Jungkook ရဲ့ Studio
မီးလောင်နေတယ်...
ဘာမှလည်း မမြင်နိုင် ၊ မကြားနိုင် ။ ဒီအသိတစ်ခုထဲသာ Taehyung ရဲ့
ဦးနှောက်ထဲ ပဲ့တင်ထပ်နေသည်။
CEO ကိုလည်း ဘယ်နည်းဘယ်ပုံ ထားရစ်ခဲ့မှန်း မမှတ်မိနေ ။
အခုအချိန် သူ သိသည်က
Jeon Jungkook တစ်ယောက်ထဲသာ ။
တရွေ့ချင်း မောင်းနေသည့် Taxi သမားကို Taehyung အော်ဆဲပစ်လိုက်တော့သည် ။
အခုနေ ငါ့ Jungkook က Studio ထဲမှာ ပိတ်မိနေရင် ဘယ်လိုလုပ်မလည်း။
မိနစ်အနည်းငယ် ကြာမြှင့်ပြီးမှ မီးတဟုန်းဟုန်းတောက်နေသည့် နေရာတဝိုက်ဆီ Taehyung ရောက်သွားသည်။
စိတ်မှန်းနှင့် Jungkook ရဲ့ Studio ရှိလောက်မည့် နေရာကို ခန့်မှန်းကာ ပြေးသွားလိုက်သည် ။
ခြေတကြွကြွနှင့် မီးစွဲစပြုနေသည့် Studio တံခါးကို အတင်းအကျပ် ကြည့်နေတုန်း ကြားလိုက်ရသည့် တီးတိုးစကားသံတွေ ။
''Artist Jeon က တကယ်ပဲ မီးထဲဝင်သွားတာလား ''
''ဟုတ်တယ် ။ ငါတို့နဲ့ လွတ်လာတာချင်း အတူတူကို မီးထဲ ထပ်ပြီး ဝင်သွားတာ ''
Taehyung မှာ အသိစိတ်လွတ်သလိုပင် ဖြစ်သွားပြီး ခြေထောက်တွေကလည်း မီးစွဲနေသည့် Studio တံခါးထဲသို့ ပြေးဝင်သွားမိသည်။
မြင်လိုက်သည့် လူတွေကတော့ အလန့်တကြား အော်ဟစ် တားမြစ်လို့ပေါ့ ။
ချစ်သည် ၊ မုန်းသည်ဆိုသည့် ပညက်ချက်တွေ အကုန်လုံးက တကယ့်သေရေးရှင်ရေး အချိန်ကျရင် ဘာမှကို အသုံးဝင်တော့ပါ ။
အခုလည်း Taehyung ရဲ့ ခြေဖဝါးမှာ ဘာစွမ်းအားတွေ ရှိနေသည် မသိ ။ မီးစွဲနေသည့် အရာဝတ္တုတိုင်းကို တချက်မှ မထိပဲ ကျော်လွှားပစ်တာ ဆိုတာလေ ၊ မီးငွေ့ကြားထဲက Jeon Jungkook ရဲ့ ကျောပြင်ကို မြင်မှ ရပ်တန့်နိုင်သည် ။
''Jungkook ''
ကွဲအက်အက် သူ့အသံကို Jeon Jungkook က တချက်တောင် လှည့်မကြည့် ၊ မီးစွဲနေသည့် ဗီရိုထဲမှ ပန်းချီကားတွေကိုသာ သဲကြီးမဲကြီး ထုတ်ယူနေလေသည် ။
''Jungkook ! Jeon Jungkook !
မင်း အဲ့တာ ဘာလုပ်နေတာလည်း''
အသံကုန် ဟစ်အော်တော့ တချက်သာ ငြိမ်သွားပြီး ပန်းချီကားတွေကို ဆက်ထုတ်ယူနေပြန်သည် ။
VOCÊ ESTÁ LENDO
Deja Vu ( Completed )
FanficKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
