ညီလင်းညိုနဲ့ချစ်ပုံ စက်ဘီးလေးစီးကာကျောင်းမှအိမ်ကိုပြန်လာတော့အိမ်ရှေ့တွင်အဖေကကြိမ်လုံးကိုင်ကာစောင့်နေသည်။ချစ်ပုံ လွယ်အိတ်ကြိုးလေးကိုမသိလိုက်မသိဘာသာညှစ်လိုက်မိသည်။ချစ်ပုံ စက်ဘီးပေါ်မှဆင်းပြီးအိမ်ထဲဝင်သွားလိုက်သည်။ညီလင်းညို စက်ဘီးကိုဒေါက်ထောက်လိုက်ကာချစ်ပုံရဲ့အိမ်ထဲလိုက်ဝင်သည်။
ဦးကောင်းမြတ်ကချစ်ပုံရဲ့လွယ်အိတ်ကိုဆွဲယူပြီးသွန်ချလိုက်သည်။စာအုပ်တွေနဲ့အတူအရုပ်ကဒ်ပြားလေးတွေကျလာသည်။ဦးကောင်းမြတ်ရဲ့မျက်နှာကချက်ချင်းမှောင်မိုက်သွားသည်။ချစ်ပုံရဲ့လက်မောင်းကိုဆွဲလိုက်ပြီးပေါင်ကိုအားနဲ့ရိုက်သည်။
ရွှမ်း!!
"ငါမင်းကိုဒီလိုဟာတွေမဆော့လို့ဘယ်နှစ်ခါပြောရမလဲ တောက် ရွံစရာကောင်းလိုက်တဲ့ကောင်"
"အဖေ အီးဟီးဟီး"
"ဦးလေး မရိုက်ပါနဲ့"
ညီလင်းညို လက်သီးကျစ်ကျစ်ပါအောင်ဆုပ်ကာတားသည်။ဦးကောင်းမြတ်ကတော့ဆက်တိုက်ရိုက်နေသည်။ညီလင်းညို ချစ်ပုံလေးကိုဆွဲလိုက်သည်။
"ဦးလေး မရိုက်နဲ့ ချစ်ပုံကဘာအပြစ်လုပ်လို့လဲ"
"ငါ့ကလေးငါဆုံးမတာ မင်းဖယ်"
"မဖယ်ဘူး"
ဦးကောင်းမြတ် ဒေါသတကြီးကြိမ်ကိုလွှဲရိုက်လိုက်ရာချစ်ပုံရဲ့ကျောကိုထိသည်။ညီလင်းညို စိတ်တိုလာသည်။ချစ်ပုံကိုရင်ခွင်ထဲထည့်ကာအပြည့်အဝအကာအကွယ်ပေးပြီးအော်ပြောလိုက်သည်။
"မရိုက်နဲ့လို့"
ဦးကောင်းမြတ် ဒေါသကြောင့်သွေးတိုးလာသလိုခံစားရလိုက်သည်။
"ညီလင်းညို ဖယ်စမ်း"
"မဖယ်ဘူး ချစ်ပုံကိုမရိုက်နဲ့"
ဦးကောင်းမြတ် ကြိမ်လုံးကိုပစ်ချကာအိမ်ထဲဝင်သွားသည်။ညီလင်းညို ချစ်ပုံရဲ့မျက်နှာလေးကိုလက်ခုပ်ထဲထည့်ကာမျက်ရည်လေးတွေကိုသုတ်ပေးလိုက်သည်။
"ကိုကို အဟင့်"
"ချစ်ပုံ မငိုနဲ့ ကိုကို ကလစ်လှလှလေးတွေဝယ်ပေးမယ် နော်"
VOUS LISEZ
ချစ်လွန်လွန်း၍ထုဆစ်ခဲ့သည်(Completed)
Roman d'amourမင်းကိုချစ်တယ်ချစ်ပုံ မင်းဘယ်လိုပုံစံဘဲဖြစ်ဖြစ် ကိုကိုမင်းကိုချစ်တယ် (Own Creation) Started Date 10.1.2022 Ended Date 18.5.2022 မင္းကိုခ်စ္တယ္ခ်စ္ပုံ မင္းဘယ္လိုပုံစံဘဲျဖစ္ျဖစ္ ကိုကိုမင္းကိုခ်စ္တယ္ Start Date 10.1.2022 Ended Date 18.5.2022
