင်ထားတဲ့ လက် ရပ်တန့်သွားပြီး
ရွေ့လျားနေတဲ့အရာဆီ အတ္တအကြည့်များ
စူးစူးစိုက်စိုက်ရောက်ရှိသွားတော့သည်။
" မေ ရော့ ငါအနွေးထည်လေးခြုံထား
နေမကောင်းဖြစ်နေမယ် "
" ရပါတယ် မေ အဆင်ပြေပါတယ် "
" ဘာမှမရဘူး နှင်းတွေတောင်ကျနေပြီး
နင်မမြင်ဘူးလား ခြံဆိုခြုံထားလိုက် မေ "
အရာ၏ အမ်ိန့်ဆန်သောစကားကြောင့်
မေလည်းအရာ့အနွေးထည်ကို ခြုံလိုက်ရသည်။
အရာ ကတော့အေးဆေးစွာပင်နေရာတွင်
ပြန်ထိုင်ကာ အသားကိုအေးဆေးစားနေ၏။
အတ္တမှာတော့ အမည်မဖော်နိုင်သော
မဟုတ်ဘူး အမည်ဖော်ခွင့်မရှိသော
သဝန်တိုစိတ် နဲ့ ဒေါသစိတ်အနည်းငယ်
အပါအဝင် ဝမ်းနည်းစိတ်လည်းထပ်တူ
ပေါ်ပေါက်လာခဲ့သည်။
YOU ARE READING
Kill Love (ongoing) U+Z
Fantasy[BL Myanmar] ငါ့ကိုမင်းကြိုက်သလောက်ချုပ်နှောင်ပါ အရာ မင်းရင်ထဲကအငြှိုးတွေပြယ်မယ်ဆို ငါကျေကျေနပ်နပ်ကြီး အချုပ်နှောင်ခံပါ့မယ်။ ( အတ္တတံခွန်) မင်းနှုတ်ကနေ နေ့တိုင်းချစ်တယ် လို့ ပြောနေတာတောင် ငါ့အတွက်မဟုတ်ဘူးလို့ ငါခံစားနေရတုန်းပဲ အတ္တ ( စေညွှန်ရာ) U...
