သူ့ဘဝက ဘာကို အလိုမကျမှန်းမသိ ၊
တစ်ခုခုကို လိုအပ်နေသလို ဖြစ်နေသည်မှာ လေး ငါးရက်လောက် ရှိနေပြီ ။
အချစ်ကို လိုအပ်နေတာလား ၊ အချစ်ခံရဖို့ လိုအပ်နေတာလား ဆိုတာ မရေရာ ။
မသိရင် မမေ့နိုင်တဲ့ သက္ကရာဇ် ၊ ခုနှစ်တွေကိုပဲ ပြန်ရောက်သွားသလိုလို ။
နေအလင်းပျောက်တစ်ချို့က သူ့မျက်နှာပေါ် ထင်ဟပ်လာ၍ Taehyung အလန့်တကြား ထထိုင်မိသည် ။
ဒီနေ့လည်း ဒီနေရာမှာ တစ်ညလုံး ထိုင်နေမိပြန်တာပဲ ။
မြေပြင်ပေါ်မှ ဘီယာဗူးခွံကို ဘေးဘက်သို့ ကန်ပစ်လိုက်ပြီး ဘောင်းဘီအိတ်ထဲမှ ကားသော့ကို ထုတ်လိုက်သည်။
မနက်လင်းပြီဆိုတော့ ဒီနေရာကနေ အမြန်ထွက်မှ ဖြစ်မည်။
မဟုတ်ရင် ဟို Jeon Jungkook ဆိုတဲ့ ကောင်လေး ဗြုန်းဆို ရောက်လာပြီး ''ခင်ဗျား ထပ်လာပြန်တာလား'' ဆိုတဲ့ အကြည့်နဲ့ ခနဲ့ရင် Taehyung ဒေါသထွက်မိလိမ့်မည်။
မဟုတ်ဘူး ။ ရှက်မိလိမ့်မည် ။ Kim Taehyung က ရီးစားဟောင်းကို လွမ်းနေတုန်းဆိုသည်ကို သိသွားရင် သေချာပေါက် ရှက်မိလိမ့်မည်။
''Shitt! ကားက ဘာကိစ္စ
စက်နှိုးလို့မရနေတာလည်း ။
အရေးနဲ့အကြောင်းဆို
ဘာထကြောင်တာလည်းဟ''
ကျိန်ဆဲပစ်ပြီး Manager ဆီ ဖုန်းခေါ်တော့ ဆက်သွယ်မှုဧရိယာပြင်ပ။ မေ့နေတာ ဒီနေရာက ဖုန်းလိုင်းတွေ သိပ်မိလေ့မရှိဘူးပဲ ။
သေချင်တာပဲ ။ ဟိုကောင်လေးသာ ဒီနေရာကို လာလို့ သူ့ကို မြင်သွားရင် ဒုက္ခ ။ ဒီကားအစုတ်ကြီးနဲ့က ဘာမှ အလုပ်ဖြစ်မနေဘူး ။
''ကားပျက်နေတာလား ။
ကိုယ်ကြည့်ပေးမယ်''
ထွက်လာတဲ့ အသံက Taehyung နောက်က ။ လှည့်ကြည့်လိုက်တော့ ခပ်သန့်သန့် ယောကျ်ားတစ်ယောက် ဖြစ်နေ၏ ။
Taehyung ကိုယ့်မျက်လုံးကိုယ်ပင် မယုံနိုင် ။ ဒီလို လူပြတ်တဲ့နေရာမှာ ကားပျက်တဲ့အချိန် လူတစ်ယောက်က ကူညီဖို့ အသင့်ရောက်နေတယ်ဆိုတာ နည်းတဲ့ကုသိုလ်ကံ မဟုတ် ။ နည်းတဲ့ တိုက်ဆိုင်မှုလည်း မဟုတ် ။ လူပြတ်လွန်းလို့ကို သူနဲ့ Jungkook ရဲ့ သီးသန့်နေရာလေး အဖြစ် သတ်မှတ်ခဲ့ကြတာကိုပဲ ကြည့် ။
KAMU SEDANG MEMBACA
Deja Vu ( Completed )
Fiksi PenggemarKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
