ချစ်ပုံ တိုက်ခန်းအောက်ကိုကြည့်လိုက်တော့ မင်းထက်နိုင်က ကားဘေးတွင်ရပ်နေသည်။ချစ်ပုံ အခုနေသည့်တိုက်ခန်းက ဒေဝီမျိုးကcompanyအနီးတွင် နေနိုင်အောင် စီစဉ်ထားပေးတာဖြစ်သည်။ချစ်ပုံ လစာထဲမှ အရစ်ကျပြန်ဆပ်ရင်း နောက်သုံးနှစ်နေရင် ဒီတိုက်ခန်း ကွန်ဒိုက ချစ်ပုံအပိုင်ဖြစ်လာလိမ့်မည်။ချစ်ပုံ မှန်ကိုတစ်ချက်ထုတ်ကြည့်ပြီး အောက်ဆင်းလာသည်။ချစ်ပုံကိုမြင်လိုက်တော့ မင်းထက်နိုင်မျက်လုံးတွေကဝင်းလက်သွားပြီး ကားတံခါးဖွင့်ပေးသည်။ချစ်ပုံ ထိုအကြည့်တွေကိုမသိချင်ယောင်ဆောင်ကာ ကားပေါ်တက်လိုက်သည်။
"ချစ်ပုံ မင်းဒီနေ့အရမ်းလှတာဘဲ"
မင်းထက်နိုင် ချစ်ပုံတစ်ကိုယ်လုံးကိုစူးစိုက်ကြည့်ကာပြောသည်။ချစ်ပုံက ရိုးရိုးရှင်းရှင်း ခန္ဓာကိုယ်ကောက်ကြောင်းပေါ်သည့် ဂါဝန်အတိုလေးဝတ်ထားပြီး မင်းထက်နိုင် ချစ်ပုံရဲ့ပေါင်တံဖြူဖြူလေးတွေကိုဆွဲဆောင်မှုရှိစွာ မြင်ရသည်။ချစ်ပုံက ပုံမှန် gym ဆော့ပြီး bodyကိုသေချာထိန်းတာကြောင့် ခန္ဓာကိုယ်လေးကအဆီပိုမရှိ သွယ်လျလှပနေ၏။မင်းထက်နိုင် ကြည့်ရင်းရင်ခုန်ရသည်။
အရင်က သနပ်ခါးအဖွေးသားနဲ့ နူးနူးညံ့ညံ့နေတတ်သည့် ချစ်ပုံနဲ့မတူတော့ဘဲ အခု ချစ်ပုံကမိန်းကလေးတစ်ဦးအသွင် လှပတင့်တယ်နေသည်။
"ချစ်ပုံ ကိုယ်ဟိုအရင်ကပြောထားတဲ့ ကိစ္စက"
ချစ်ပုံ မင်းထက်နိုင်ကို မကြည့်ဘဲ သေသေသပ်သပ်ညှပ်ထားသည့် သူ့ရဲ့လက်သည်းလေးတွေကိုသာကြည့်နေသည်။မင်းထက်နိုင်နဲ့တွေ့ပြီးမကြာခင်မှာဘဲ မင်းထက်နိုင်က ချစ်ပုံကို ချစ်ရေးဆိုခဲ့သည်။ချစ်ပုံ ချက်ချင်းငြင်းလိုက်ပေမယ့် မင်းထက်နိုင်က ဇွဲမလျှော့ပေ။
"ကျွန်တော် အစထဲကငြင်းထားပြီးသားဘဲ ကျွန်တော်က ကိုကို့ကိုဘဲချစ်တာ"
"ကိုယ် စောင့်နိုင်ပါတယ် ချစ်ပုံကလည်း singleဆိုတော့ ကိုယ့်မှာ မျှော်လင့်ချက်လေးတော့ရှိတယ်မလား"
"ဟင့်အင်း မျှော်လင့်ချက်မထားပါနဲ့ ကျွန်တော့်ကိုကျွန်တော် သေချာသိလို့ မျှော်လင့်ချက်မပေးချင်တာ"
ŞİMDİ OKUDUĞUN
ချစ်လွန်လွန်း၍ထုဆစ်ခဲ့သည်(Completed)
Romantizmမင်းကိုချစ်တယ်ချစ်ပုံ မင်းဘယ်လိုပုံစံဘဲဖြစ်ဖြစ် ကိုကိုမင်းကိုချစ်တယ် (Own Creation) Started Date 10.1.2022 Ended Date 18.5.2022 မင္းကိုခ်စ္တယ္ခ်စ္ပုံ မင္းဘယ္လိုပုံစံဘဲျဖစ္ျဖစ္ ကိုကိုမင္းကိုခ်စ္တယ္ Start Date 10.1.2022 Ended Date 18.5.2022
