ရေခဲမုန့်ဆိုင်မှာ ဖြစ်ခဲ့တဲ့ ရန်ပွဲက social media မှာ မထင်မှတ်ပဲ ဟိုးလေးတကျော်ကျော် ဖြစ်လာခဲ့သည်။
Kim Taehyung က ယောကျ်ားတွေကိုပဲ စိတ်ဝင်စားပုံရတယ် ဆိုတာတွေရော...၊ Fine Artist Jeon ကြောင့် တကယ်ပဲ Model လောကထဲ ပစ်ဝင်ခဲ့တာလား.... ၊ Drama Agency တွေကို ငြင်းဆန်နေခဲ့တဲ့ အကြောင်းပြချက်က ဒါကြောင့်လားဆိုပြီး ဝေဖန်လေကန်ရေး လူတွေ ၊ သတင်းတွေက ဆက်တိုက်ကို တက်လာနေသည်။
အဆိုးဆုံးက Jungkook ပြောလိုက်တဲ့ စကားက ပိုပြီး ကြည့်ရှုနှုန်းမြင့်နေခြင်းပင် ။
''Kim Taehyung က ဘာလို့ Model လောကထဲ ဝင်တာလည်း သိလား ။ ငါကြောင့်ကွ ။ ငါက သရုပ်ဆောင်လုပ်တာမကြိုက်လို့ ။ ငါက မကြိုက်လို့ မလုပ်တာကွ သောက်ရူးရ! "
CEO ရဲ့ ရုံးခန်းထဲကနေ ထိုဗီဒီယိုဖိုင်ရဲ့ အသံတွေ ကြားနေရသည် ။ ထပ်ခါတလဲလဲ ဖွင့်ကြည့်ပြီး ထပ်ခါတလဲလဲ တောက်တွေခေါက်နေသည်။
တံခါးမခေါက်ပဲ အခန်းထဲကို Taehyung ဝင်တော့ CEO က Laptop ကို အလျင်အမြန်ပိတ်သည်။
Taehyung CEO ကို အားနာမိတာမို့ မသိဟန်သာ ဆောင်နေပေးလိုက်သည်။
''အခုရက်ပိုင်း Social သိပ်မသုံးနဲ့ Tae''
''ကျွန်တော်လည်း မသုံးဖို့ တွေးထားတာပါ''
စကားပင် မပြောရသေး ဖုန်းသံက နှစ်ယောက်ကြားထဲ ဝင်နှောင့်ယှက်သည်။
''ပြော မန်နေဂျာဂန်''
''Boss.. ဒီနေ့တစ်နေ့တည်းတင် Boss ကို တွေ့ချင်တယ်ဆိုပြီး ချိန်းတဲ့ သူဌေးက ၇ယောက်လောက် ရှိပြီဗျ''
''အလုပ်ကိစ္စပြောချင်တာတဲ့လား ။ ဘယ်မှာချိန်းတာလည်း''
''အလုပ်ကိစ္စဆိုပြီးလည်း ရေရေရာရာမပြောဘူးဗျ ။ ဒီအတိုင်း တွေ့ချင်တယ်ဆိုတာချည်းပဲ ။ ချိန်းတဲ့ နေရာအတော်များများကလည်း Hotel တွေချည်း''
အကြောင်းအရင်း အကုန်လုံးကို Taehyung နားလည်သွား၏။
Kim Taehyung က ယောကျ်ားတွေကို သဘောကျတယ်ဆိုတဲ့ သတင်းကြောင့် လူတစ်သိုက်က Taehyung ကို ခြေတော်တင်ဖို့ ကြိုးစားခြင်းပင် ။
အနုပညာလောကရဲ့ အပုပ်အပွတွေက ဒီလိုလူတွေကြောင့် အနံ့ထွက်လာတာ။
YOU ARE READING
Deja Vu ( Completed )
FanfictionKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
