نور الادهم (حب حياتى)

بارت ١٧

نبدء

عدى اسبوع من لما نور راحت بيت أدهم و فريده مرات عمه مش طيقاها و مش بتتعامل معاها خالص

و نور كانت بردو مش بتتعامل معاها بس فريده كانت بتراقب نور و شايفه طريقه تعاملها مع يونس و أسر و ان علاقتها بيهم مش مظبوطه خالص و شكت فيهم  بس هى كانت معذوره لأنها متعرفش إلى هما شافوه لحد قبل الخطوبه ب يومين حصل خناقه كبيره بينهم

نور كانت قاعده بغرور و بتتكلم مع الحج عثمان و عيلته عشان يتعرفو ع بعض

فريده بقرف : و انتى بقا يا عروسه فين اهلك مش باين اى حد منهم و كمان جايبه معاكى واحد غريب قال ايه صاحبك و عايش معاكى امال فين اهلك و ازاى سيبينك كدا

نور جايه ترد اتكلم أسر بعصبيه و قال : اتكلمى مع ماما كويس و بلاش الكلام دا

صدمه كانت ع كل عيله الضبع

فريده بسخريه و استحقار : يا نهار اسود و كمان مخلفه ف الحرام ما طبعا واحده من غير اهل لازم تكون وسخه و شمال

و بصت ع أدهم و قالت : هى دى إلى عاوز تجوزها و تخليها تشيل اسمك يا أدهم واحده عايشه مع رجاله غريبه ف بيت واحد و مخلفه عيل من غير جواز ايه عاوز تركب قرون و الا ايه ما تقول حاجه

عثمان بعصبيه : فريده بلاش الكلام الزباله دا و راعى ان الناس ف بيتك عيب كدا

فريده بغضب : اراعى ايه و زفت ايه مين قلك انى عاوزه الجواز دى تتم طب الأول كنت موافقه عشان انت قولتلى دا حل يرضى الكل و عشان متاخدش جاسر منى لكن توصل انها ماشيه مع رجاله و مخلفه من غير جواز دا مستحيل اقبل بيه و حتى لو هتاخد جاسر منى مش هاتقدر لان انا هقول انها واحده سيئه السمعه و لا تصلح اصلا للتربيه بتاعت الأطفال كانت ربت نفسها الأول

نور كل دا ماسكه نفسها و مش راضيه تكلم عشان عاوزه تجيب اخر الست فريده معها بس يونس اتعصب جدا و كان هيقوم يقتلها ع كلامها دا و فعلا دا إلى حصل بس نور مسكت ايده بسرعه عشان يهدى

يونس بعصبيه و غضب وحش قال : ببببببس انتى ازاى تتكلمى عنها بطريقه دى اسمعى يا ست انتى انا نور عندى خط أحمر إلى يفكر يقرب منها و الله ف سماه اجيب رقبته تحت رجلى كان بيتكلم بطريقه مرعبه خلت كل الموجودين يتنفضو ف مكانهم من الخوف

فريده بخوف بس قالت : انت عاوز تسكتنا بطريقتك دى يعنى و الا ايه هو انت و هى تعملو الغلط و عاوزين تلبسوها لادهم ابنى
انا مستحيل اسكت و الجوازه دى مش هتم

نور ببرود : والله موضوع الجواز دا حاجه متخصكيش اصلا لان مش انتى الى هتتجوزى و بعدين فين الغلط إلى بتقولى عليه دا انتى شفتينا بنعمل حاجه غلط مع بعض

فريده بسرعه : انا بقالى اسبوع ملاحظه انك عادى ف تصرفاتك معاه و بتدخلى اوضه نومه ع طول و هزار و ضحك و آخر قله ادب  و غير العيل إلى معاكى دا بيقولك يا ماما