Unicode~
ဒီကမ္ဘာမှာ ရှိသမျှက ရက်စက်မှု၊ လူသားမဆန်မှု၊ ဘက်လိုက်မှု၊ ညှင်းပန်းနှိက်စက်မှု။
လူသားတွေက တိရစ္ဆာန်မျိုးနွယ်တွေထက် ပိုပြီး တိရစ္ဆာန်ဆန်ကြသတဲ့။ အချင်းချင်းသတ်ဖြတ်ကြပြီး ခေါင်းဆောင်နေရာရဖို့ အသေအကြေ တိုက်ပွဲဝင်ကြတယ်။
အောင်နိုင်သူ အုပ်စု ခေါင်းဆောင်းတိုင်းက နတ်ဘုရားတစ်ပါးလို မိမိကိုယ်ကို သတ်မှတ်ကြပြီး မျိုးနွယ်တိုင်းရဲ့ အကိုးကွယ်ခံ။
ဒီကမ္ဘာဟာ ဘာသာမဲ့ရပ်ဝန်း...အင်အားကြီးသူကိုသာ ဦးညွှတ်ရာ..။
ဒီကမ္ဘာကို ခေါ်တယ်...Dystopian World.
ပျက်စီးနေတဲ့ ကမ္ဘာကြီးပေါ့....။
စာနာသနားမှုတွေမရှိဘူး..ဒီကမ္ဘာမှာ မွေးဖွားလာရင် အသက်ရှင်ကျန်ဖို့ ကြိုးစားရမှာက ဦးစားပေးတာဝန်ပဲ။ ညှာတာမှုတွေ ကိုယ်ချင်းစာမှုတွေနဲ့ ဒီနေရာမှာ အသက်ရှင်နေထိုင်နိုင်မှာ မဟုတ်ဘူး။
လူသားတစ်ယောက်အဖြစ်မွေးလာရင် တခြားမျိုးနွယ်တွေကို ဖမ်းဆီးသတ်ဖြတ်ပြီး အင်အားပြနိုင်ရမယ်..။ တခြားမျိုးနွယ်အနေနဲ့မွေးလာရင် လူသားတွေရဲ့ ညှင်းပန်းမှုကနေ လွတ်မြောက်ဖို့ အမြဲကြိုးစားနေရမယ်..။
'ချွမ်း! ချွမ်း!'
အရှည် ၅ပေ အကျယ်၅လက်မခန့်ရှိသော သံမဏိဓါးချင်း တိုက်ခိုက်မှုမှ ထွက်လာသော အသံတွေ။ တစ်ဖက်ကဓါးမှာ သံမဏိကိုမှ ငွေရည်သုတ်ထားသောကြောင့် တခြားဓါးတွေထက် အရောင်ကတလက်လက်ထလွန်းသည်။ ဓါးသွားပေါ်ကို နေရောင်ခြည်စူးစူးများ ကျလာရင် အရောင်ပြန်က တစ်ဖက်လူရဲ့ မျက်လုံးကိုပင် ထိခိုက်နိုင်လောက်သည်။
နောက်ဆုံး ဓါးချက်မှာ ငွေမှင်ရောင်ဓါးသွားက တစ်ဖက်လူရဲ့ လည်ပင်းသို့ ထောက်ပြီး တိုက်ခိုက်မှုရဲ့ အနိုင်အရှုံးပေါ်သွားသည်။
"တိုးတက်လာတာပဲ Kim Taehyung. နောင်နှစ်နှစ်လောက်ဆို လူမျိုးနွယ်တစ်ခုလုံးကိုပါ ဦးဆောင်နိုင်လောက်တယ်"
"မခံယူဝံ့ပါဘူး ခေါင်းဆောင်"
ခေါင်းဆောင်ဆိုသော ထိုလူက ဖခင်အရင်း..။ ဖခင်ပေမယ့် ဘာအရေးလဲ။ ဒီခေတ် ဒီနေရာမှာ အမျိုးစပ်နေလို့မရ။ သူဟာ ကျွန်တော်တို့လူမျိုးစုရဲ့ ခေါင်းဆောင်။ တစ်နည်းအားဖြင့် လူမျိုးနွယ်အားလုံးထဲမှာမှ အင်အားအကြီးဆုံး Hawk မျိုးစုရဲ့ ခေါင်းဆောင်။
