ဟိုနေ့ ညနေက ပြဿနာကြောင့် Jeon Jungkook နှင့် သူ့ရဲ့ ဆက်ဆံရေးက ခပ်တန်းတန်းသာ ပြန်ဖြစ်သွားသည်။
Jungkook က စိတ်ဆိုးနေတဲ့ လူဆိုတော့ Taehyung က အနောက်ကနေ တကောက်ကောက် လိုက်ချော့နေရတာပေါ့ ။
အခုလည်း ရှပ်အင်္ကျီအဖြူကို ကြယ်သီးသုံးလုံးလောက် ဖြုတ်ပြီး စာရွက်ပေါ် ဟိုဟိုသည်သည် ရေးခြစ်နေသည့် Jungkook အနားသို့ ကပ်ထိုင်လိုက်ပြီး..
''ဟိုတစ်နေ့က ပုံတူပန်းချီကို
ဆက်ဆွဲချင်သေးလား''
တဝက်တပျက်ပဲ ဖြစ်နေသည့် ပန်းချီကားကို Jungkook က စိတ်မဝင်စားသလို တချက်သာ ကြည့်ပြီး..
''ဟင့်အင်း ။ မဆွဲချင်ဘူး ။ မအားဘူး''
Taehyung အတော်ပင်
စိတ်ဓာတ်ကျသွားရသည် ။
ဒီကောင်လေး စိတ်ပြေအောင်
သူ ဘာနည်းတွေ ထပ်သုံးရပါ့မလည်း။
ရေခဲမုန့် ခွံ့ကျွေးပြီး ချော့မယ် တွေးတော့လည်း ဒီငဂျစ်လေးက လည်ချောင်းနာနေလို့ ရေခဲမုန့်ကို မစားဘူးတဲ့လေ ။
နှစ်ယောက်တည်း သိသည့် နေရာကို သွားပြီး ကလူ၏မြူ၏ လုပ်ဖို့ ကြံတော့လည်း အဲ့နေရာမှာ ဟိုတလောက မြွေတွေ့တယ်လို့ ပြောပြီး ကြောက်ချင်ယောင်ပါ လာဆောင်ပြနေလေရဲ့ ။
နည်းလမ်းတွေလည်း ကုန်လှပြီ ။
အကြံအိုက်နေတုန်း Jungkook ဆီ ဖုန်းဝင်လာရာ Jungkook ကို အမြဲ ဒေါသထွက်အောင် လုပ်သည့် ဖုန်းမှန်း သိသည်နှင့် Taehyung အလျင်အမြန်ပင် နားနှစ်ဖက်ကို လက်နှင့် အုပ်လိုက်မိ၏။
''သွားရလိမ့်ဦးမယ် ယီးတဲ့မှပဲ''
''ဘာလည်း ။ မင်း အဖေက ခေါ်တာလား''
''ခင်ဗျား သိစရာမလိုပါဘူး''
စကားက ရိုးရှင်းပေမဲ့ Jungkook နှင့် သူ့ကြားတွင် နံရံတစ်ခု ခြားသွားသလို။
Jungkook ကလည်း သူ့လို အတွင်းရေး ပြောပြရတာ မကြိုက်ပေမဲ့ အရင်တုန်းက ဘာမှမပြောချင်ရင်တောင် 'သိပ်မကြာဘူး ပြန်လာခဲ့မယ် ' ဆိုတာလေးတော့ ပြောဖော်ရသေးသည်။
အခုတော့ လုံးဝကို သူစိမ်းတပြင်လို ။
ဘယ်ကနေ စပြီး မှားယွင်းသွားမှန်း မသိပေမဲ့ Taehyung ဖြစ်နိုင်သမျှ နည်းနှင့် ပြင်ဆင်ချင်မိသည် ။
BINABASA MO ANG
Deja Vu ( Completed )
FanfictionKim Taehyung ခင်ဗျားက ကျွန်တော့်ဟာ ကျွန်တော့်အပိုင် Kim Taehyung ခင္ဗ်ားက ကြၽန္ေတာ့္ဟာ ကြၽန္ေတာ့္အပိုင္ .... When you gonna tell her that we did that, too? She thinks it's special but it's all reused. KOOKV
