"အရှင့်သား... ကျွန်တော်မျိုးကိုခေါ်တယ်ဆိုလို့ပါ။"
အိမ်ရှေ့စံရဲ့ အခန်းထဲကို ခွင့်တောင်းခြေချလိုက်ပြီး မျက်နှာအောက်ချ စကားစတော့ အိမ်ရှေ့စံက ထိုင်နေရာမှ တက်ကြွစွာထလာကာ သေတ္တာငယ်တစ်ခုကို သူ့အရှေ့ယူလာလေတယ်။
"ဖွင့်ကြည့်လိုက်"
သေတ္တာငယ်ကို Jisung ရှေ့ချလိုက်ပြီး မျက်ခုံးပင့်ပြကာ ဆိုတော့ Jisung မှာ ကြောင်အနေတုန်း။
"ဖွင့်ကြည့်ပါဆို"
နောက်တစ်ကြိမ်ထပ်၍ ခိုင်းစေတော့ Jisung တွန့်ဆုတ်စွာနဲ့ပဲ သေတ္တာငယ်ကိုဖွင့်ကြည့်လိုက်ရတယ်။
"ဒါက..."
ရွှေချည်မျှင်လေးများ သေသပ်စွာ ထိုးထားတဲ့ ပိုးသားဝတ်စုံကိုမြင်လိုက်ရတော့ အံ့ဩမင်သက်ရစွာ အိမ်ရှေ့စံမျက်နှာကိုလှမ်းကြည့်ရင်း မေးမိတယ်။ အိမ်ရှေ့စံမှာတော့ အလွန်တရာ ဂုဏ်ယူနေဟန်။
"ဝတ်ကြည့်လိုက်"
ခမ်းနားလွန်းလှတဲ့ အပြာနုရောင်ဝတ်ရုံမှာ သေချာပေါက် တော်ဝင်မျိုးနွယ်တစ်ဦးအတွက်သာ ချုပ်လုပ်ထားခြင်းဖြစ်လိမ့်မှာမို့ အိမ်ရှေ့စံရဲ့စကားကို Jisung တွေဝေသွားရတယ်။
"အရှင့်သားကို ကူပြီးဝတ်ပေးရမှာလား"
"မင်းကိုဝတ်ခိုင်းနေတာ"
အံ့ဩတကြီးမော့ကြည့်တော့ အိမ်ရှေ့စံက လည်ပင်းကို အရှက်သည်းစွာပွတ်သပ်ကာ မပီမသ စကားတစ်ခွန်းကိုဆိုတယ်။
"ဒါဝတ်ပြီး ကိုယ်နဲ့ တစ်နေရာကိုလိုက်ခဲ့။ ဒိတ်လုပ်ကြရအောင်။"
Jisung မျက်လုံးမျက်စံပြူးသွားရတယ်။ ဒီအသုံးအနှုန်းဟာ ဒီဘက်ခေတ်မှာမရှိသေးတာ မဟုတ်ချေဘူးလား။
"ဘာကိုဆိုလိုမှန်းတော့မသိပေမဲ့ ကိုယ်ဒီလိုပြောလိုက်ရင် မင်းနားလည်လိမ့်မယ်တဲ့"
ထိုအခါမှ Jisung ရင်အေးသွားရပြီး သက်မတစ်ချက်ရှိုက်လိုက်မိတယ်။ အိမ်ရှေ့စံကပါ ကမ္ဘာကူးပြောင်းလာတဲ့ နောက်ထပ်လူတစ်ယောက်လို့ သတ်မှတ်မိတော့မလို့။
YOU ARE READING
Out Of Character || MinSung FF ||
FanfictionManhwa ဟာ သိပ်စုတ်လွန်းတယ်လို့ မင်းပြောခဲ့တယ်မဟုတ်လား။ Main character တစ်ယောက်ဖြစ်လာရင် ဒီ Manhwa ရဲ့ဇာတ်လမ်းကို မင်းအများကြီးပြင်ပေးနိုင်မယ်ထင်တယ်။ ငါတို့ System Website ရဲ့ ကြည့်ရှုသူတွေစိတ်တိုင်းကျဖို့ မင်းကို ယုံကြည်လိုက်မယ်။