Jisung သတိပြန်လည်လာရာနေရာမှာ လေထုကပင် ပူနွေးနေတဲ့ အမှောင်ကျအခန်းတစ်ခုရဲ့ မြေသားကြမ်းပြင်ပေါ်မှာဖြစ်တယ်။ သတိကိုမနည်းအားယူ ဆုပ်ကိုင်လိုက်ပြီး ကြိမ်းစပ်နေတဲ့ မျက်လုံးတွေကို ကြိုးစားဖွင့်ကြည့်လိုက်တော့ ပထမဆုံးမြင်တွေ့ရတဲ့အရာဟာ နံရံပေါ်က မီးထွန်းညှိထားတဲ့ မီးတိုင်သာဖြစ်တယ်။
ဦးခေါင်းဟာ အလွန်တရာနာကျင်နေပေမဲ့ နည်းနည်းပိုပြီး အခြေအနေကောင်းလာချိန်မှာတော့ သံပန်းကာရံထားတဲ့ အကျဥ်းခန်းတစ်ခုထဲရှိနေပြီး ဝဲယာနှစ်ဖက်မှာ ယောက်ျားသားနှစ်ဦးစောင့်ကြပ်နေတာကိုတွေ့ရတယ်။ သူ့အရှေ့တည့်တည့် မျက်နှာမူရာမှာလည်း အကျဥ်းခန်းတစ်ခုရှိနေသော်ငြား ခပ်ကြီးကြီး အဝတ်စတစ်ခုနဲ့ကာရံထားတာကြောင့် အတွင်းဘက်သို့မမြင်ရချေ။
လဲကျနေရာက ထထိုင်လိုက်ဖို့ကြိုးစားပေမဲ့ လက်နှစ်ဖက်ဟာ ကျောအနောက်ဘက်မှာ ပူးတွဲချည်ထားခံရတာကြောင့် ထင်သလောက်မလွယ်။ ထထိုင်လိုက်နိုင်ချိန်မှာပဲ တစ်ဆက်တည်း ယောက်ျားတစ်ယောက်ရဲ့ ခပ်ဩဩခေါ်သံတစ်ခုကိုကြားလိုက်ရတယ်။
"နိုးလာပြီကွ။ သခင်မကိုသွားခေါ်လာခဲ့။"
သခင်မ...။ သေသေချာချာကြားလိုက်ရတဲ့ သခင်မဆိုတဲ့ အခေါ်အဝေါ်က မည်သူ့ကိုရည်ရွယ်နေမှန်း Jisung နားမလည်။ သေချာပေါက်သူဟာ အခုအချိန်မှာ ဖမ်းဆီးချုပ်နှောင်ခံထားရတာဖြစ်တယ်။ သူ့ကိုဖမ်းဆီးချုပ်နှောင်နိုင်ချေရှိသူတွေက ဇာတ်လမ်းရဲ့ ဗီလိန်၊ သို့တည်းမဟုတ် Han Jisung မှာ ဗီလိန်ရဲ့သူလျှိုဖြစ်နေကြောင်း ရိပ်မိသွားတဲ့ အိမ်ရှေ့စံရဲ့ဘက်တော်သားတစ်ဦးဦး။ မည်သူပင်ဖြစ်စေ သူအထိနာတော့မည်ကိုတော့ သေချာပေါက်သိနားလည်နေပါရဲ့။
သို့သော် ဒီအခြေအနေကနေ လွတ်ကင်းဖို့ရာ မလွယ်လှ။ အကျဥ်းခန်းတံခါးကို သော့ခလောက်ခပ်ကြီးကြီးတစ်စုံနဲ့ပိတ်လှောင်ထားပြီး သူ့ထက်အားသန်ပါကြောင်း သိသာနေတဲ့ ယောက်ျားနှစ်ယောက်ခြံရံထားလေရာ ကိုယ်ခံပညာတတ်မြောက်သူတစ်ယောက်ဖြစ်နေခဲ့လျှင်တောင် လွတ်မြောက်ဖို့မလွယ်။
YOU ARE READING
Out Of Character || MinSung FF ||
Fiksi PenggemarManhwa ဟာ သိပ်စုတ်လွန်းတယ်လို့ မင်းပြောခဲ့တယ်မဟုတ်လား။ Main character တစ်ယောက်ဖြစ်လာရင် ဒီ Manhwa ရဲ့ဇာတ်လမ်းကို မင်းအများကြီးပြင်ပေးနိုင်မယ်ထင်တယ်။ ငါတို့ System Website ရဲ့ ကြည့်ရှုသူတွေစိတ်တိုင်းကျဖို့ မင်းကို ယုံကြည်လိုက်မယ်။