Deja Vu ( Completed )

16

ထိုနေ့က တိုက်ခန်းဆီတောင် မပြန်တော့ပဲ အမေရှိတဲ့ Daegu ကိုသာ Taehyung ညတွင်းချင်း ပြန်မိတော့သည်။

Choi So Hee ရဲ့ လုပ်ပုံကြောင့် Taehyung သူငယ်ချင်းလည်း ထပ်မရချင်တော့သလို လက်ရှိ ဘယ်သူ့ကိုမှလည်း မယုံတော့ဘူး ။

အခုနေ ရင်ခွင်တစ်ခုကိုမှ မခိုလိုက်ရရင် Taehyung သေချာပေါက် ရူးသွားလိမ့်မည် ။

မနက်အစောကြီး အိမ်ရှေ့မှာ ​ကားရပ်သံကြား၍ အဒေါ်ကြီး Kim မှာ အလန့်တကြား ထကြည့်တော့...

သားဖြစ်သူက နီရဲနေတဲ့ မျက်လုံးတွေနဲ့ ကားပေါ်ကနေ ဆင်းလာပြီး သူမကို ​ပေးဖက်သည်။

ပြီးနောက် သူမ ပုခုံးပေါ် မျက်နှာအပ်ပြီး ယူကြုံးမရ အော်ငိုပါတော့သည်။

''ကလေးလေး အမေ့ ဝက်ဝံပေါက်လေး ။ ဘာတွေများ ဖြစ်လို့လည်းကွယ်''

ကျောပြင်ကို လက်ဖြင့် သပ်ပြီး အမေက စိုးရိမ်တကြီးမေးလာသဖြင့်..

Taehyung ခေါင်းကိုသာ
အကြိမ်ကြိမ် ရမ်းလိုက်မိသည်။

အမေ့သားက သူငယ်ချင်းနဲ့ ရီးစားဖြစ်သူ ဖောက်ပြန်နေတာကို တွေ့သွားလို့ အရူးတစ်ပိုင်းဖြစ်လာတာပါလို့ ပြောသင့်ပါ့မလား ။

မဖြစ်ဘူး ၊ ဒီလို ရှက်စရာကောင်းတဲ့ ကိစ္စကို Taehyung ဘယ်သူ့ကိုမှ
ရင်မဖွင့်နိုင်ဘူး ။

''အင်း.. သား ကြိုက်တဲ့ စတော်ဘယ်ရီတွေ အမေ ခုနလေးကပဲ ခြံထဲက ခူးလာတာ ။ သားစားမယ် မှတ်လား''

အမေ့ကို တင်းကျပ်သထက် တင်းကျပ်အောင် ဖက်ပြီး Taehyung ပိုငိုမိသည်။

ပြီးမှ ဗလုံးဗထွေးအသံနှင့်..

''မေ့မေ့ဆီမှာ ရက်ပိုင်းလောက်
နေဦးမယ်နော် ။ Seoul ကို
မပြန်ချင်သေးဘူး''

''အမေ့ ဝက်ဝံပေါက်လေး
အဆင်ပြေသလိုသာ လုပ်ပါကွယ်''

အမေ့ရဲ့ ခပ်ဖွဖွ စကားသံနောက်တွင် Taehyung ရင်တစ်ခုလုံး နွေးထွေးရသွားသည် ။

======

Taehyung အခုရက်ပိုင်း အမေ့ရဲ့ ခြံကို လိုက်ကူညီပေးမိသည် ။ မအားလပ်ပေမဲ့ တချက်ကလေးမှ မငြီးငြူမိ ။ အလုပ်နှင့် လက် မပျက်အောင်လည်း Taehyung တမင် သတိထားသည် ။ မဟုတ်ရင် အလုပ်အားတာနဲ့ ဟို စိတ်ပျက်စရာ ကိစ္စကြီးပဲ သူ့ခေါင်းထဲကို ရောက် ရောက်လာတာမို့ ။