ထောင့်တစ်ထောင့်တွင် ငြိမ်ငြိမ်ထိုင်နေရာက Jisung အတွေးများနေမိတယ်။ အတွေးများနေရင်းက ဆေးရွက်တစ်ရွက်ကို လက်ဖြင့်ချေနေမိရာ ထောင်းစရာမလိုလောက်တော့အောင်ပင် ဖွတ်ဖွတ်ညက်ညက်ကြေနေပြီလည်းဖြစ်တယ်။
Seo System ကလည်း သူ့နားထဲပေါက်ပေါက်ဖောက်နေပေမဲ့ သေသေချာချာမကြားနိုင်တော့လောက်အောင်ကို သူအတွေးများနေရတယ်။
နန်းတော်တွင်း မနက်ဖြန်ကျင်းပမယ့် သံတမန်ကြိုဆိုပွဲမှာ ဖျော်ဖြေဖို့ရာ ခန့်အပ်ထားတဲ့ ကချေသည်ရဲ့ ကျန်းမာရေးကိုစစ်ဆေးကြည့်ဖို့ သမားတော်အိမ်ရာဆီသို့ ယနေ့မနက်က အမိန့်ကျလာတယ်။ သမားတော် Bang ကလည်း သူ့ကိုကူညီပေးဖို့အတွက် Jisung ကိုလက်ထောက်အဖြစ် လိုက်ပါလာဖို့ ခေါ်ဆောင်လာခဲ့တယ်။
အဓိကက သံတမန်ကြိုဆိုပွဲဆိုတာနဲ့ သူ့ခေါင်းထဲကို အလင်းတစ်ခုပေါက်လာခဲ့တာပဲ။ မူရင်း Manhwa အရဆို မနက်ဖြန် သံတမန်ကြိုဆိုပွဲမှာ ဖျော်ဖြေရမယ့် ကချေသည်ဟာ Villain ရဲ့လက်ချက်ကြောင့် ပွဲကနေထွက်ခွာခဲ့ရတယ်။ ထိုအစား အလှလေး Han Jisung ကကပြဖျော်ဖြေပေးခဲ့တယ်ဆိုတဲ့အချက်ကို Jisung ပြန်ပြောင်းသတိရလာခဲ့တယ်။
အဲ့ဒီ့ပြဿနာကို သူမည်သို့မည်ပုံ ဖြေရှင်းရမယ်မှန်း မသိ။ ထို့ကြောင့်လည်း အတွေးများနေရခြင်းဖြစ်တယ်။
ကကွက်တွေကို သူသင်ယူထားလိုက်သင့်သလား။ သင်ယူမယ်ဆိုလျှင်ရော အခုတာဝန်ပေးအပ်ခံထားရတဲ့ အကသမားကို ဘယ်လိုတောင်းဆိုရပါ့မလဲ။ သည့်အပြင် သူဆိုသည်မှာ အကသဘောတရားကိုလည်းနားမလည်။ ကလည်းမကတတ်။
မနက်ဖြန်ပွဲမှာ အကသမား ပွဲကမထွက်ခွာသွားအောင် ကာကွယ်ဖို့ရာလည်း သူမတတ်နိုင်။ Villain မည်သို့မည်ပုံကြံစည်ထားသည်ကို သူမသိ။ သူသာဝင်မကလျှင်လည်း ပွဲကိုဦးစီးဦးဆောင်ပြုနေတဲ့ အိမ်ရှေ့စံရဲ့ ဂုဏ်ဟာ ပြိုလဲရချေဦးမယ်။ သို့ဆိုလျှင် Villain သည်လည်း အနိုင်ရချေဦးမယ်။
"ကဲ... မင်းဘယ်လိုလုပ်မှာလဲ"
အလိုက်ကမ်းဆိုးမသိတဲ့ Seo System က အမဲသားကို တမြုံ့မြုံ့ဝါးနေတဲ့အသံကြားကနေ မေးခွန်းထုတ်လာတယ်။
YOU ARE READING
Out Of Character || MinSung FF ||
FanfictionManhwa ဟာ သိပ်စုတ်လွန်းတယ်လို့ မင်းပြောခဲ့တယ်မဟုတ်လား။ Main character တစ်ယောက်ဖြစ်လာရင် ဒီ Manhwa ရဲ့ဇာတ်လမ်းကို မင်းအများကြီးပြင်ပေးနိုင်မယ်ထင်တယ်။ ငါတို့ System Website ရဲ့ ကြည့်ရှုသူတွေစိတ်တိုင်းကျဖို့ မင်းကို ယုံကြည်လိုက်မယ်။