တစ်လခန့်ကြာသော်
"တီးတောင်…တီးတောင်"
ဒေါ်မြနှင်းသွယ်ဟင်းချက်နေတုန်းတံခါးဘဲလ်သံကြောင့်အပေါ်ထပ်၌အဝတ်အစားလဲနေသည့်လရောင်အား
"ယုန်ပေါက်လေးရေ…ထုံးစံအတိုင်းသားကိုကိုရောက်နေပြီထင်တယ်…အောက်ဆင်းလာခဲ့တော့"
အမေဖြစ်သူခေါ်သံကြောင့်လရောင်အောက်ထပ်သို့ပြေးဆင်း၍တံခါးသွားဖွင့်လိုက်သည်။
"ခဏလေးကိုကို…လွယ်အိတ်သွားယူလိုက်အုံးမယ်"
"အင်း"လရောင်လွယ်အိတ်သွားယူနေတုန်းလွှမ်းထက်ဒေါ်မြနှင်းသွယ်ရှိရာမီးဖိုချောင်အခန်းထဲသို့သွားလိုက်သောအခါ
"အန်တီဘာဟင်းတွေချက်နေတာလဲ…အနံ့တွေကမွှေးနေတာပဲ"
"ဒီနေ့တော့ပုစွန်ထုပ်ဆီပြန်ဟင်း…ကမွန်းချဥ်ရွက်ဟင်းချိုနဲ့ပြောင်းဖူးအချိုကြော်တယ်…သားညီလေးကပုစွန်ထုပ်ဟင်းစားချင်တယ်ပူဆာလို့လေ"
"ဟားဟား…ဟင်းတွေကတော့ရှယ်ပဲ…သားတောင်ဗိုက်ဆာလာပြီ"
"ဒါဆိုနေ့လည်ကျောင်းဆင်းရင်သားပါယုန်ပေါက်လေးနဲ့အတူထမင်းဒီမှာစားလိုက်လေ…အန်တီသားမေမေကိုဖုန်းဆက်လိုက်မယ်လေ"
"ရပါတယ်အန်တီ…သားနောက်တစ်ခါမှပဲလာစားပါတော့မယ်"
"အန်တီတို့ကိုအားမနာနဲ့သား…ဒီအိမ်ကိုသားအိမ်လို့ပဲသဘောထားနေ"
"ဟုတ်ကဲ့အန်တီ"ထိုအချိန်
"အဟွန်း…ဒီစကားဝိုင်းမှာဘာတွေပြောနေလို့
ဒီလောက်ပြုံးရွှင်နေကြတာလဲ…မသိရင်သားအမိတွေကြနေတာပဲ…မေမေ့သားအရင်းကဒီမှာပါနော်"ဟူ၍လရောင်တစ်ယောက်သူမေမေကိုဖက်ပြီးချွဲနေလေရဲ့။လရောင်ကိုကြည့်ပြီးလွှမ်းထက်ကတော့'အချွဲလေး'ဟုတွေး၍ခေါင်းသာခါနေလေသည်။
"လာ…ငါတို့ကျောင်းသွားရအောင်"
"ဟုတ်…သားတို့သွားတော့မယ်နော်မေကြီး"
"အေးအေး…ဂရုစိုက်သွားနော်"
"ဟုတ်ကဲ့"ဟုပြောပြီးနှစ်ယောက်သားအိမ်ရှေ့ရှိစက်ဘီးရပ်ထားရာနေရာသို့သွားလိုက်သည်။ပြီးနောက်လွှမ်းထက်ကစက်ဘီးပေါ်ခွပြီးအနောက်ခုံ၌လရောင်ကိုတက်ထိုင်ခိုင်းသည်။လရောင်တစ်ယောက်စက်ဘီးပေါ်ရောက်သည်လွှမ်းထက်ခါးကိုသူ့ရဲ့လက်သေးသေးတွေနဲ့ဖက်တွယ်ထားလိုက်သည်။အရင်တစ်ခေါက်ကစက်ဘီးမှောက်မလို
ဖြစ်ကတည်းကလရောင်ကစက်ဘီးပေါ်တက်ထိုင်တိုင်းသူ့ရဲ့ခါးကိုဖက်သည့်အကျင့်ကစွဲနေပြီဖြစ်သည်…ယခုတော့လုပ်နေကြအပြုအမူအတိုင်းဖြစ်ကာလွှမ်းထက်လဲဘာမှမပြောတော့ပေ။လွမ်းထက်စက်ဘီးစီးသောအခါတစ်ခါတစ်ခါသူရဲ့ခါးကိုဖက်ထားသည့်လက်လေးတွေကပိုတင်းကျပ်လာပြီးထိုကောင်လေးရဲ့ပါးဖောင်းဖောင်းလေးတွေကသူ့ရဲကျောပြင်ကျယ်ကြီးကိုလာလာထိနေသဖြင့်အသက်ရှူနှုန်းများပါမြန်လာရသည်။ကျောင်းရောက်တော့
YOU ARE READING
Wish or Fate
Teen Fictionနေ့တစ်နေ့ရဲ့အစဟာ လမင်းကြီးနဲ့စပြီး... အဆုံးမှာလဲ လမင်းကြီးနဲ့ကုန်ဆုံးစေသလို... အချစ်ရဲ့နိဒါန်းမှာ သူ့နဲ့သာကိုယ့်အချစ်တို့နိုးထစေပြီး နိဂုံး မှာလဲ သူ့ကိုသာကိုယ့်အချစ်တို့နဲ့လှပသောနိဂုံးဖြစ်စေချင်တယ်...
