|| P A R A L L E L ||

Part 14

Parallel
Part 14

အသင့်အတင့်ကျယ်ဝန်းသော ခြံထဲရှိ တစ်ထပ်တိုက်ကလေးကို ဂျုံအင်နှင့်ဂျောင်ဆူး အတူလာကြည့်ဖြစ်သည်။ အပိုင်မဝယ်သေးဘဲ အဆင်ပြေသည့်နေရာတွင် အရင်ငှားနေကြဖို့ဆုံးဖြတ်ပြီး ခြံဝန်းပါသည့် လုံးချင်းတိုက်လေးကို ကြည့်ဖြစ်ခြင်းဖြစ်သည်။ ခြံရှေ့မြေကွက်လပ်ကျယ်မှာ သီးသန့်ဆိုင်အဆောက်အဦအသေးတစ်ခုပါသေးကြောင့် အလုပ်ခန်းပဲလုပ်လုပ် ဆိုင်ခန်းပဲဖွင့်ဖွင့် အဆင်ပြေသည်။

"ရွိုင်း သဘောကျရဲ့လား"

"အင်း ခင်ဗျားရော"

"မောင်က ရွိုင်းရှိတဲ့ ဘယ်နေရာမဆို သဘောကျတယ်"

"အပိုတွေပြောမနေဘဲ တကယ်နေလို့ အဆင်‌ေပြ မပြေသာ ကြည့်စမ်းပါ"

ဂျောင်ဆူးက အံကျိတ်ပြီးပြောလိုက်မှ ဂျုံအင်က ရယ်ပြီး အိမ်ထပ်ခိုးဘက်ကို တက်သွားသည်။

"ရေရော ကောင်းကောင်းရရဲ့လား ဦးလေး"

အိမ်ခန်းလိုက်ပြသည့် ဦးလေးကို မေးကြည့်တော့ ဦးလေးက သူပြသည့် အိမ်ကောင်းကြောင့် ရှယ်ပလန်နဲ့ရှင်းပြတော့သည်။
မကောင်းလည်းကောင်းမယ်လို့ပြောမှာပဲလေ။ ငှားဖြစ်မှ သူပွဲခရမှာကိုး။ ရေအားရော အိမ်အမိုးအနေအထားတွေပါ သေချာစစ်ပြီးတော့ တစ်ခါတည်း စာချုပ်ချုပ်လိုက်သည်။ အရင်ဆုံး ၆ လချုပ်ထားမည်။ အဆင်ပြေမှ ဆက်ချုပ်မည်။ ဒီထက်ပိုအဆင်ပြေနေရင်တော့ ဝယ်မည်ပေါ့။ ဒီလိုနဲ့ ဂျောင်ဆူးက ကျန်သည့်ဘဝအစိတ်အပိုင်းတွေကို ဒဏ်ရာတွေ သက်သာစေတဲ့သူနဲ့ အတူတူ ဖြတ်သန်းသွားဖို့ ဆုံးဖြတ်ထားသည်။

➖

အိမ်ငှားပြီး နောက်ပိုင်း အိမ်ကိုသေချာပြင်ဆင်ကြပြီးမှ ဟိုတယ်က‌နေ အိမ်ခန်းဆီရွှေ့ကြသည်။ ဂျောင်ဆူးကလည်း အလုပ်ပြန်ဝင်နေရပြီဖြစ်သောကြောင့် အိမ်ကိစ္စနှင့်ပတ်သက်ပြီးရော ဂျောင်ဆူး အလုပ်ခန်းဖွင့်ဖို့ကိစ္စပါ ဂျုံအင်ကသာ အကုန်စီစဉ်ပေးသည်။ နာမည်ရှိပြီးသား ဖက်ရှင်မော်ဒယ်ဖြစ်လို့ အလုပ်လုပ်ဖို့ ကမ်းလှမ်းလာမှုတွေများနေသော်လည်း ဂျုံအင်က အလုပ်လက်မခံသေးဘဲ နှစ်ယောက်အတူနေရမည့်နေရာကိုသာ ပြင်ဆင်ဖို့ စိတ်စောနေသည်။ ဂျုံအင်ရဲ့ ဂျောင်ဆူးနဲ့ပတ်သက်ပြီး တက်ကြွမှုတွေကိုတော့ ဘယ်သူမှ လိုက်လို့မီတော့မည်မဟုတ်ပေ။