ချစ်လွန်လွန်း၍ထုဆစ်ခဲ့သည်(Completed)

Part 8

ညီလင်းညို အိတ်ထဲphနဲ့power bankကိုထည့်သည်။ပိုက်ဆံတချို့ကိုယူပြီးအိတ်ထဲထည့်သည်။အဆောင်ကသူငယ်ချင်းတွေကညီလင်းညိုကိုကြည့်ပြီးစကားစပြောဖို့ရာလည်းတွန့်ဆုတ်နေကြသည်။ညီလင်းညိုရဲ့မျက်နှာကမည်းမှောင်နေကာမျက်မှောင်ကြုံ့ထားတာကြောင့်မျက်လုံးတွေကမှုန်မှိုင်းနေသည်။အချိန်မရွေးပေါက်ကွဲထွက်တော့မယ့်မီးတောင်တစ်တောင်လိုညီလင်းညိုပုံစံကတင်းမာနေသည်။

ညီလင်းညို အဆောင်ပြင်ထွက်ကာမီနီအိုးဝေစီးပြီးဘူတာကြီးထံမောင်းခိုင်းလိုက်သည်။ဘူတာကြီးကိုသွားတဲ့လမ်းတစ်လျှောက်တွင်ညီလင်းညိုအံကြိတ်ထားရလွန်းလို့သွားတွေကျိုးကုန်ပြီထင်ရသည်။ချစ်ပုံ မင်းထက်နိုင်နဲ့လိုက်ပြေးသွားပြီလို့အမေphဆက်တုန်းကညီလင်းညိုphကိုပေါက်မခွဲမိရန်ထိန်းလိုက်ရသည်။

တစ်ညလုံးမအိပ်နိုင်ဘဲအိပ်ယာထဲမှာလူးလိမ့်နေရပြီးသိလိုက်ရတာကသူ့ချစ်ပုံ‌လေးကိုချစ်တယ်ဆိုတာပင်။အရင်ကလည်းချစ်တယ်‌ဆိုပေမယ့်အခုတော့ပိုင်ဆိုင်လိုမှုနဲ့ချစ်တယ်ဆိုတာကိုသဘောပေါက်သွားသည်။

ထို့ထက်ချစ်ပုံကငယ်လွန်း‌သည်။လူကောင်းသူကောင်းနဲ့ချစ်ရင်လက်ခံနိုင်သေးသည်။မင်းထက်နိုင်ဆိုတဲ့သောက်ကျင့်မကောင်းတဲ့ကောင်လက်ထဲကိုတော့မထည့်ပေးနိုင်ပေ။

ဒီအတိုင်းတော့ ချစ်ပုံကိုသူများလက်ထဲမထည့်ပေးလိုက်နိုင်ဘူး။ချစ်ပုံကအသက်ပြည့်သေးတာမဟုတ်။မင်းထက်နိုင်ကိုသွေးဆောင်ဖျားယောင်းမှုနဲ့တရားစွဲမည်။ချစ်ပုံရဲ့မိဘတွေကမလုပ်ရင်သူလုပ်မည်။

ချစ်ပုံကဘယ်လိုကလေးမို့လို့လဲ။သူကိုယ်တိုင်ယုယခဲ့တဲ့ကလေး။ဒီလိုအဖိုးတန်လေးကိုသူစိမ်းလက်ထဲထည့်ပေးလိုက်ရမယ်ဆိုတာညီလင်းညိုတွေးရုံနဲ့တင်ဒေါသအလိပ်လိုက်ထွက်လာသည်။ချစ်ပုံဆိုတဲ့ကောင်ကလည်းမင်းထက်နိုင်ကိုဘာတွေများမက်လို့လိုက်သွားရတာလဲ။မတွေ့ရတဲ့နှစ်နှစ်တာအတွင်းချစ်ပုံကမင်းထက်နိုင်ကိုပစ်ကြွေသွားတာလား။မင်းထက်နိုင်ကဖြင့်ငါ့လောက်တောင်မချောဘဲ။

'တွေ့လို့ကတော့သေ‌အောင်ရိုက်ပစ်မယ်'

ချစ်ပုံ တခြားလူရင်ခွင်ထဲပျော်နေမှာကိုတွေးမိတော့ညီလင်းညိုနှလုံးသားတစ်ခုလုံးကဖျစ်ညှစ်ခံထားရပြီးအဆုံးမရှိတဲ့နာကျင်မှုကိုခံစားလိုက်ရသည်။