نور الادهم (حب حياتى)

بارت ٥

البارت دا تعريف عن حياه الابطال داخل مركز التدريب

نور بعد ما سافرت قررت انها تستخدم جمالها لما لاحظت نظرات ماكس و سمير ليها قررت توقع ماكس ف حبها و تخليه يساعدها من غير ما يعرف انها تخلص من سمير و رسمت عليه الحب لحد ما بقا زى الخاتم ف صباع ايدها و كمان لما قالها انه تبع المافيا و عرض عليها الشغل معاه وافقت و قالها لازم تدخل المركز و تدرب و فعلا راحت و ماكس هناك كان بيساعدها و يوفر لها كل حاجه و هى كمان قالتله انها عاوزه تدرس و فعلا دخلها كليه اداره اعمال لما لقا ان نسبه ذكائها عاليه و خلال فتره قصيره قدرت تكون من أهم رجال المافيا و هنعرف ف الأحداث ايه الى حصل بالظبط يلا بينا

نور لما سافرت مع ماكس وقتها سمير كان معاه اوس إلى أول ما نور شافته عرفت انه ابن سالم لانه صديق ابوها و كان بيجى عندهم ديما و قررت انها تساعده لحد ما يفتكر كل حاجه و من خلال ماكس قدرت انها تدخل بيت سمير كتير معاه بحكم الشغل و قدرت انها تفتح الخزنه السريه بتاعته و تشوف كل المستندات إلى موجوده فيها و كمان صور الناس إلى شغاله معاه و كمان قدرت تاخد من عند ماكس أوراق مهمه جدا تدين سمير و رجال كبيره ف مصر و فى أنحاء العالم هتفدها ف انتقامها

نبدء بعد ما عاشت نور سنتين مع ماكس و قدرت تخليه يثق فيها جدا و كمان يحبها و قدرت تكون صداقه مع اوس بعيد عن سمير و اوس كمان حبها جدا بس كان سمير عارف ان هو و نور أصحاب و كان بيخليه ينقل كل اخبار نور ليه بحكم انه والده و لازم ينفذ كلامه و كان بيعمل كدا فعلا بس كان مضايق من نفسه جدا لانه حس ان نور بتحبه و بتثق فيه و مش كان عارف يعمل ايه لحد ما سمير بعته المركز هو و نور

فى داخل اكبر مراكز تدريب المافيا عالميا ندخل لنرى كيف أن هذا العالم قد خلق منه بشر تجردت منهم المشاعر و الادميه و الرحمه و تحولو إلى وحوش متعطشه للدماء و الدمار

نور من داخل المركز شافت حاجات خلت قلبها مات هى و اوس و يونس يا ترى شافت ايه هنعرف دلوقتى

نور ل اوس برهبه و زهول : شايف إلى انا شيفاه يا اوس ايه دا دول مفيش ف قلبهم رحمه

قالت كدا لما دخلت و شافت قصر كبير جدا يبان من بره انه شبه المعتقل بس طراز حديث و من الداخل مقسم الى عده أقسام منها

دور كامل ل تصنيع و تغليف و تركيب المواد المخدره بكافه انواعها

الدور التانى ل تصنيع السلاح و المتفجرات و النووى

الدور الثالث يوجد به قسم المتعه و دا قسم خاص بالبنات ف المركز لتشغيلهم ف الدعاره و الترويج و اعلانات الجنس تصوير صوت و صوره

الدور الرابع ل تجار الأعضاء يوجد ع هيئه مستشفى خاصه مجهزه للاتجار بالأعضاء البشريه شامله كافه الأعمار

و الدور الخامس و الاخير عباره عن جيم كامل و شامل كل شئ تدريب مصارعه و العاب رياضيه عنيفه و فروسيه و نيشان و كل شئ

و الدور الأرضي يوجد به ساحه كبيره للمصارعه الحره (مصارعه الشوارع) و التحديات متاحه للبنات و الشباب و القتال دموى لحد الموت نكمل

