سافرت نغم وسهى مع الفرقة لسينا، كانوا بيتدربوا الصبح مع الفرقة، وبالليل كانت نغم بتدرب سهى شوية في مكان لوحدهم بعيد عن العيون، وبعدها كانت نغم بتتمشى لوحدها، عايزة تحفظ كل شبر في سينا؛ عشان مهمتها هتبدأ من سينا، ما هي لازم تبدأ من نقطة النهاية؛ عشان تعرف توصل للي هي عايزاه.
+☆~☆~☆~☆~☆~☆~☆~☆~☆~☆~☆
وعدى ٦ شهور كمان....
في الوقت ده كانت نغم، بتدور على كل فرقة وأي فرقة عشان تشترك فيها، كانت عاملة زي الـ robot، دخلت سباق مع نفسها ومع الوقت.
أما سهى؛ فـ كانت تلميذة نجيبة، وكانت بتتقدم فعلًا، خطوة بخطوة مع إرشادات نغم، وبقت أحسن بكتير؛ وعشان كدة نغم قررت إن جه دور النُص التاني من الإتفاق، وقررت إنهم هيسهروا سوا برا بالليل، وكأنها حفلة خاصة، هي وسهى، وزين وياسر، وكمان هيجي ثائر وإيمان معاهم.
ياسر كان ملاحظ تغيير على سهى ونغم، والترابط اللي حصل بينهم في الشهور اللي فاتت؛ بس ساكت، مش شايف إنها حاجة مُريبة عشان يتكلم، عادي يعني.
زين بقى كان بينفذ تعليمات سليم بالحرف الواحد، وبيحاول في كل لحظة يخلي نغم تغيِّر، وكان بيتقرب من سهى عشان بس يخلي نغم تغيِّر، وطول الوقت ده كان بيقلل احتكاكه بنغم؛ عشان تاخد بالها؛ بس الحقيقة إنه جه له إحباط، وفكر في إنه كان غلطان، وإنها مش بتحبه، وإنه ولا في دماغها أصلًا؛ لإنها معملتش أي reaction خالص طول الفترة دي.
أما ثائر؛ فـ طبعًا وأكيد هيتجنن طول الفترة دي، وهو مش عارف يرجع نغم زي ما كانت، مش عارف يخليها تنفجر وتفتح الصندوق، once and for all، وطبعًا إيمان كانت معاه، وزيه بالظبط.
فارس قلقان على نغم؛ بس مش عارف يتصرف، وخايف؛ لإنه بقى حاد معاها أغلب الوقت من بعد اللي حصل لـ ياسين، مش لأنه بقى بيكرهها؛ لكن لإنه بقى بيخاف عليها جدًا، وأكتر من الأول بكتير، وندى كمان كان صعبان عليها نغم، وبتحاول تخرجها من اللي هي فيه؛ بس مش عارفة ازاي ؟!
مهاب كل يوم بينأنب نفسه؛ لإن هو السبب في اللي حصل لنغم، وليلى بتطمنه، إن ربنا مش بيعمل حاجة وحشة، وأكيد اللي حصل ده كان له سبب.
صبري كمان قلقان على بنوته الصغيرة؛ بس هو بدأ يتصرف بشكل عملي، قرر يساعد نغم في بحثها، يمكن يلاقي حاجة تخليها تخرج من الـ corner اللي حبست نفسها فيه.
☆~☆~☆~☆~☆~☆~☆~☆~☆~☆~☆
في الوحدة
كانت نغم وسهى بيتناقشوا ايه المكان اللي هيروحوه.
- ايه رأيك نروح الملاهي ؟
- الملاهي !!، الملاهي يا سهى !!، احنا عايزين نظهر البنوتة اللي جواكي، مش الطفلة.. ركزي.
- طب.. اومال هنروح فين ؟!
- هنروح كاريوكي، هنقول لهم إن السنة دي كانت متعبة أوي؛ فـ هنروح كاريوكي عشان نقضي وقت لطيف، وبعدها نتعشى سوا في مكان هادي، والأهم من كل ده هو إنك تكوني أنتِ، اتصرفي علي طبيعتك، ومتتصنعيش يا سهى، خليهم يشوفوا ده.
أنت تقرأ
رحلة الأخذ بالثأر
Acciónكانت فتاة ناعمة تعشق الموسيقى، مدللة أبيها، وطفلة أخيها، مجرد فتاة هادئة، تملك من الأمان ثلاثة جواهر، حتى فقدت إحداها يومًا، وحينها.... تحولت النعومة إلى القسوة، واختفى الدلال والطفولة، أصبح الهدوء جمر من نار ينتظر الأمر للانفجار، قررت ترك كل ما تمث...
