မနက်ရောက်တော့ ဝေ့ဝူရှန့်က လန်ဝမ်ကျီး၏ "စိတ်ချ သူလာလိမ့်မယ်'' ဆိုသည့် စကားကို ရေရေလည်လည် သဘောပေါက်သွားလေပြီ။ ၎င်းစကားအတိုင်း ဖြစ်မဖြစ်ဆိုသည်က လာမည့်သူအပေါ်၌ မူတည်၍ လန်ဝမ့်ကျီးက တစ်ထစ်ချယုံကြည်ထားခြင်းဖြစ်လေသည်။ အဘယ်ကြောင့်မူ လာမည့်သူသည်ကား နျဲ့ဟိုက်စန်း ဖြစ်နေသည်လေ။
သေချာတာပေါ့ နျဲ့ဟိုက်စန်းက လန်ဝမ့်ကျီးကို ညာရဲသည်အထိ သတ္တိမှမရှိဘဲလေ။ နျဲ့ဟိုက်စန်းသည် မျက်နှာငယ်လေးနှင့် လက်ထဲမှ ယပ်တောင်ကို စိတ်လှုပ်ရှားစွာ တဖြတ်ဖြတ်ခပ်ရင်း သူတို့နှစ်ဦးရှေ့၌ ကျုံ့ကျုံ့ကလေးထိုင်နေသည်။ အမှန်ပင် ၎င်းက ကျုံ့ကျုံ့ကလေး ထိုင်နေခြင်း။ ဝေ့ဝူရှန့်မှာ လူသားပီပီ သနားပင်သွားရသေးသည်။ သို့သော် သူသနား၍ မဆုံးသေးခင် နျဲ့ဟိုက်စန်းက သူ့ကို တဖြတ်ဖြတ်ခပ်နေသည့် ယပ်တောင်အောက်မှ ခိုးကြည့်လာသည်။
"ဒီ...ဒီက သခင်လေးကို ရင်းနှီး....''
ဝေ့ဝူရှန့်က မျက်နှာဖုံးပေါက်မှ တစ်ချက်ခန့်ပြုံးလိုက်ပြီးနောက် ချီးမွမ်းထောပနာပြုရှာသည်။
"ဒီက နောင်ေတာ်နျဲ့... ဂုဏ်သတင်းထက်ကို ထူးကဲပြီး ရွှေဉာဏ်တော် ထက်မြက်ပါပေတယ်...ကျွန်တော်တို့ ချင်းဟယ်ဈေးမှာ တစ်ခေါက်က ဆုံဖြစ်ကြသေးတယ် မဟုတ်လား...?''
ဝေ့ဝူရှန့် သေရည်တစ်ငုံသောက်လိုက်ပြီးနောက် စကားဆက်သည်။
"မထူးဆန်းပါဘူး မထူးဆန်းပါဘူး...ရင်းနှီးနေတာ မထူးဆန်းပါဘူး...အိုင်းရ်....ကမ္ဘာကြီးက တကယ့်ကို ကျဥ်းကျဥ်းလေးပါလား?''
လန်ဝမ့်ကျီး စကားဝိုင်းထဲ ဝင်မပါ။ သို့သော် နျဲ့ဟိုက်စန်းကိုတော့ဖြင့် မျက်မှောင်ကြီးကုတ်လျှက် ရှုစားနေပေသည်။ ဝေ့ဝူရှန့် တွေးလိုက်သည်။
သူသာနျဲ့ဟိုက်စန်းနေရာမှာဆိုရင် ဤသို့ ပြောမိမည်ထင်သည်။
"မကြည့်ချင်လဲ မကြည့်နဲ့လေ ခုတော့ဖြင့် မျက်တောင်လဲမခတ်ဘဲနှင့် ရှုစားနေလိုက်တာများ မျက်ခုံးကြီးကျ ကုတ်ထားပြီး...''ဟု။
နျဲ့ဟိုက်စန်း သူ့ကို စိတ်ဝင်စားနေရာမှ ရုတ်တရက်ထငြင်းလေသည်။
ESTÁS LEYENDO
If we'll meet in another life(uni+zaw) 'System'
Fanficထက်မြတ်ဆည်းဆာဟာ အက်စီးဒင့်န်တစ်ခုကြောင့် မသေဆုံးသည့်ခန္ဓာနှင့် ဝိဉာဥ်ဟာ system လေးရဲ့ ဆွဲခေါ်ခြင်းခံလိုက်ရကာ တခြားကမ္ဘာရှိ ဝိဉာဥ်ပျောက်ဆုံးနေသည့် မှော်နက်အရှင် ဝေ့ဝူရှန့်၏ ခန္ဓာထဲမှာ ဝင်စားလိုက်ရတော့တယ်။ Zawgyi ထက္ျမတ္ဆည္းဆာဟာ အက္စီးဒင့္န္တစ္ခုေၾကာင...
