Parallel
Part 8
ဂျောင်ဆူး လန်ဒန်ရုံးခွဲကိုရောက်တာ တစ်လကျော်သွားပြီဖြစ်သည်။ဖီးလစ်လည်း ရောက်နေပြီဖြစ်ပြီး သင်တန်းလည်း စ နေပြီ။ သင်တန်းကာလ တစ်နှစ်ခွဲနှင့် လန်ဒန်ရုံးခွဲမှာ ခြောက်လလောက် နေရမည်ဖြစ်သောကြောင့် စုစုပေါင်း နှစ်နှစ်နီးပါးကြာနိုင်သည်။ ဆိုးလ်နဲ့အဝေးဆုံးမှာနေချင်သည့် ဂျောင်ဆူးအတွက်တော့ နှစ်နှစ်မကလို့ နှစ်ပေါင်း နှစ်ဆယ်ပဲကြာကြာ သဘောကျသည်။ ဖြစ်နိုင်ရင် ဆိုးလ်ကို ပြန်ချင်စိတ်ပင်မရှိ။ ဒီမှာပဲအခြေချရင်ကောင်းမလားတောင် စဉ်းစားမိသည်။
အလုပ်က စီစဉ်ထားသော အဆောင်မှာသာနေပြီး မနက်ခင်းဆို သင်တန်းရှိသည့် ဌာနကို သွားရသည်။ လိုအပ်သည့်အခါ ရုံးဘက်ကို သွားကူပေးရတာလည်းရှိသည်။ စားရေးသောက်ရေးကတော့ အဆင်ပြေလှသည်မဟုတ်။ ရုံးကစီစဉ်ပေးသော်လည်း ဂျောင်ဆူးက အနောက်တိုင်းအစားအစာများကို သဘောကျလှသည်မဟုတ်ပေ။ ကိုယ်တိုင်က မချက်တတ်ပေမဲ့ အိမ်မှာချက်သည့် ကိုရီးယားအစားအစာများကို လွမ်းနေမိတာတော့ အမှန်ပဲဖြစ်သည်။
အရာရာအဆင်ပြေနေပေမဲ့ စိတ်ရှုပ်နေရသည့်ကိစ္စတစ်ခုကတော့ အရပ်ရှည်ရှည် အသားညိုညိုနှင့်လူက အလုပ်မရှိတဲ့လူလို နေ့တိုင်း ရုံးကိုလာနေခြင်းဖြစ်သည်။ ပျောက်သွားလည်း တစ်ရက်နှစ်ရက်လောက်သာကြာပြီး နောက်နေ့ချက်ချင်းပြန်ရောက်လာတတ်သည်။ ကုမ္ပဏီနှင့် လက်တွဲလုပ်ကိုင်နေသည့် ဖက်ရှင်မော်ဒယ်မှန်း သိနေသောကြောင့် အရင်လောက်တော့ ခါးခါးသီးသီးမပြောဖြစ်တော့ဘဲ လူမှုရေးအရ ဆက်ဆံမှုမျိုး ဖြစ်လာသည်။ ဂျောင်ဆူးက အင်္ကျီကိစ္စနဲ့ပတ်သက်ပြီး တကူးတကလာတယ်ထင်ခဲ့ပေမဲ့ အစကတည်းကလန်ဒန်မှာနေတဲ့သူဖြစ်ကြောင်း အခုမှသိရသည်။ အင်္ကျီအစားထိုးပြန်ပေးမယ်လို့ပြောထားပြီး အကြိမ်ပေါင်းများစွာ လာတွေ့နေတာတောင် အင်္ကျီတစ်ခါမှ ယူမလာခဲ့ပေ။ လိုချင်လွန်း၍ မဟုတ်သော်လည်း အဲ့ဒီလို စကားရှေ့နောက်မညီတာကို ဂျောင်ဆူးအရမ်းမုန်းသည်။
"ရွိုင်း"
နေ့ခင်း ထမင်းစားချိန် သင်တန်းဌာနကနေ စားသောက်ဆောင်ကို သွားသည့်လမ်းတွင် ခါအီပေါ်လာသည်။ ရိုက်ကူးရေးတစ်ခုခုကနေ လာပုံရပြီး မိတ်ကပ်ရော ဆံပင်ပါ သပ်ရပ်စွာပြင်ထားသည်။
YOU ARE READING
|| P A R A L L E L ||
Fanfictionမျဉ်းပြိုင်နှစ်ကြောင်းဟာ နီးကပ်နေသလောက် ဆုံမှတ်မရှိဘူး ခင်ဗျားနဲ့ကျွန်တော်ဟာ မျဉ်းပြိုင်.... (Unicode + Zawgyi)
