ف صباح يوم جديد ف الجناح الخاص ب نور و أدهم ندخل نلاقى نور صاحيه و بتجهز و أدهم نايم دقايق و نور خرجت بسرعه و نزلت ع المطبخ و حضرت فطار سريع و اتوجهت ع جناح اوس
نور دخلت بهدوء و اتلاقت اوس لسه نايم اتوجهت ع البلكونه بتاعت الجناح و حضرت الفطار هناك و رجعت ل اوس عشان تصحيه بهدوء
نور بحنيه : اوس اصحى يا اوس دقايق و اوس فتح عينيه و اتلاقى نور قدامه
نور بحب : صباح الخير
اوس بحزن : صباح النور
نور لاحظت زعله و قالت بهدوء : قوم يلا حبيبى عشان تجهز و نفطر سوا
اوس بهدوء أتوجه ع الحمام و اخد شاور و جهز و خرج و سمع صور نور ف البلكونه و اتحرك ليها و دخل اتلاقى نور هناك و محضره الفطار
نور بحب : يلا حبيبى عشان تفطر
اوس بضيق : مش عاوز يا نور مليش نفس لو سمحتى سبينى لوحدى
نور اتكلمت ببرود فجاه : والله الزعل ملوش علاقه بالأكل اقعد كل و انت ساكت احسن
اوس بعند : مش عاوز اكل
نور ب نفاذ صبر و عصبيه : اقعد يا زفت
اوس بقلق منها : حاضر و قعد بسرعه
نور ب حده : كل
اوس بتوتر : حاضر و بدء ياكل بسرعه
نور ابتسمت عليه و ع قلقه و دقايق و اوس وقف الاكل و بص ع نور ببرود
نور ببرود : مالك بتبص عليا ليه
اوس بغيظ : انتى بتضحكى عليا يا نور مش قولتى هناكل سوا و انتى مش بتاكلى ليه
نور بغيظ منه : هو انا كنت لقيت حد سأل فيا و قولت لا يا بارد
اوس بضحك : يا خرابى عليكى يا نور لسه فيكى العاده دى لما بتكونى زعلانه منى او من يونس حاضر يا ستى هاكلك بايدى زى زمان
ابتسمت نور و ابتدء اوس يأكلها و يهزرو سوا لحد ما الفطار خلص و نور اتحركت و وقفت عند سور البلكونه و اتحرك اوس و وقف بعيد عن نور شويه
نور بهدوء : قول إلى جواك يا اوس عينيك بتقول كلام كتير
اوس ب تنهيده حزن : عملتى فيا كدا ليه يا نور ليه تحرمينى من البنت الى بحبها و تجوزيها لواحد تانى ليه توقفى ضدى يا نور
نور بصت ع حاجه ف الجنينه و بعدين بصت ع اوس و قالت : بص كدا يا اوس و شوف روكسى بيعمل ايه مع مراته
اوس بص بعدم فهم ل بيت روكسى إلى نور عملته ليه ف الجنينه هو و مراته بس مكنش فاهم حاجه و بص ل نور عشان توضح كلامها
نور بتوضيح و جديه : واضح ان روكسى مزعل مراته شايف واقف قدامها ازاى
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
