- زين..
- نعم يا حبيبتي.
نغم خرجت ورا زين بسرعة لما قام؛ عشان عايزة تتكلم معاه في حوار السرعة ده.
- تؤ..
- ايه !!.. مش هبطل أقولها، أنتِ حبيبتي، وهتفضلي حبيبتي، تعاملي مع الأمر الواقع بقى يا حضرة الظابط.
- مش واخد بالك إنك ممشي كل حاجة بسرعة زيادة.
- هي فين السرعة دي ؟!، أنتِ محتاجة وقت تعرفيني مثلًا ؟!، أنا محتاج وقت أجهز فيه نفسي ؟!، لا.. حرام عليكي بقى ده ثائر حس بيا وأنتِ لسه.
أبتسمت نغم ووديت وشها الناحية التانية.
- ايه ايه ده ؟!، الشمس طلعت ولا ايه !!
- يا رخم.
- عايزة ايه طيب ؟، خلينا نخلص ونسافر يا بنتي بقى.
- ماشي.
- طب ها، هننزل امتى نجيب الفستان والبدلة ؟
- ننزل ؟!، مين ننزل ؟!
- أنا وأنتِ.
- وأنت فاكر إنك هتنزل معايا ولا ايه ؟!، أنا هنزل مع إيمي وسهى، وهاخد معايا دهب، وأنت تنزل مع ثيو وياسر، وتاخد معاك أنس.
زين أستغرب شوية، وفضل باصص لنغم وهو ساكت.
- وأنتِ عرفتي عن دهب وأنس منين ؟!
- ما أنت مش ظابط لوحدك، أنت كنت بتدور معايا على أخويا، وأنا عرفت كل حاجة عن أخواتك برده يا حضرة الظابط.
- ثائر عنده حق أنتِ شقية ولسه هتتعبيني أكتر.
☆~☆~☆~☆~☆~☆~☆~☆~☆~☆~☆
عدى الأسبوع في فرح وتجهيزات الفرح، والبنات جابوا الفساتين، والولاد اشتروا البدل، واتصاحبت نغم على دهب، وأتعرفت على والد ووالدة زين، وعلى أنس طبعًا، وحبيتهم جدًا.
البنات اشتروا فساتين هادية، والولاد اشتروا بدل أنيقة، والحفلة كانت بسيطة جدًا، تمت في وجود أهل نغم، وأهل زين، وأصحابهم ياسر وسهى وسليم، وإيمي طبعًا أخت العروسة؛ فـ أكيد موجودة معاها من بدري.
الحفلة كانت أقرب لجلسة عائلية جميلة، كتب الكتاب تم، وطبعًا صبري كان هو الشاهد اللي على العقد من ناحية العروسة، وبعد كتب الكتاب قعدوا شوية سوا يهزروا ويفرحوا، وبعدها خطف الشاطر حسن ست الحسن والجمال، وطار بيها على حصانه لمكان بعيد لوحدهم.. أو.. هو ده اللي توقعه الكل.. ماعدا.. ثائر طبعًا.
كان ثائر الوحيد اللي عارف إنهم خرجوا من الڤيلا على مركز التدريب، وإن شنطة هدوم نغم اللي جهزت، كانت في عربية زين آه؛ بس مراحتش على البيت خالص، ببساطة لإنهم مش رايحين على البيت، ومش عارفين حتى هيروحوا البيت ده امتى ؟!، امتى هيكونوا سوا في بيتهم ؟!، سواء في الڤيلا بتاعتهم، أو عند أهله.. كل ده بيتوقف على خط سير المهمة، واللي لسه معرفوش هي ايه ؟!، أو هتكون فين ؟!
☆~☆~☆~☆~☆~☆~☆~☆~☆~☆~☆
وصلوا مركز التدريب، وبعد الإجراءات الأمنية الروتينية، هما دلوقتي واقفين قدام القائد اللي هيكون مسئول عن تدريبهم، واقفين تمام وإيدهم ورا ضهرهم.
أنت تقرأ
رحلة الأخذ بالثأر
Боевикكانت فتاة ناعمة تعشق الموسيقى، مدللة أبيها، وطفلة أخيها، مجرد فتاة هادئة، تملك من الأمان ثلاثة جواهر، حتى فقدت إحداها يومًا، وحينها.... تحولت النعومة إلى القسوة، واختفى الدلال والطفولة، أصبح الهدوء جمر من نار ينتظر الأمر للانفجار، قررت ترك كل ما تمث...