اوس رد و هو مزهول و خايف : انا مش مصدق إلى انا شايفه و بصراحه انا خايف اوى
نور و هى لا تنكر انها خافت و لكن تذكرت انتقامها و قالت : ليك حق تخاف بس إلى يخلينا نكمل ان كل واحد ليه تار و لازم ياخده
اوس ب استغراب من كلامها : قصدك ايه
نور ببرود : هتعرف بعدين
ماكس بص ع نور و قال : ايه رايك يا حببتى ف المكان هتقدرى تكملى هنا و لا لا
نور ببرود و تمثل التوتر : انا مش هكدب انا متوتره جدا بس انت معايا و هتعلمنى كل حاجه انا عاوزه اكون لايقه عليك يا حبيبى
ماكس بحب : زى ما تحبى يلا اعرفك ع الناس هنا
سمير ل اوس بصوت هامس : مش عاوزك تغفل عنها و تجيب ليا كل إلى بتعمله هنا و تركز ف التدريب انا عاوزك لما تخرج من هنا تكون وحش فاهم
اوس بحزن : ليه بس يا بابا انا مش عاوز اكون هنا
سمير بغضب : بس انا عاوزك تكون هنا و تسمع الكلام و الا انت عارف انا هعمل فيك ايه و أنهى كلامه ب صفعه ع وجهه
اوس بدموع و ألم : حاضر هعمل إلى تقولى عليه عاوز حاجه تانى
سمير ببرود : لا لما اعوز حاجه هقولك يلا عشان اوريك المكان مع ماكس و نور

اتحرك اوس و سمير و نور و ماكس و شافو المكان كله و عرفهم ع المدربين إلى هناك و كان من أهم إلى اتعرف عليهم يونس إلى أول ما شاف نور بص ليها ب استحقار و قرف

ماكس ل نور : دا يا نور أليخاندرو دا من أهم المتدربين هنا و ديما بيطلع الأول عاوزك تكونى شاطره زيه و تتعلمى منه كل حاجه
نور بصت ل يونس ببرود و قالت بعد ما لاحظت نظراته : اهلا
يونس ببرود و قرف : اهلا
يونس اول ما شاف سمير بص ليه بكره و حقد و غضب و سمير بص ليه ببرود و خبث
سمير بخبث : ازيك يا أليخاندرو اعرفك اوس ابنى هيكون معاك هنا ياريت تعتبره زى اخوك تمام
يونس بص ع اوس بقرف و نار الانتقام ف عينيه و نور لاحظت دا و قال : اهلا بالغالى ابن الغالى دا انت هتشوف ايام حلوه اوى معايا و هنكون احلا أصحاب
اوس بقلق من نظراته : اه طبعا انا يشرفنى اتعرف عليك

و من هنا بدء كل حاجه من كره و حقد بينهم و مع الايام نور و اوس قدرو يثبتو نفسهم و كانو بيعملو مسابقات بين المتدربين و كان ديما يطلع من الاوئل يونس و نور و اوس و كان ديما يونس بيتعمد يضايقهم و يتفق مع أصحابه عليهم عشان يخسرو او يتريقو عليهم بس كانت نور ديما واقفه ف وش اى حد و تهزم اى حد بس اوس كان من النوع المسالم و نور كانت ديما تدافع عنه لكن مع الوقت اتعود يدافع عن نفسه و يوقف ف وش اى حد عدا عليهم خمس سنوات فى كره و حقد لحد ما جه اليوم إلى غير حيات الكل و قلب موازين حياتهم و خلا كل واحد يعيد حساباته تانى

يا ترى ايه الى حصل

اى إلى هيغير حياه أبطالنا

ازاى الكره هيحول ل حب و العداوه لتضحيه

بالنفس عشان الباقى يعيش

يا ترى نور هتعمل ايه مع يونس و اوس

هيخليهم يضحو بحياتهم عشانها و يكونو

تحت أمرها ف اى شئ هنعرف مع الأحداث

ووووو إلى اللقاء ف البارت ٦