"ရောက်လာပြီလား။"
အစောင့်အကြပ်အထပ်ထပ်ကာရံထားတဲ့ အခန်းတစ်ခုရဲ့ ခေါင်းရင်းဘက် ခုံမြင့်တစ်ခုပေါ် ထိုင်ရင်း စာရွက်အချို့ကို လှန်လှောနေရာက သူ့ကိုမြင်တော့ ခေါင်းမော့ကြည့်ကာ မေးလာတယ်။
တော်ဝင်ဆန်တဲ့အဝတ်အစားတွေကို ဝတ်ဆင်ထားတဲ့ပုံမှာ သူ့မျက်လုံးထဲတော့ အင်မတန်ကို လေးပင်နေပုံရတယ်။
"ဟုတ်ကဲ့ ရောက်ပါပြီ အရှင်။"
ဂါရဝပြုပြီး ရှေ့မှောက်မှာ ခစားလိုက်တော့ ဖခင်ဖြစ်သူက လက်ထဲမှ စာရွက်တွေကို ချထားလိုက်ပြီး သူ့ကိုစေ့စေ့ကြည့်လာတယ်။
"ဘယ်တော့များမှ ထိမ်းမြားဖို့ စိတ်ကူးရှိသလဲ။"
မပီမသအပြုံးတစ်ခုကို ဆင်မြန်းရင်း လိုရင်းကိစ္စကို တည့်တိုးမေးလာတော့ အိမ်ရှေ့စံမှာ သက်မတစ်ခုကို တိတ်တခိုးကြိတ်ရှိုက်လိုက်ရတယ်။
"ငါကိုယ်တော်ရဲ့ ကျန်းမာရေးအခြေအနေကို မင်းလည်းသိနေတာပဲ။ ရုတ်တရက်နန်းလွှဲရတော့မယ်ဆိုရင် တိုင်းပြည်မှာ မိခင်ရှိနေဖို့လည်းလိုအပ်တယ်။ "
"အဲ့ဒီ တိုင်းပြည်မိခင်နေရာမှာ Yang အမတ်ရဲ့ သမီးမဟုတ်ရင် မဖြစ်ဘူးလားဆိုတဲ့ မေးခွန်းကိုပဲ ကျွန်တော်မျိုးထပ်မေးရပါလိမ့်မယ်။"
"Minho!"
အရှင်ဘုရင်ဟာ တူညီတဲ့မေးခွန်းကိုပဲ အကြိမ်ပေါင်းမြောက်များစွာ ထပ်ကြားလာရတော့ တည်ငြိမ်နေရာကနေ အမျက်ထွက်သွားတယ်ထင်ရဲ့။ သူ့ရဲ့ အမည်နာမအရင်းကို အံကြိတ်သံနဲ့ ပြင်းပြင်းထန်ထန်ခေါ်တယ်။
"ကျွန်တော် Yang မိန်းကလေးကို လက်ထပ်ဖို့ တကယ်ပဲ စိတ်မကူးမိပါဘူး ခမည်းတော်။ အကြောင်းပြချက်ကို ခမည်းတော်လည်း သေချာသိထားပါလိမ့်မယ်။"
"အဲ့ဒီ့အခြေအမြစ်မရှိတဲ့ စွပ်စွဲချက်တွေကိုခေါင်းထဲထည့်ပြီး တိုင်းပြည်ရဲ့ အနာဂတ်ကို ဖျက်စီးနေတာကို တမလွန်က မင်းရဲ့ မယ်တော်နဲ့ ဘွားတော်ကရော စိတ်ချမ်းမြေ့မယ်လို့ထင်နေတာလား။"
YOU ARE READING
Out Of Character || MinSung FF ||
FanfictionManhwa ဟာ သိပ်စုတ်လွန်းတယ်လို့ မင်းပြောခဲ့တယ်မဟုတ်လား။ Main character တစ်ယောက်ဖြစ်လာရင် ဒီ Manhwa ရဲ့ဇာတ်လမ်းကို မင်းအများကြီးပြင်ပေးနိုင်မယ်ထင်တယ်။ ငါတို့ System Website ရဲ့ ကြည့်ရှုသူတွေစိတ်တိုင်းကျဖို့ မင်းကို ယုံကြည်လိုက်မယ်။