Parallel
Final
ဂျောင်ဆူး အိမ်မပြန်ဖြစ်ဘဲ အလုပ်မှာနေခဲ့တာ ရက်ပိုင်းလောက်ကြာနေပြီဖြစ်သည်။ လုပ်လက်စတွေ လက်စသတ်ပြီး hand over လုပ်ရမည့် ဖိုင်များကို သေချာစုစည်းနေရသည်။ လက်လွှဲရမည့်သူက ဖီးလစ်ဖြစ်နေလို့ တော်ပါသေးသည်။ တစ်ခုခုဆို ဆက်သွယ်ပြီး မေးမြန်းလို့ လွယ်သေးသည်။
ဘတ်ခ်ဟျွန်းတို့အတွက် ဆွဲထားသည့် ဝတ်စုံဒီဇိုင်းကလည်း fitting တစ်ခါ ချပြီးပြီဖြစ်သည်။ တစ်လလောက်အကြာမှာ အခြေအနေတွေက ဘာတွေပြောင်းလဲခဲ့သလဲ...။ ဘာဆို ဘာမှကိုပြောင်းလဲမလာခဲ့ပါ။ ပတ်ချန်ယောလ်ကလည်း အကြောင်းမရှိဘဲ ထပ်မရောက်လာခဲ့သလို၊ ဂျောင်ဆူးကလည်း သွားတွေ့တာမျိုးမရှိခဲ့။ ကြားလူနှစ်ယောက်ဖြစ်နေတဲ့ ခါအီနဲ့ ဘတ်ခ်ဟျွန်းကလည်း သိပြီးသားကိစ္စတွေကို မသိသလိုသာ နေနေကြသည်။
Fitting လာချသည့်နေ့တွင် ဘတ်ခ်ဟျွန်းနှင့် ချန်ယောလ် အတူလာကြပြီး ဂျောင်ဆူး အနားတွင်လည်း ခါအီရှိနေခဲ့သည်။ ပတ်သက်မှုတွေကို သိပြီးတာတောင် ကြည်ကြည်ဖြူဖြူရှိနေပေးသော ခါအီကိုရော၊ ဂျောင်ဆူး ဆွဲသည့်ဝတ်စုံဒီဇိုင်းကို ကြည်ကြည်ဖြူဖြူလက်ခံပေးသော ဘတ်ခ်ဟျွန်းကိုရော ကျေးဇူးတင်ရသည်။ ဂျောင်ဆူးက ပတ်ချန်ယောလ်နဲ့ပတ်သက်ပြီး ကျန်ရှိနေသည့် ခံစားချက်တွေ အားလုံးကို ဒီဝတ်စုံလေးထဲမှာ အကုန်ထည့်သွင်းပေးလိုက်ပြီဖြစ်သည်။
➖
အပြီးသတ် Fitting ချမည့်နေ့တွင်လည်း ဘတ်ခ်ဟျွန်းနှင့်အတူ ချန်ယောလ်ပါရောက်လာကြပြီး ခါအီကလည်း အလုပ်ခန်းထဲမှာ တူတူရှိနေခဲ့ပါသည်။ ချန်ယောလ်က ရောက်လာကတည်းက ဂျောင်ဆူးကို တစ်စက်မှ ရင်မဆိုင်ဘဲ မျက်နှာလွှဲလို့သာနေတော့သည်။
"ကိုယ်တိုင်းကို သေချာပြန်ပြင်ထားတယ်
ပြန်ဝတ်ကြည့်ကြဦး"
နှစ်ယောက်လုံး ဝတ်စုံပြည့်နှင့် ဂျောင်ဆူးရှေ့တွင်ရပ်နေသည့် မြင်ကွင်းသည် ကြည်နူးစရာကောင်းသလို ရင်လည်းနာရသည်။ ဂျောင်ဆူးရည်ရွယ်ထားသလို တစ်သက်တွင် တစ်ခါသာ ဒီဇိုင်းဆွဲမည့် မင်္ဂလာဝတ်စုံကို ရည်ရွယ်ထားသည့်လူအတွက်သာ ဆွဲပေးနိုင်ခဲ့ပြီ။
YOU ARE READING
|| P A R A L L E L ||
Fanfictionမျဉ်းပြိုင်နှစ်ကြောင်းဟာ နီးကပ်နေသလောက် ဆုံမှတ်မရှိဘူး ခင်ဗျားနဲ့ကျွန်တော်ဟာ မျဉ်းပြိုင်.... (Unicode + Zawgyi)
