အထက်တန်းပြီးကတည်းက ဘာအလုပ်မှ ရေရေရာရာ မလုပ်မိပဲ အလေလိုက်နေမိခဲ့သည့် သုံးနှစ်က Bogum အတွက် လူငယ်တစ်ယောက်ရဲ့ လွတ်လပ်မှုတွေကို အပြည့်အဝ ခံစားရစေခဲ့သည်။
ချစ်ရတဲ့ မိန်းကလေးက သူ့ကို ပစ်ပယ်ပြီး တခြားတစ်ယောက်ကို ရွေးချယ်သွားတော့...
ဟာကွက်ဖြစ်သွားခဲ့တဲ့ သူ့နှလုံးသားက သူ့ကို စိတ္တဇနီးနီး ဖြစ်တည်စေခဲ့သည်။
သူမရဲ့ ကော်ဖီရောင် မျက်ဝန်းတွေကို တွေးမိတိုင်း ကားကိုသာ အရှိန်တိုးမြှင့်ပြီး မောင်းပစ်မိသည်။
ကားကို အရှိန်မြှင့်တိုင်း လေထဲမှာ ဝေ့ကနဲ ဖြစ်သွားတဲ့ သူမရဲ့ ဆံပင်ရှည်တွေကို သဘောကျမိသည်လည်း ပါသည်ထင် ။
အခုလည်း သူမနှင့် ပုံစံဆင်သည့် မိန်းကလေးတစ်ယောက်ကို ဘေးတွင်ထားပြီး ကားထွက်မောင်းမိပြန်သည်။
သို့ပေမဲ့ ဝဲဖြာနေသည့် ဒီတစ်ယောက်ရဲ့ ဆံပင်ရှည်တွေက သူမ လိုတော့ မနူးညံ့နေခဲ့ ။
ထိုနေ့က ကံမကောင်းစွာနှင့် သူတို့ ကားအက်စီးဒင့် ဖြစ်ခဲ့ကြသည်။
အဲ့ဒီ သူမနဲ့ မတူတဲ့ ကောင်မလေးကတော့ အသက်သေသွားပြီး Bogum ကတော့ စိတ်ဝိဉာဥ် သေသွားခဲ့သည်။
သူ့ရဲ့ အသက်မရှင်ချင်တော့တဲ့ ဆန္ဒအစုံက ပိုမိုပြင်းထန်လာ၍ ဦးလေးက နယ်ဘက်ရှိ ခြံမြေတစ်ခုဆီ စိတ်ပြေရာပြေငြား တွန်းပို့ခဲ့သည်။
သူ ငယ်စဥ်က တစ်ခါရောက်ဖူးသည်ဟုတော့ ဦးလေးက ဆို၏။
သို့သော်ငြားလည်း သူ့အား စိတ်ဝိဉာဥ်အပြင် မျှော်လင့်ချက်ပါ သေစေခဲ့မယ့် ထိုကောင်လေးနှင့်သာ တွေ့ရမယ်မှန်း သိရင် Bogum လုံးဝ ခြေချခဲ့မည်မဟုတ်ပါ။
ထို့ပြင် စတော်ဘယ်ရီတွေကိုလည်း
သူ မြည်းစမ်းကြည့်ခဲ့မှာ မဟုတ်ပါ။
-
စတော်ဘယ်ရီ လာပို့တဲ့ အဲ့ဒီတစ်ယောက်ရဲ့ အသံက သြရှရှနှင့် မာန်ပါလွန်းသည်။
Bogum သဘောမတွေ့သဖြင့် အော်ခေါ်သည်ကို အဖက်မလုပ်ပဲ နေပစ်တော့ တောက်ခေါက်သံ အသေးလေးက သူ့နားထဲ တိုးဝှေ့သွားသည်။
YOU ARE READING
Deja Vu ( Completed )
FanfictionKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
