ဇိုင်းရေချိုးခန်းကထွက်ထွက်ချင်းအိပ်ယာပေါ်၌စူစူပုတ်ပုတ်နှင့်ထိုင်ကာသူ့ကိုစိုက်ကြည့်နေသောဘုန်းကြောင့်ဇိုင်း ဘုန်းရဲ့အရိပ်အခြည်ကိုကြည့်နေရသည်။
'ဆိုင်ကပြန်လာတုန်းကအထိပြုံးရွှင်နေတာပါ…အခုကျမှဘာကိုစိတ်ကောက်ပြီးစူပုတ်နေတာလဲမသိဘူး'ဇိုင်းအင်္ကျီကောက်ဝတ်ပြီးဘုန်းအနားကိုသွားထိုင်ကာတိတ်ဆိတ်မှုကိုဖြိုခွင်း၍
"အဟမ်း…ညီနဲ့ညနေတုန်းကအင်္ကျီကတော်တော်လိုက်တယ်"
"တကယ်လား😃😃…"ဘုန်း ဇိုင်းပြောတဲ့စကားကြောင့်ပျော်သွားသော်လဲမျက်နှာကိုပြန်ထိန်းကာ
"အင်း"😒😒
ဇိုင်း ဘုန်းရဲ့အပြုအမူတွေကိုကြည့်ရင်းဖြင့်ဘုန်း သူ့ကိုသေချာပေါက်စိတ်ကောက်နေတာကိုသိလိုက်သည်။
"ညီ့ကိုမာမီကတော်တော်ချစ်နေတာ…ညီအဝတ်စားလဲနေတုန်းကဆိုညီ့အကြောင်းတွေကိုပဲဆက်တိုက်မေးနေတာ"
"အင်း"
"တအင်းထဲအင်းနေတာ ညီ ကျွန်တော်ကိုဘာတွေစိတ်ကောက်နေတာလဲ…ကျွန်တော်ဘာအမှားများလုပ်ထားလို့လဲ"
"ဘာမှမရှိပါဘူး"
"ဒါဆိုဘာလို့ကျွန်တော့်ကိုစိတ်ကောက်နေတာလဲ"
"ဟားးးငါကဘာကိုစိတ်ကောက်ရမှာလဲ…ကလေးမဟုတ်သူငယ်မဟုတ်"
"ဒါဆိုဘာလို့စူပုတ်နေတာလဲ"
"ဘယ်သူကစူပုတ်နေလို့လဲ"
"ညီလေ…ခုနတုန်းကအထိပျော်နေပြီးတော့အခုကျတော့စူပုတ်နေတာ…ဘာလဲ…မာမီကတစ်ခုခုစိတ်ညစ်စရာများပြောလိုက်လို့လား"
"မပြောလိုက်ဘူး"
"ဒါဆိုဘာလို့စူပုတ်နေတာလဲ…ကျွန်တော့် ကိုပြောလေ…မဟုတ်ရင်ကျွန်တော်တစ်ညလုံးလိုက်မေးနေမှာ"
"………"
"ညီ…ပြောလေ"
"မာမီ့ရှေ့မှာငါ့ကိုဘာလို့မင်းချစ်သူလို့ပြောလိုက်တာလဲ"
"အော်…အဲ့ကိစ္စကိုစိတ်ကောက်နေတာလား"
"မဟုတ်ဘူး…ငါစိတ်မကောက်ဘူး…မင်းဘာလို့
မာမီ့ကိုလိမ်ပြောလိုက်တာလဲ…အရင်ကတည်းကလိမ်တာမကောင်းဘူးလို့ငါ မင်းကိုပြောထားတယ်လေ…ဟင့်"
စကားပြောနေရင်းဘုန်းရဲ့အသံကတဖြည်းဖြည်းငိုသံဘက်ကိုပါလာလေသည်။
YOU ARE READING
Wish or Fate
Teen Fictionနေ့တစ်နေ့ရဲ့အစဟာ လမင်းကြီးနဲ့စပြီး... အဆုံးမှာလဲ လမင်းကြီးနဲ့ကုန်ဆုံးစေသလို... အချစ်ရဲ့နိဒါန်းမှာ သူ့နဲ့သာကိုယ့်အချစ်တို့နိုးထစေပြီး နိဂုံး မှာလဲ သူ့ကိုသာကိုယ့်အချစ်တို့နဲ့လှပသောနိဂုံးဖြစ်စေချင်တယ်...
