Jeon Jungkook နဲ့ အမှတ်မထင် တွေ့ခဲ့ပြီး အိမ်ကိုရောက်တော့ Taehyung လက်တွေက ခါတိုင်းထက် အေးစက်နေခဲ့သည်။
ရေခဲသေတ္တာထဲက ဘီယာကို ယူပြီး ဖောက်တော့ လက်က ကတုန်ကယင်ရယ်။
မူပျက်လွန်းလိုက်တာ ။ ဒီပုံစံကို ဟိုကောင်လေး မြင်သွားရင် မင်းကို ဘယ်လောက်လှောင်မလည်းဆိုတာ တွေးတောင် မကြည့်မိဘူးလားဟမ် ။
တစ်ယောက်ထဲ စကားပြောပြီး တစ်ယောက်တည်း အပြစ်တင်နေပေမဲ့ Taehyung စိတ်တွေ မွန်းကျပ်နေဆဲပဲ။
ဘီယာကို စုံကန်မော့တော့ လည်ပင်းတစ်လျှောက်လုံး ခါးသက်သက်နဲ့ ပူကနဲ။
အမှတ်မထင် ဝင်လာတဲ့ဖုန်း ။
အင်း ၊ Kim Hayoon ဆီက ။
''ပြောပါ''
''တို့ တောင်းပန်တယ်လေနော် ။ Instagram မှာ တင်ထားတဲ့ပုံကို အခုပဲ ဖျက်လိုက်ပြီလေ''
''ကျေးဇူးပါဗျာ''
''မင်း လေသံကလည်း စိတ်ဓာတ်ကျနေသလိုပဲ ။ ဘာဖြစ်နေတာလည်း''
''ငြီးငွေ့နေပြီ ။ ကျွန်တော်တို့ ရပ်လိုက်ရအောင်''
''ဘယ်နေ့ပြောမလည်း ရင်ထိတ်နေပေမဲ့ အပြောခံရတော့လည်း ထွေထွေထူးထူး ဖြစ်မနေပါဘူးလား''
''တောင်းပန်ပါတယ်''
''ရပါတယ် ။ တို့ ကိုယ်တိုင်ကိုက မင်း ဘယ်လိုလူမျိုးမှန်း သိရဲနဲ့ ကစားပွဲထဲ တိုးဝင်ခဲ့တာပဲ ''
''မမ ကျွန်တော့်ကို တကယ် သဘောကျခဲ့တာလား''
''အင်း ၊ ငါ အရူးလို သဘောကျခဲ့တာ''
''ကျွန်တော် သတိပေးရဲ့နဲ့''
''ရပါတယ်ကွယ် ။ ဒဏ်ရာလှလှလေးပါ တသက်လုံး ရင်ထဲ သိမ်းသွားလို့ ရတာပေါ့''
''မကျေနပ်ရင် မမ ကျွန်တော့်ကို ကျိန်ဆဲပစ်လို့ရပါတယ်''
''ကောင်းသော ခွဲခွာခြင်းပဲ ဖြစ်ချင်တယ် ကောင်လေး ။ မမ သိက္ခာကို ငဲ့ပြီး ၃လအထိ သည်းခံပြီး တွဲပေးခဲ့လို့ ကျေးဇူးတင်ပါတယ်ကွယ်''
''ကျွန်တော် မရည်ရွယ်ခဲ့ပါဘူး''
ဖုန်းကို ချပစ်လိုက်ပြီး ဘီယာကိုသာ တစ်ရှိန်ထိုး မော့ချပစ်လိုက်သည်။
ESTÁS LEYENDO
Deja Vu ( Completed )
FanficKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
