نور الادهم (حب حياتى)

بارت ٢٤

نبدء

عدا حوالى ٥ شهور ع أبطالنا حبهم كبر لبعض بس حب ناقصه ثقه أدهم كان حاسس ان نور لسه مش واثقه فيه و مش راضيه تحكيله حاجه عن ماضيها

اوس و سندس قربو لبعض و حبو بعض جدا بس كان ديما ف حاجه غلط حاسسها اوس ف تصرفات سندس بس كان سايب نفسه لحد ما يتأكد من مشاعره و قرر يعترف ل سندس

يونس اعتذرت ليه جنا و أعجبت بيه ك شخصيه و كاريزما و كان نفسها يونس يحبها و فضلت طول الفتره دى تتلكك و تكلمه او تروحله الشركه او تروح بيت أدهم عشان تقربه منها و هو مره يوافق و عشره لا لحد ما اتلاقى نفسه بيفكر فيها و مش قادر يشيلها من تفكيره و ديما يفتكر الماضى و إلى حصله و كل ما يقرر يبعد عنها مش بيقدر لحد ما قرر يتكلم مع نور عشان تنصحه يعمل ايه

و فعلا راح ليها المكتب و اتكلم معاها

يونس بهدوء : نور محتاج اتكلم معاكى شويه

نور باهتمام : مالك يا يونس انا حساك متغير من فتره فعلا ف ايه اتكلم ع طول مش محتاج اذن

يونس بتوتر : انا مش عارف يا نور و لا فاهم حاجه انا ليا فتره بفكر ف جنا و مش راضيه تروح من بالى و مش عارف اعمل ايه انتى عارفه الماضى بتاعى كويس انا عاوز ابدء معاها من جديد بس خايف

نور بصت ليه بهدوء شويه و قالت : انت بتحبها بجد يا يونس

يونس بجديه و صدق : ايوا حبيتها يا نور اول واحده احس انها بريئه و عفويه و كمان شبه الأطفال اوى ف تصرفاتها حبيتها من غير ما احس بنفسى و مش عارف اعمل ايه

نور ببرود : ادى لنفسك فرصه لو عاوز انا من رأى تاخد خطوه جد و هى إلى هتقربك منها فعلا

يونس بعد فهم : يعنى اعمل ايه

نور ببرود : اتجوزها يا يونس

يونس بصدمه : اتجوزها مره واحده يا نور انا لسه مش متأكد من مشاعرى ليها

نور بجديه : انت هتستهبل و الا ايه انا بشوف نظراتك ليها و هى بتتعامل مع أدهم بتكون عاوز تقوم تقتلها و كمان ملاحظه الحراسه إلى عينتها عليها عشان تراقبها و الا فاكرنى مش عارفه و كمان انت ديما بتتحجج لو وراك حاجه تبع الشغل ممكن تلغيها او تخلصها هنا ف البيت اول ما تعرف انها جايه كل دا و تقولى مش متأكد من مشاعرك

يونس بص ليها و عرف ان نور كانت كشفاه اوى : طيب تفتكرى لو قولتلها هتوافق ان احنا نتجوز

نور بخبث : هو السؤال الصح هل هى هتوافق ع ميولك و حياتك و الا انت عاوز تتغير عشانها

يونس بجديه : لا طبعا يا نور مش هتغير انا عاوزها تكون زى ما انا عاوز بالظبط و هقنعها بكدة سواء وافقت او لا

نور بخبث اكتر : طب ليه تكون بالعافيه و تعمل الحاجه وانت حاسس انها قرفانه منك خليها برضى احسن و انا عندى الطريقه هخليها توافق بس فى حاجه ضرورى لازم تعرفها و نتفق عليها لو وافقت اعتبر جنا بقت مراتك