Unicode~
'ဟက်!'
အနိုင်ပိုင်းရတော့မယ်ဆိုသောအသိဖြင့် Felonတစ်ယောက်'ဟက်'ခနဲရယ်လိုက်မိသည်။ ပတ္တမြားမျက်လုံးက ခုလိုအသက်ဝင်နေချိန်မှာပဲယူလို့ရတာလေ။ သူသိပ်သိတာပေါ့။ Kim Taehyungကိုသာ မထိရင် ဒီကျားက အစွမ်းမထုတ်ဘဲ အသေခံလိုက်မယ့်ကောင်ဆိုတာ။
"ဘယ်လိုလုပ်မလဲ ကျားလေးက စိတ်တိုသွားပြီ"
"သတ္တိရှိရင် ထိကြည့်လေ"
ကျားအသွင်ပြောင်းထားသော Jeonက ဒေါသထွက်နေတာမို့ နဂိုရှိသင့်တဲ့ အရွယ်အစားထက် နှစ်ဆလောက်ကြီးသည်။ မျက်လုံးနှစ်လုံးက မီးတောက်နေတဲ့အဆင်းရှိပြီး လက်ဖျံမှာပါ ကျားတစ်ကောင်ရဲ့ အနက်နဲ့အဝါကျားအစင်းတွေဖုံးအုပ်ထားသည်။ တုတ်ခိုင်သန်မာသော ရင်အုတ်ကြွက်သားများက အားကိုးချင်စရာကောင်းသလို တစ်ချိန်တည်းမှာပဲ အရှိန်အဝါတချို့ကို ခံစားနေရသည်။
'ဝေါင်း!'
"Jeon!"
Felonကို ခုန်အုပ်လိုက်တော့ Felonရဲ့ ကျောပြင်က အရေပြားတွေစုတ်ပြတ်သွားသည်။ ရုတ်တရက်မို့ ကာကွယ်ချိန်မရလိုက်တာကြောင့် Felonခမျာ အငိုက်မိသွားရသည်။ Jeonပုံစံက အသိစိတ်မဲ့နေသလို လူတစ်ယောက်ရဲ့အသိစိတ်လည်း ရှိနေမှာမဟုတ်။
Felonက တစ်ဖက်က Taehyungကို ခုခံနေရသလို JungKookကိုလည်း အပြင်းအထန်တိုက်ခိုက်နေသည်။ နဂိုတည်းက သွေးဆုံးရှုံးမှုများနေသော Taehyungမှာလည်း ပင်ပန်းလာပြီဖြစ်သလို Felonကလည်း ဒဏ်ရာပရပွနဲ့။ မဖြစ်ဘူး ဒီကောင်ကို ဇာတ်သိမ်းမှဖြစ်မယ်။
'ဝုန်း!'
Felonကို ဒူးဆစ်ကနေ မ ၍ ပစ်ပေါက်လိုက်သော အသံ။ ခုံအကျိုးအပဲ့တွေကြားကျသွားတာကြောင့် သံချွန်တွေထိုးစိုက်ပြီးသားဖြစ်သွားသည်။ ခပ်လှမ်းမှာ Jeonနဲ့ Felon လုံးထွေးသတ်ပုတ်နေတာကို မြင်နေရပြီး ကိုယ်တိုင်ကတော့ လည်ပင်းမှာ ထိုးစိုက်ခံထားရသော ဓါးဒဏ်ရာက သွေးထွက်ပိုများလာပြီး အမြင်အာရုံက ကောင်းကောင်းအလုပ်မလုပ်နိုင်တော့။ သေချာပါတယ်... Duskနောက်လိုက်ရဲ့ ဓါးမှာ အဆိပ်ရည်သုတ်ထားခဲ့တယ်ဆိုတာ။
ကျွန်တော့်လိုလူက လွယ်လွယ်ကူကူအင်အားချည့်နဲ့တယ်ဆိုတာ ဖြစ်မှမဖြစ်နိုင်ဘဲလေ။
