Deja Vu ( Completed )

8

(လွန်ခဲ့သော ငါးနှစ်)

Korea National University, 2015

သရုပ်ဆောင်မေဂျာ၏ အတန်းချိန်တစ်ခုတွင် လက်အပေါက်ကတ်ဆုံး ဆရာမ၏ ချီးကျူးမှုကို ခံရသည့် ကျောင်းသားတစ်ယောက် ။ ဘေးမှ လူများစွာကတော့ အံ့သြဝမ်းသာ အကြည့်များစွာဖြင့် ။

''ဇာတ်ကောင်ထဲမှာ လုံးဝ စီးမျောပစ်နိုင်စွမ်း ရှိတာက မင်းရဲ့ အားသာချက်ပဲ ။ ရှေ့လျှောက်လည်း ဒီအရည်အချင်းကို ဆက်ထိန်းသွားပါ ။ မင်းကို အဆင့် A+ ပေးလိုက်မယ် ။ ဒီ့ထက် အမှတ်ပိုပေးလို့ ရရင်တောင် ငါက ပေးချင်သေး''

အမှတ်ပေးစရာ ရှိတာပေးပြီး
ထိုဆရာမ ထွက်သွားသည်နှင့် Taehyung ထပင် ခုန်မိသည် ။

တော်ရုံ စကား အကောင်း မပြောတဲ့ ဆရာမက သူ့ကို တခမ်းတနား ချီးကျူးသွားတာမို့ ။

''Taehyung ငါ သတင်းကြားတယ်နော်။ နင့်ကို Teacher San က ချီးကျူးသွားတယ်ဆို ။ တကယ်ရှားရှားပါးပါးနော်''

So Hee က Taehyung အတွက် အသေအလဲ ဂုဏ်ယူနေသည်။

Taehyung မှာမူ သူငယ်ချင်းမလေးကို ဘာမှပြန်မပြော ။ ခပ်ပြုံးပြုံးသာ ။

ထိုအခိုက် So Hee ဆီ ဝင်လာသည့်ဖုန်း။

''ရှင်.. ဟုတ်ကဲ့ အခုပဲ Form လာတင်ပါ့မယ်''

ဖုန်းကျသွားသည့်အခါ Tahyung က မျက်ခုံးပင့်ပြသည် ။ ဘာအကြောင်းလည်း ဆိုသည့် သဘော ။

''Producing အမိုက်စားတွေ ထုတ်နိုင်တဲ့ နေရာမှာ Director အနေနဲ့ အလုပ်သင်ဝင်လုပ်နိုင်ဖို့ အခွင့်အရေး အခုပဲ ရလာတယ် ။ ကိုယ်ပိုင် Project တစ်ခု လုပ်ရမှာ ။ အဲ့ကိစ္စအတွက် ငါ Form သွားတင်ရမယ်''

''ငါနင့်ကို စောင့်နေပေးမယ် ။
မကြာတော့ မကြာစေနဲ့''

''အင်း အင်း အဲ့ဒါဆို ငါသွားပြီနော်''

So Hee က သူ့အတွက် ပေါက်စကွေး ကတည်းက ပေါင်းလာတဲ့ သူငယ်ချင်း။ အထက်တန်းကျောင်းပြီးတော့ Major ကွဲပေမဲ့ University  အတူတူပဲမို့ အခုထိ အတူသွား အတူလာပဲ ဖြစ်နေဆဲ ။

အတွေးတွေကို ပိတ်ပစ်တာက အကြမ်းပတမ်း ဆိုင်ကယ်သံတစ်ခုကြောင့် ။ အနက်ရောင် ဆိုင်ကယ်တစ်စီးက Taehyung ရပ်နေတဲ့ နေရာဆီက အရှိန်မလျော့ပဲ ပြေးဝင်လာနေခြင်း။