نور الادهم (حب حياتى)

بارت ٣١

نبدء

ف مطار روسيا الدولى تهبط طائره خاصه ب شبح الجحيم نور الهوارى و بعد انتهاء الأوراق تخرج نور بعدد هائل من الحراسه الخاصه من المطار و يكون ف انتظارها اسطول من السيارات و ما أن استقرت نور داخل السياره و تحركت بيها و كل إلى كان يشوفها يعرف انه اليوم مش هيعدى ع خير ابدا من تعابير وشها و لون عنيها المخيف تعرف ان ف مصيبه هتحصل

نور بعيون بلون الدم قاعده و بتفتكر ايه الى خلاها سابت كل حاجه و طلعت ع المطار فورا عشان تسافر روسيا

فلاش باك

ف جناح يونس و جنا

نور بشر : دلوقتى جه اخر خطوه ف انتقامى و هى انك هتتطلقى و تروحى مع امك فورا

جنا برعب بصت ع نور وقالت : انتى مستحيل تعملى فيا كدا حرام عليكى انا انتهيت يعنى جوزتينا لبعض بمزاجك و دلوقتى هتخلينا نطلق كمان بمزاجك

نور بغضب : كل شئ متاح ف الحرب و الحب و كان لازم اعمل فيكى كدا عشان اطفى النار إلى ف قلبى

جنا بصريخ : و انا ذنبى ايه حرام عليكم عملتو فيا كدا ليه انا ذنبى ايه لما احب واحد يكون عاوزانى عشان ينتقم منى و يقولى بحبك عشان يكسر قلبى بزياده و الإنسان الوحيد ف حياتى و بعتبره اخويا لما اتجوز اعتبرت مراته هتكون اخت ليا طلعت بردو عاوزه تنتقم منى حتى امى مرحمتنيش و سابتنى ليكم عشان مش عاوزانى اموت و هو انا كدا مش ميته حرام عليكم ارحمونى بقا حرام

و انهارت ف العياط بصوره تقطع القلب لحظه لمست فيها قلب نور و يونس إلى أول مره يحسو انهم قاسيين بالطريقه دى هم فعلا فكرو ف انتقامهم و مفكروش فيها و قررت نور قرار

نور بأمر : سبونى معاها لوحدنا

ام جنا خرجت عشان مكنتش قادره تشوف بنتها ف الحاله دى و يونس قرب من نور

يونس برجاء ل نور : اقبليها يا نور عشان خاطرى و حاولى تخليها تعدى الحاله دى و أقنعيها بطريقتك انا عارف ان جواكى حنان و حب و قلبك كبير و إلى عملناه انا وانتى بدافع الانتقام و مافكرناش فيها و ف حالتها إلى وصلت ليها دى عشان خاطرى اقبليها المره دى بقلبك زى ما انا هقبلها بقلبى و هلغى عقلى إلى بيقولى انها بنت سمير ارجوكى

نور بصت ليه شويه ف عنيه و شافته و هو باصص ع جنا ف نظره مجربتهاش غير لما أدهم دخل حياتها نظره جمعت بين الحب و الألم افتكرت حياتها مع أدهم اول فتره ف جوازهم و ازاى لما كانت تقسى عليه ف الكلام أو التصرفات بتشوف منه النظره دى

و مكنتش بتخليها مبسوطه و كل ما كانت تقسى عليه ف حاجه مش بتلاقى منه غير كلام حب حقيقى من قلبه و بيعدى اى كلام قاسى عشنها و عشان عاوز يقرب من قلبها لحد ما نجح فعلا و غيرت نور من طبعها القاسى شويه لحد ما وصلت انها مش بتشوف دلوقتى ف عيون أدهم غير نظره الحب وبس